മലയാള നായകന്മാരെല്ലാം ന്യൂ ലുക്കില്‍

മലയാള നായകന്മാരെല്ലാം ന്യൂ ലുക്കില്‍

പുറത്തുവരാനിരിക്കുന്ന കടല്‍ കടന്നൊരു മാത്തുക്കുട്ടി, ദൈവത്തിന്റെ സ്വന്തം ക്ലീറ്റസ് എന്നീ ചിത്രങ്ങളില്‍ മമ്മൂട്ടിയെ തീര്‍ത്തും വ്യത്യസ്തമായ രൂപത്തിലാണ് കാണാന്‍ കഴിയുക. മീശയില്ലാതെ പക്കാ എന്‍ആര്‍ഐയുടെ ഭാവത്തിലാണ് മാത്തുക്കുട്ടി എത്തുന്നതെങ്കില്‍ താടിയും മുടിയും വളര്‍ത്തി കുപ്പായക്കൈകള്‍ തെറുത്തുകയറ്റിയും നീളന്‍ ജൂബയിട്ടുമെല്ലാമാണ് ക്ലീറ്റസിന്റെ അവതാരം.

മലയാള നായകന്മാരെല്ലാം ന്യൂ ലുക്കില്‍

മോഹന്‍ലാല്‍ താടിയും നരയുമെല്ലാമായി അഭിനയിച്ചിരിക്കുന്നത് വളരെ അപൂര്‍വ്വം ചിത്രങ്ങളിലാണ്. പക്ഷേ ഈ അടുത്തകാലത്തായി ഇത്തരം മുതിര്‍ന്ന ലൂക്കുള്ള കഥാപാത്രങ്ങള്‍ അവതരിപ്പിക്കാന്‍ ലാല്‍ തയ്യാറാകുന്നുണ്ട്. ഗ്രാന്റ്മാസ്റ്റര്‍ പോലുള്ള ചിത്രങ്ങളില്‍ ലാലിനെ അല്‍പം സീനിയറായിത്തന്നെ കാണാന്‍ കഴിഞ്ഞ ചിത്രമാണ്. ലാല്‍ ന്യൂ ലുക്കുലെത്തുന്ന പുതിയ ചിത്രം ജില്ലയാണ്. തമിഴ് ചിത്രമായ ജില്ലയില്‍ താടിയും പിരിച്ചുവച്ച മീശയും നരയുമെല്ലാമായിട്ടാണ് ലാല്‍ എത്തുക.

മലയാള നായകന്മാരെല്ലാം ന്യൂ ലുക്കില്‍

അടുത്തിടെ പുറത്തിറങ്ങിയ ലക്കി സ്റ്റാര്‍ എന്ന ചിത്രത്തില്‍ വളരെ യങ് ലുക്കിലായിരുന്നു ജയറാമിനെ കണ്ടത്. പിന്നീട് വന്ന ഭാര്യ അത്ര പോരയെന്ന ചിത്രത്തില്‍ കുറച്ചുകൂടി പ്രായമുള്ളൊരു കഥാപാത്രമായിട്ടാണ് ജയറാം വന്നത്. ഇനി വരാനിരിക്കുന്ന ഷാജി എന്‍ കരുണിന്റെ സ്വപാനം എന്ന ചിത്രത്തില്‍ തീര്‍ത്തും വ്യത്യസ്തമായ ലുക്കുള്ള ഒരു ചെണ്ട കലാകാരനായിട്ടാണ് ജയറാം എത്താന്‍ പോകുന്നത്.

മലയാള നായകന്മാരെല്ലാം ന്യൂ ലുക്കില്‍

ഏറ്റവും വൈവിധ്യമുള്ള കഥാപാത്രങ്ങളാണ് പൃഥ്വിയ്ക്ക് ലഭിച്ചുകൊണ്ടിരിക്കുന്നത്. അയ്യായെന്ന ഹിന്ദിച്ചിത്രത്തില്‍ സിക്‌സ് പാക്കില്‍ വന്ന പൃഥ്വി, അയാളും ഞാനും തമ്മില്‍, ജെസി ഡാനിയേല്‍ മുംബൈ പൊലീസ് എന്നീ ചിത്രഭങ്ങളിള്‍ ഒന്നിനൊന്ന് വ്യത്യസ്തമായ ലുക്കിലാണ് എത്തിയത്. ഇനി പുറത്തിറങ്ങാന്‍ പോകുന്ന മെമ്മറീസിലും ലണ്ടന്‍ ബ്രിഡ്ജിലും പൃഥ്വിയെ വീണ്ടും വ്യത്യസ്തലുക്കില്‍ കാണാന്‍ കഴിയും.

