For Quick Alerts
    ALLOW NOTIFICATIONS  
    For Daily Alerts

    രാജമാണിക്യം ലുക്കുമായി മമ്മൂട്ടി വീണ്ടും

    By Lakshmi
    |

    2014ല്‍ മമ്മൂട്ടിയ്ക്ക് ഏറെ പ്രതീക്ഷകള്‍ നല്‍കുന്നൊരു ചിത്രമാണ് സലാം ബാപ്പു ഒരുക്കുന്ന മംഗ്ലീഷ്. ഇംഗ്ലീഷില്‍ ജ്ഞാനമില്ലെങ്കിലും ഇംഗ്ലീഷ് ഭാഷയെ ഏറെ സ്‌നേഹിയ്ക്കുകയും അതുതന്നെ പറയാന്‍ ശ്രമിയ്ക്കുകയും ചെയ്യുന്നൊരു മീന്‍കച്ചവടക്കാരനായിട്ടാണ് ഈ ചിത്രത്തില്‍ മമ്മൂട്ടി അഭിനയിക്കുന്നത്.

    ഷൂട്ടിങ് തുടങ്ങിക്കഴിഞ്ഞ ചിത്രത്തിന്റെ ആദ്യ ലുക്കുകള്‍ പുറത്തുവന്നിട്ടുണ്ട്. പഴയ സൂപ്പര്‍ഹിറ്റ് ചിത്രമായ രാജമാണിക്യത്തെ ഓര്‍മ്മിപ്പിക്കുന്ന ലുക്കാണ് ഈ ചിത്രത്തില്‍ മമ്മൂട്ടിയ്ക്ക്. വെള്ള മുണ്ടും, ഷര്‍ട്ടും വള്ളിച്ചെരുപ്പും, കറുത്ത കണ്ണടയും തലയില്‍ ടവ്വലിന്റെ ഒരു കെട്ടുമെല്ലാമായിട്ടാണ് മമ്മൂട്ടി മംഗ്ലീഷില്‍ മീന്‍ ഹോള്‍സെയില്‍ കച്ചവടക്കാരനായി എത്തുന്നത്.

    Mammootty-Manglish-look

    മംഗ്ലീഷിന്റെ പുതിയ ലൊക്കേഷന്‍ ചിത്രങ്ങള്‍ ഇപ്പോള്‍ ആരാധകര്‍ക്കിടയില്‍ പരക്കുകയാണ്. ബോളിവുഡ് താരം കാരലിന്‍ ബക്കാണ് ചിത്രത്തില്‍ നായികയായി എത്തുന്നത്. തീരദേശം പശ്ചാത്തലമായി ഒരുങ്ങുന്ന ചിത്രം പറയുന്നത് ഒരു വിനോദസഞ്ചാരിയും നാട്ടുകാരനും ഇടയില്‍ ഉടലെടുക്കുന്ന ബന്ധത്തിന്റെ കഥയാണ്.

    മമ്മൂട്ടിയുടെ വിഷുച്ചിത്രമായ ഗ്യാങ്സ്റ്റര്‍ സൂപ്പര്‍ഹിറ്റാകുമെന്നായിരുന്നു പ്രതീക്ഷിയ്ക്കപ്പെട്ടിരുന്നത്. എന്നാല്‍ ഗ്യാങ്സ്റ്റര്‍ വിഷുച്ചിത്രങ്ങളില്‍ ഏറ്റവും മോശം പ്രകടനം കാഴ്ചവെയ്ക്കുന്ന ചിത്രമായി മാറുകയാണ്. ഇതിനിടെ പുറത്തിറങ്ങിയ പ്രെയ്‌സ് ദി ലോര്‍ഡ് എന്ന ചിത്രവും മമ്മൂട്ടിയെ തുണച്ചിട്ടില്ല. അതുകൊണ്ടുതന്നെ മംഗ്ലീഷ് ഒരു ഹിറ്റ് ചിത്രമായി മാറേണ്ടത് സൂപ്പര്‍താരത്തിന്റെ ആവശ്യമാണ്.

    ഏറെനാളായി ഹിറ്റുകളില്ലാതെ നില്‍ക്കുന്ന മമ്മൂട്ടിയ്ക്ക് മംഗ്ലീഷിലൂടെ ഒരു ഹിറ്റ് സമ്മാനിയ്ക്കാന്‍ റെഡ് വൈനിന്റെ സംവിധായകനായ സലാം ബാപ്പുവിന് സാധിയ്ക്കുമെന്ന് പ്രതീക്ഷിയ്ക്കാം.

    English summary
    Mammootty acting as a local fish merchant, in Salaam Bappu's Manglish. Stills form location is doing rounds in the internet
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X