'നേരാ തിരുമേനി ഈപ്പച്ചന്‍ പള്ളിക്കൂടത്തില്‍ പോയിട്ടില്ല', ലേലം രണ്ടാം ഭാഗം അണിയറയില്‍ ഒരുങ്ങുന്നു !!

രണ്ടാം ഭാഗത്തിന്റെ തിരക്കഥ പൂര്‍ത്തിയായി

രണ്‍ജി പണിക്കര്‍, ജോഷി, സുരേഷ് ഗോപി കൂട്ടുകെട്ടില്‍ പുറത്തിറങ്ങിയ എക്കാലത്തെയും മികച്ച ഹിറ്റ് ചിത്രങ്ങളിലൊന്നായ ലേലത്തിന്റെ രണ്ടാം ഭാഗം വരുന്നുവെന്ന് നേരത്തെ തന്നേ റിപ്പോര്‍ട്ടുകള്‍ പ്രചരിച്ചിരുന്നു. എന്നാല്‍ ഔദ്യോഗിക സ്ഥിരീകരണം ഉണ്ടായത് ഇതാദ്യമായാണ്. ചിത്രത്തിന്റെ തിരക്കഥ പൂര്‍ത്തിയാക്കിയത് രണ്‍ജി പണിക്കര്‍ തന്നെയാണ്.

ആനക്കാട്ടില്‍ ചാക്കോച്ചി വീണ്ടും എത്തുന്നു

ആക്ഷന്‍ വേഷങ്ങളില്‍ പ്രത്യേക വൈഭവം കാഴ്ച വെയ്ക്കുന്ന താരമാണ് സുരേഷ് ഗോപി. തനിക്ക് ലഭിക്കുന്ന അത്തരം വേഷങ്ങള്‍ അങ്ങേയറ്റം ആത്മാര്‍ത്ഥതയോടെ പരമാവധി മനോഹരമായി താരം ചെയ്യാറുണ്ട്. ഒരു കാലത്തെ മലയാള സിനിമയില്‍ ആക്ഷനെന്ന് കേട്ടാല്‍ പ്രേക്ഷക മനസ്സില്‍ ആദ്യം ഓടിയെത്തിയിരുന്നത് സുരേഷ് ഗോപിയുടെ മുഖമായിരുന്നു.

സംവിധായകനായി നിഥിന്‍ രണ്‍ജി പണിക്കര്‍

ലേലത്തിന്റെ രണ്ടാം ഭാഗം നിഥിന്‍ രണ്‍ജി പണിക്കര്‍ സംവിധാനം ചെയ്യുമെന്ന റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. മമ്മൂട്ടി ചിത്കമായസബയിലൂടെയാണ് നിഥിന്‍ മലയാള സിനിമയിലേക്ക് രംഗപ്രവേശം ചെയ്തത്.

20 വര്‍ഷത്തിനു ശേഷം

1977 ലാണ് ലേലം സിനിമ റിലീസ് ചെയ്തത്. ബോക്‌സോഫീസില്‍ മികച്ച വിജയം നേടിയ ചിത്രം സുരേഷ് ഗോപിയുടെ അഭിനയ ജീവിതത്തിലെ മികച്ച ചിത്രങ്ങളിലൊന്നാണ്. ആദ്യഭാഗം പുറത്തിറങ്ങി 20 വര്‍ഷത്തിനു ശേഷമാണ് ലേലത്തിന്റെ രണ്ടാം ഭാഗം പുറത്തിറങ്ങുന്നത്.

സുരേഷ് ഗോപിയും നന്ദിനിയും വീണ്ടും എത്തുന്നു

സുരേഷ് ഗോപിയോടൊപ്പം ശക്തമായ വേഷത്തില്‍ നന്ദിനിയും ഈ ചിത്രത്തില്‍ അഭിനയിച്ചിരുന്നു. ചാക്കോച്ചിയുടെ വലം കൈയായി വേഷമിട്ട സിദ്ദിഖ് രണ്ടാം ഭാഗത്തിലും സഹകരിക്കുമെന്ന റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. നന്ദിനിയും ചിത്രത്തിന്‍രെ ഭാഗമാവുമെന്ന റിപ്പോര്‍ട്ടുകളും പ്രചരിക്കുന്നുണ്ട്. രണ്‍ജി പണിക്കരും ജിസ്‌മോനും ചേര്‍ന്നാണ് ചിത്രം നിര്‍മ്മിക്കുന്നത്.