രാജ സൊല്‍വത് താന്‍ സെയ്‌വ ..സെയ്‌വതു മട്ടും താ സൊല്‍വ.... രാജ വീണ്ടുമെത്തുന്നു

പോക്കിരിരാജയുടെ തുടര്‍ച്ചയാണോ??

രാജാ എന്ന കഥാപാത്രത്തിന്റെ തുടര്‍ച്ചയാണ് സിനിമയുടെ തുടര്‍ച്ചയല്ലെന്നാണ് സംവിധായകനായ വൈശാഖ് അറിയിച്ചിട്ടുള്ളത്. കഥയും കഥാപശ്ചാത്തലവും ആഖ്യാന രീതിയും തികച്ചും പുതിയതാണ്. കൂടുതല്‍ ചടുലവും സാങ്കേതിക മികവും നിറഞ്ഞതാണ് രാജാ2 എന്നും വൈശാഖ് അറിയിച്ചു.

മെഗാസ്റ്റാറിനൊപ്പം വീണ്ടും

ഏഴു വര്‍ഷത്തെ കാത്തിരിപ്പിന് ശേഷമാണ് മമ്മൂട്ടിയുമായി ഒരു ചിത്രം ചെയ്യാന്‍ ചെയ്യുന്നതെന്ന് സംവിധായകന്‍ പറയുന്നു.

മമ്മൂട്ടി പറഞ്ഞത്

എത്ര ലേറ്റായാലും സാരമില്ല പക്ഷേ നമ്മള്‍ ഒരുമിക്കുന്ന അടുത്ത ചിത്രം ബോക്‌സോഫീസില്‍ ഹിറ്റാവണമെന്നാണ് മമ്മൂട്ടി വൈശാകിനോട് പറഞ്ഞിട്ടുള്ളത്. ആ പ്രതീക്ഷ നില നിര്‍ത്തുന്ന തരത്തില്‍ ഒരുപാട് മുന്നൊരുക്കങ്ങള്‍ നടത്തിയാണ് ഈ ചിത്രം ചെയ്യുന്നതെന്നും സംവിധായകന്‍ അറിയിച്ചു.

മാസ്സ് സിനിമ

ആക്ഷനും മാസ്സ് സീനുകളുമുള്ള സിനിമ തന്നെയാണ് രാജാ2. സമ്പൂര്‍ണ്ണ ഫാമിലി എന്റര്‍ടെയിനര്‍ തന്നെയാണ്. മമ്മൂക്കയില്‍ നിന്നും പ്രേക്ഷകര്‍ ആഗ്രഹിക്കുന്നതെല്ലാം ഈ ചിത്രത്തിലൂടെ ലഭിക്കുമെന്നും വൈശാഖ് വ്യക്തമാക്കി.

100 ദിവസത്തെ കോള്‍ഷീറ്റ്

ചിത്രത്തില്‍ അഭിനയിക്കുന്നതിനായി മമ്മൂട്ടിയുടെ 100 ദിവസത്തെ കോള്‍ഷീറ്റാണ് ആവശ്യപ്പെട്ടിരിക്കുന്നത്.

ഒരേ സമയം മൂന്നു ഭാഷകളില്‍

മലയാളത്തിന് പുറമേ തമിഴ്, തെലുങ്ക് ഭാഷകളിലും ഒരേ സമയം ചിത്രീകരണം നടത്തുമെന്നും ചിത്രത്തിന്റെ അണിയറ പ്രവര്‍ത്തകര്‍ അറിയിച്ചു.