Don't Miss!
- News 'മുഖ്യമന്ത്രി രാഹുൽജിയെ ആദ്യമായല്ല അവഹേളിക്കുന്നത്, പ്ലീസ് സഹായിച്ചില്ലെങ്കിലും ദ്രോഹിക്കരുത്'; രമ്യ ഹരിദാസ്
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- Automobiles കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
മേഘ്നക്ക് എല്ലാഭാഷയും ഒരു പോലെ
മലയാളത്തിലെ സൂപ്പര്ഹിറ്റ് വിജയങ്ങള്ക്കു ശേഷം കന്നടയില് തന്റെ സ്ഥാനം ഉറപ്പിക്കാന് ശ്രമിക്കുകയാണ് മേഘ്ന. എസ് ആര് പ്രഭാകരന് സംവിധാനം ചെയ്ത സുന്ദര പാണ്ഡ്യന് എന്ന തമിഴ് ചിത്രത്തിന്റെ കന്നട റീമേക്കായ രാജഹുളിയുടെ ഷൂട്ടിങ്ങിനായി മേഘ്ന ബാംഗ്ലൂരിലാണ്. ഭാഷയുടെ പേരില് സിനിമയിലേക്ക് തിരഞ്ഞെടുക്കുന്നതിനോട് തനിക്ക് യോജിപ്പില്ലെന്നും തനിക്ക് ഏത് ഭാഷയും വഴങ്ങുമെന്നും കന്നടക്കാരിയായ മേഘ്നയുടെ ഭാഷ്യം.
തമിഴ്, കന്നട, മലയാളം എന്നിവ ഒരു പോലെ കംഫര്ടബിളാണെന്നും ആരെങ്കിലും എന്നോട് ഏത് ഭാഷയിലാണ് അഭിനയിക്കാന് ഇഷ്ടമെന്ന് ചോദിച്ചാല് എനിക്ക് മറുപടിയില്ല എന്നാണ് മേഘ്നയുടെ അഭിപ്രായം. മാതാപിതാക്കളില് ആരെയാണ് കൂടുതല് ഇഷ്ടം എന്ന് കുട്ടിയോട് ചോദിക്കുന്നതു പോലെയാണിതെന്നും മേഘ്ന പറയുന്നു.
വിനയന്റെ ഹൊറര് ത്രില്ലറായ യക്ഷിയും ഞാനും എന്ന മലയാള സിനിമയില് അഭിനയിക്കണം എന്നു വിചാരിച്ചതല്ല. പക്ഷേ അത് ദൈവനിശ്ചയം പോലെ സംഭവിച്ചതാണെന്നും അതിനു ശേഷം തന്നെ തേടി നിരവധി നല്ല റോളുകള് വരികയാണെന്നും താരം പറഞ്ഞു. കഴിഞ്ഞ മൂന്ന് വര്ഷം ഞാന് എന്റെ ജന്മസ്ഥലത്തേക്കാള് കൂടുതല് ചിലവഴിച്ചത് കൊച്ചിയിലായിരുന്നു.
വീട്ടുകാരുടെ ഒപ്പം കുറച്ചു നാള് ചിലവഴിക്കാന് കൂടിയാണ് താന് ഈ കന്നട പടം ചെയ്യാനുള്ള കാരണമെന്നും സിനിമയിലെ തിരക്കുമൂലം പഴയകാല സുഹൃത്തുക്കളെ കാണാന് പോലും പറ്റിയിരുന്നില്ല. ഈ ബ്രേക്ക് അതിനായും കൂടെ ഉപയോഗപ്പെടുത്താനാണ് തീരുമാനം എന്നും മേഘ്ന കൂട്ടി ചേര്ത്തു.
മലയാളത്തില് താരത്തിന്റേതായി നിരവധി സിനിമകളാണ് റിലീസ് ചെയ്യാനിരിക്കുന്നത്. അപ് ആന്റ് ഡൗണ്, ടികെ രാജീവ് കുമാറിന്റെ റെഡ് വൈന്, ഗുഡ് ബാഡ് ആന്റ് അഗ്ലി എന്നിവയാണവ. ഇനിയും നല്ല പ്രോജക്ടുകളുടെ ഭാഗമാകണമെന്നാണ് താരത്തിന്റെ ആഗ്രഹം.