പാര്‍വ്വതി ഒരു സ്ത്രീയാണ്, അവരെ ഇങ്ങനെ അസംഭ്യം പറയരുത് എന്ന് മമ്മൂട്ടി!!

ഇങ്ങനെ ക്രൂശിക്കരുത്

പാര്‍വ്വതിയെ ഇങ്ങനെ ക്രൂശിക്കരുത് എന്ന് മമ്മൂട്ടി പറയുന്നു. പാര്‍വ്വതി വിമര്‍ശിച്ചത് എന്നെയല്ല, രാജന്‍ സക്കറിയ എന്ന കതാപാത്രത്തെയാണ്. ഇതിന് മുന്‍പും എന്റെ കഥാപാത്രത്തെ പലരും വിമര്‍ശച്ചിട്ടുണ്ട്.

പാര്‍വ്വതി വിളിച്ചു

എന്നെ പാര്‍വ്വതി വിളിച്ചിരുന്നു എന്നും സത്യത്തില്‍ സംഭവിച്ചത് എന്താണെന്ന് പറഞ്ഞിട്ടുണ്ട് എന്നും മെഗാസ്റ്റാര്‍ പറയുന്നു. പാര്‍വ്വതി പറഞ്ഞതിനെ മാധ്യമങ്ങള്‍ വളച്ചൊടിയ്ക്കുകയായിരുന്നു.

അന്ന രാജനോട്

ഇതിന് മുന്‍പ് നടി അന്ന രാജനോടും മാധ്യമങ്ങള്‍ ഇത്തരത്തിലൊരു ക്രൂരത കാണിച്ചിരുന്നു. എന്നാല്‍ ഒരാള്‍ ചെയ്യുന്ന തെറ്റിന് തന്റെ ആരാധകരെ മുഴുവന്‍ അത് ബാധിക്കുന്നുണ്ട് എന്നും മമ്മൂട്ടി പറഞ്ഞു.

പാര്‍വ്വതി സ്ത്രീയാണ്

എന്നെ സ്‌നേഹിക്കുന്നവരാണെങ്കില്‍ പാര്‍വ്വതിയെ ഇനിയെങ്കിലും അതിര് കടന്ന് ഇങ്ങനെ പറയരുതെന്നും നമ്മുടെ എല്ലാവരുടെയും വീട്ടില്‍ സ്ത്രീകളുണ്ടെന്നും ചീത്ത വിളിച്ചല്ല സ്ത്രീകള്‍ക്ക് മറുപടി കൊടുക്കേണ്ടത് എന്നും അത് മാന്യതയല്ല എന്നും മമ്മൂട്ടി പറയുന്നു.

വളരുന്ന നടി

പാര്‍വ്വതി ഉയര്‍ന്നു വരുന്ന ഒരു കലാകാരിയാണ്. അവരെ നാം തളര്‍ത്തുന്നത് ശരിയായ രീതിയല്ല- മെഗാസ്റ്റാര്‍ ആരാധാകരോടായി പറഞ്ഞു