തുടയിൽ കൈവച്ച് എന്ത് തരുമെന്ന് സംവിധായകൻ!! യുവനടൻ കൊടുത്തത്, ഇതാണ് കട്ട ഹീറോയിസം!!

തുടയിൽ കൈവെച്ചു

കഴിഞ്ഞ മൂന്ന് വർഷമായി തനിയ്ക്ക് അനുഭവമുളള സംവിധായകനിൽ നിന്നാണ് ഇത്തരത്തിലുള്ള ഒരു മോശമായ അനുഭവം നേരിടേണ്ടി വന്നത്. അദ്ദേഹത്തിനോട് സിനിമയിൽ അവസരം ചോദിച്ചാണ് അവിടെ എത്തിയത്. എന്നാൽ ആദ്യം സിനിമയെ കുറിച്ച് സംസാരിച്ചെങ്കിലും പിന്നീട് തുടയിൽ കൈവച്ചിട്ട് തനിയ്ക്ക് എന്താണ് പ്രയോജനം എന്ന് ചോദിക്കുകയായിരുന്നു.

മുഖത്ത് ആഞ്ഞടിച്ച്

ആദ്യം തനിയ്ക്ക് ഇതിനെ കുറിച്ച് മനസിലായിരുന്നില്ല. എന്നാൽ പിന്നീടാണ് അയാളുടെ ഉദ്യേശം തനിയ്ക്ക് വ്യക്തമായത്. തനിയ്ക്ക് താൽപര്യമില്ലെന്ന് അയാളോട് അപ്പോൾ തന്നെ പറഞ്ഞിരുന്നു. ശേഷം കൈമാറ്റാൻ രണ്ടു തവണ താൻ ആവശ്യപ്പെടുകയും ചെയ്തിരുന്നു. മൂന്നാം തവണ അയാളുടെ മുഖത്ത് ആഞ്ഞടിച്ചതിനു ശേഷമാണ് അവിടെ നിന്ന് മടങ്ങി വന്നതെന്ന് യുവനടൻ പറഞ്ഞു. ഏഷ്യനെറ്റ് ഓൺലൈനോടായിരുന്നു നവ്ജിത്തിന്റെ വെളിപ്പെടുത്തൽ. തുടർന്ന ഫേസ്ബുക്കിലും പോസ്റ്റ് ചെയ്തിട്ടുണ്ട്.

പലർക്കും അനുഭവമുണ്ട്

ഇതുപോലുളള മോശം അനുഭവം തന്റെ പുരുഷ സുഹൃത്തുക്കൾ പങ്കുവെച്ചിട്ടുണ്ട്. എന്നാൽ അപ്പോഴെന്നും തനിയ്ക്ക് അത് വിശ്വസിക്കാൻ കഴിഞ്ഞിരുന്നില്ല. ഇത് തന്റെ ജീവിതത്തിലെ ആദ്യ അനുഭവമാണ്. കൊച്ചിയിൽ സിനിമ മോഹവുമായി നടക്കുന്ന പലർക്കും ഇത്തരത്തിലുള്ള അനുഭവങ്ങൾ ഉണ്ടായിരിക്കും. എന്നാൽ ഇത്തരത്തിലുള്ള ദുരനുഭവങ്ങൾ ആരും തുറന്നു പറയാൻ തയ്യാറാവുന്നില്ല. പുറം ലോകമറിഞ്ഞാൽ തങ്ങളുടെ സിനിമ കരിയറിനെ ബാധിക്കുമോ അവസരങ്ങൾ നഷ്ടമാകുമോ എന്ന് പേടിച്ച് ഇത് ആരും തുറന്ന് പറയുന്നില്ല.

സംവിധായകന്റെ പേര്

സ്ത്രീകൾ നേരിടുന്നതു പോലെ ഇതും ചർച്ച ചെയ്യേണ്ട ഒരു വിഷയമാണ്. അതേ,മയം നടൻ സംവിധായകന്റെ പേര് പുറത്തു വിട്ടിട്ടില്ല. തന്റെ സിനിമ ജീവിതം അവസാനിക്കുമോ എന്ന ഭയംകൊണ്ടല്ല ആ കുടുംബത്തെ ആലോചിച്ചാണ് പേര് പുറത്തു വിടാത്തതെന്ന് നടൻ പറഞ്ഞു. സിനിമയെ സത്യസന്ധമായി കാണുന്ന ഒരുപാട് പേരുണ്ടിവിടെ.

അതില്‍ ഒരാള്‍ മോശമായി പെരുമാറിയതിന്‍റെ പേരില്‍ മൊത്തം സിനിമാ പ്രവര്‍ത്തകരെയും അടച്ചാക്ഷേപിക്കാന്‍ തയ്യാറാല്ല. അതിനാല്‍ പരാതി നല്‍കുന്നില്ലെന്നും എന്നാല്‍ സ്ത്രീകള്‍ മാത്രമല്ല, പുരുഷന്‍മാരും കാസ്റ്റിംഗ് കൗച്ചിന് ഇരയാകുന്നുണ്ടെന്ന് സമൂഹം അറിയണമെന്നും നവജിത് കൂട്ടിച്ചേർത്തു