നടി ലിസി ഇപ്പോള്‍ അഭിനയിക്കുന്നില്ല!കമല്‍ഹാസന്റെ പിന്തുണയുമായി പുതിയൊരു പരിപാടി തുടങ്ങിയിരിക്കുകയാണ്

ലിസിയുടെ ഡബ്ബിങ് സ്റ്റുഡിയോ

പ്രിയദര്‍ശനുമായുണ്ടായിരുന്ന വിവാഹബന്ധം വേര്‍പെടുത്തിയതിന് ശേഷമാണ് ലിസി പുതിയൊരു ഡബ്ബിങ് സ്റ്റുഡിയോ ചെന്നൈയില്‍ ആരംഭിച്ചിരിക്കുന്നത്.

കമല്‍ഹാസന്‍ ഉദ്ഘാടനം ചെയ്തു

ഇന്നലെ ഉലകനായകന്‍ കമല്‍ഹാസനാണ് ലിസിയുടെ സ്റ്റുഡിയോ ഉദ്ഘാടനം ചെയ്തിരിക്കുന്നത്. റസൂല്‍ പൂക്കൂട്ടിയും സംവിധായകന്‍ വി എസ് രവി കുമാറും പരിപാടിയില്‍ പങ്കെടുത്തിരുന്നു.

പ്രിയദര്‍ശന്‍ ലിസി ബന്ധം

ഒരു കാലത്ത് മലയാള സിനിമയില്‍ തിളങ്ങി നിന്ന നടിയായിരുന്നു ലിസി. പ്രിയദര്‍ശന്റെ സിനിമകളില്‍ നായികയായി അഭിനയിച്ചിരുന്ന ലിസി സംവിധായകന്റെ ജീവിതത്തിലേക്കും നായികയായി മാറുകയായിരുന്നു.

ആശംസകളുമായി പ്രിയദര്‍ശന്‍

ലിസിയുടെ പുതിയ സംരഭത്തിന് ആശംസകളുമായി പ്രിയദര്‍ശന്‍ രംഗത്തെത്തിയിരുന്നു. ചെന്നൈയില്‍ ലിസി ലക്ഷ്മി ആരംഭിച്ച ഡബ്ബിങ് സ്റ്റുഡിയോയ്ക്ക് എല്ലാവിധ മംഗളങ്ങളും നേരുന്നുവെന്ന് ഫേസ്ബുക്കിലുടെയായിരുന്നു അദ്ദേഹം ആശംസയറിയിച്ചത്.

24 വര്‍ഷം നീണ്ട ദാമ്പത്യം

സിനിമയില്‍ നിന്നും തുടങ്ങിയ പ്രണയം പിന്നീട് വിവാഹത്തിലേക്ക് എത്തുകയായിരുന്നു. ശേഷം 24 വര്‍ഷം ഒന്നിച്ച് ജീവിച്ചിരുന്നെങ്കിലും 2014 ല്‍ ഇരുവരും ബന്ധം വേര്‍പ്പെടുത്തുകയായിരുന്നു.

റസൂല്‍ പൂക്കുട്ടിയുടെ പിന്തുണ

തന്റെ ഡബ്ബിങ് സ്റ്റുഡിയോയുടെ നിര്‍മാണത്തിന്‍െ ആദ്യ ഘട്ടം മുതല്‍ മാര്‍ഗനിര്‍ദ്ദേസം നല്‍കിയിരുന്നത് റസൂല്‍ പൂക്കുട്ടിയായിരുന്നെന്നാണ് ലിസി ഉദ്ഘാടന ചടങ്ങില്‍ പറഞ്ഞിരുന്നത്.

സിനിമയിലേക്ക്

വിവാഹ മോചനത്തിന് ശേഷം ലിസി സിനിമയിലേക്ക് വരുന്നു എന്ന് വാര്‍ത്തകള്‍ വന്നിരുന്നെങ്കിലും നടി അഭിനയിക്കാന്‍ ഒരുക്കമല്ലെന്നും എന്നാല്‍ സിനിമയുമായി എന്നും ബന്ധം നില നിര്‍ത്തുന്നതിന് വേണ്ടിയാണ് പുതിയ സ്റ്റുഡിയോ ആരംഭിച്ചിരിക്കുന്നത്.