മലയാള നായകന്മാരെല്ലാം ന്യൂ ലുക്കില്‍

വ്യത്യസ്ത രൂപഭാവങ്ങളില്‍ അഭിനയിക്കാന്‍ വലിയ താല്‍പര്യം കാണിക്കാറുള്ള നടനാണ് ദിലീപ്. കുഞ്ഞിക്കൂടനും, രാധയും, മായാമോഹിനിയുമെല്ലാം ദിലീപിന്റെ വ്യത്യസ്ത വേഷങ്ങളാണ്. അടുത്തകാലത്തിറങ്ങിയ സൗണ്ട് തോമയില്‍ മുച്ചുണ്ടുള്ള നായകനായിട്ടായിരുന്നു ദിലീപ് വന്നത്. ഇപ്പോള്‍ തെലുങ്കില്‍ അരങ്ങേറ്റം നടത്താന്‍ പോകുന്ന ദിലീപ് സായി ബാബയുടെ വേഷത്തില്‍ തീര്‍ത്തും വ്യത്യസ്തനായി എത്താനുള്ള തയ്യാറെടുപ്പിലാണ്.

മലയാള നായകന്മാരെല്ലാം ന്യൂ ലുക്കില്‍

ഫഹദിനും വ്യത്യസ്തമായ കഥാപാത്രങ്ങള്‍ ലഭിയ്ക്കുന്നുണ്ട്. അന്നയും റസൂലും, ആമേനും 5 സുന്ദരികളും ഇതിനുദാഹരണങ്ങളാണ്. ഇനി വരാനിരിക്കുന്ന ഒളിപ്പോര്, ആര്‍ട്ടിസ്റ്റ്, നോര്‍ത്ത് 24 കാതം എന്നീ ചിത്രങ്ങളിലും ഫഹദിനെ വ്യത്യസ്ത ലുക്കുകളില്‍ കാണാം.

മലയാള നായകന്മാരെല്ലാം ന്യൂ ലുക്കില്‍

സിനിമയിലെ രണ്ടാം വരവിലാണ് കുഞ്ചാക്കോ ബോബന്‍ എന്ന നടന്റെ റേഞ്ച് തിരിച്ചറിയാന്‍ കഴിഞ്ഞത്. പഴയ ചോക്ലേറ്റ് ഭാവം ഇപ്പോള്‍ ചാക്കോച്ചന് ഇല്ലതന്നെ. സീരിയസായതും വ്യത്യസ്തമായതുമായ വേഷങ്ങളാണ് ചാക്കോച്ചന് കിട്ടിക്കൊണ്ടിരിക്കുന്നത്. പുറത്തിറങ്ങാനിരിക്കുന്ന പുള്ളിപ്പുലികളും ആട്ടന്‍ കുട്ടിയും എന്ന ചിത്രത്തില്‍ കഷണ്ടിയും ബുള്‍ഗാനുമൊക്കെയായി ചാക്കോച്ചനെ കാണാം.

മലയാള നായകന്മാരെല്ലാം ന്യൂ ലുക്കില്‍

ജയസൂര്യയുടെ ഓരോചിത്രത്തിലും മേക്ക് ഓവര്‍ നടത്തിക്കൊണ്ടിരിക്കുന്ന താരമാണ്. ബ്യൂട്ടിഫുള്‍, കോക്ടെയില്‍ തുടങ്ങിയ ചിത്രങ്ങളില്‍ തീര്‍ത്തും വ്യത്യസ്തഭാവത്തിലായിരുന്നു ജയസൂര്യ. ഏറ്റവും ഒടുവില്‍ പുറത്തിറങ്ങിയ താങ്ക് യു വിലും ജയസൂര്യയ്ക്ക് തീര്‍ത്തും വ്യത്യസ്തമായ ലുക്ക് തന്നെ.

മലയാള നായകന്മാരെല്ലാം ന്യൂ ലുക്കില്‍

ഒന്നിനൊന്ന് രസകരമായ കഥാപാത്രങ്ങളാണ് ബിജു മേനോന്‍ ചെയ്തുകൊണ്ടിരിക്കുന്നത്. കുറ്റിത്തലമുടിയും പരുക്കന്‍ ഭാവങ്ങളും ഒപ്പം നീട്ടിവളര്‍ത്തിയ മുടിയും തമാശയുമായും ബിജു എത്തിക്കഴിഞ്ഞു. പകിടയെന്ന പുതിയ ചിത്രത്തില്‍ ബിജുവിന് വീണ്ടും ന്യൂ ലുക്ക് ലഭിച്ചിരിക്കുകയാണ്. അംഗവൈകല്യമുള്ള കഥാപാത്രത്തെയാണ് ഈ ചിത്രത്തില്‍ ബിജു അവതരിപ്പിക്കുന്നത്.