വികാരപ്രകടനത്തിനിടെ അത് സംഭവിക്കാതെ നോക്കണം!! ആരാധകർക്ക് ഉപദേശവുമായി മമ്മൂട്ടി

സമചിത്തതയോടെ പ്രവർത്തിക്കണം

സോഷ്യല്‍ മീഡിയ വഴിയുള്ള വിവാദങ്ങളും ആരാധകരുടെ തമ്മിലുള്ള യുദ്ധങ്ങളും കാണാറുണ്ടോ എന്നുള്ള ചോദ്യത്തിനായിരുന്നു താരത്തിന്റെ മറുപടി. വികാര പ്രകടനങ്ങൾക്കിടയിൽ ചില ആരാധകരുടെ സമചിത്തതയും മാന്യതയും കൈവിട്ട് പോകുന്നുണ്ടെന്ന് തോന്നിയിട്ടുണ്ട്. അങ്ങനെ അത് പാടില്ലെന്നും പരമാവധി സൂക്ഷിക്കണമെന്നും മമ്മൂട്ടി പറ‍ഞ്ഞു. കൂടാതെ സോഷ്യൽ മീഡിയയിൽ ഒരുപാട് ആക്ടീവാകാത്ത ആളാണെന്നു മമ്മൂട്ടി പറഞ്ഞു.

പാർവതിയ്ക്കെതിരെയുള്ള സൈബർ ആക്രമണം

കസബ വിവാദത്തിനെ തുടർന്ന് മമ്മൂട്ടി ഫാൻസിൽ നിന്ന് വലിയ വിമർശനമാണ് പാർവതിയ്ക്ക് നേരിടേണ്ടി വന്നത്. ഇതിനെ തുടർന്ന് മമ്മൂട്ടി ഇടപെട്ടതോടെയാണ് പ്രശ്നങ്ങൾ കെട്ടിടങ്ങിയത്. തനിക്ക് വേണ്ടി പ്രതികരിക്കാന്‍ ആരെയും ചുമതലപ്പെടുത്തിയിട്ടില്ലെന്നും തന്റെ അറിവോടെയല്ല ഇതൊന്നും നടക്കുന്നതെന്നും അദ്ദേഹം പറഞ്ഞിരുന്നു. ഇതിനെ തുടർന്ന് വിവാദങ്ങൾ കെട്ടടങ്ങിയിരുന്നു.

പാർവതിയ്ക്ക് അഭിനന്ദനവുമായി മമ്മൂട്ടി

ഏഷ്യനെറ്റ് ഫിലിം അവാർഡിൽ പാർവതിയ്ക്ക് പുരസ്കാരം നൽകാൻ എത്തിയത് മമ്മൂട്ടിയായിരുന്നു. മമ്മൂക്ക തന്നെയാണ് പാർവതിയെ വേദിയിലേയ്ക്ക്ക്ഷണിച്ചത്. . പ്രേക്ഷകർ കാറി കൂവിയെങ്കിലും അവരോടെല്ലാം നിശബ്ജരായിരിക്കാൻ താരം തന്നെ ആവശ്യപ്പെടുകയായിരുന്നു. അദ്ദേഹത്തിന്റെ കാൽ തൊട്ട് അനുഗ്രഹം വാങ്ങിയതിനു ശേഷമാണ് പുരസ്കാരം ഏറ്റു വാങ്ങിയത്. അവാർഡ് നൽകിയതിനു ശേഷം മമ്മൂട്ടി പാർവതിയെ ചേർത്ത് പിടിച്ച് അഭിനന്ദിക്കുകയും ചെയ്തിരുന്നു.

കടിച്ച പാമ്പിനെക്കൊണ്ട് തന്നെ വിഷം ഇറക്കിക്കുക

പൊതുവേദിയില്‍ വെച്ച് പരസ്യമായി വിമര്‍ശിച്ച താരത്തിന് അവാര്‍ഡ് സമ്മാനിക്കാന്‍ മമ്മൂട്ടി എത്തിയതിനെ മധുരപ്രതികാരമായാണ് ഫാന്‍സ് പ്രവര്‍ത്തകരും ട്രോളര്‍മാരും വിശേഷിപ്പിക്കുന്നത്. കടിച്ച പാമ്പിനെക്കൊണ്ട് തന്നെ വിഷം ഇറക്കിക്കുക എന്ന ശൈലിയെ വെച്ചാണ് ഈ സംഭവത്തെ വിശേഷിപ്പിക്കുന്നത്. ഏഷ്യനെറ്റ് അവാർഡിനു ശേഷം പാർവതിയ്ക്ക് അടപടലം ട്രോളുകൾ പ്രത്യേക്ഷപ്പെട്ടിരുന്നു. ഇപ്പോഴും പാർവതി കസനബ വിവാദത്തിൽ നിന്ന് പൂർണ്ണമായും കരകയറിയിട്ടില്ല