ഗ്രീന്‍ കളര്‍ കുര്‍ത്ത, വലത് തോളില്‍ ഒരു ബാഗുമുണ്ട്, പിന്നെ ആ ചിരി, മമ്മൂട്ടിയുടെ പുതിയ ലുക്ക്

ലുക്ക് കണ്ടില്ലേ

ഒരു സാധരണക്കാരന്റെ വേഷത്തിലാണ് ചിത്രത്തില്‍ മമ്മൂട്ടി എത്തുന്നതെന്ന് നേരത്തെ വാര്‍ത്തകള്‍ വന്നിരുന്നു. ഗ്രീന്‍ കളറുള്ള കുര്‍ത്തയണിഞ്ഞ് വലത് കൈയില്‍ ഒരു ബാഗുമുണ്ട്. പിന്നെ ആ ചിരി.. വേറെ എന്തെങ്കിലും വേണോ ആരാധകരുടെ മനസ് കീഴടക്കാന്‍.

ലാല്‍ ജോസ് ചിത്രം

ലാല്‍ ജോസ് സംവിധാനം ചെയ്ത ഇമ്മാനുവല്‍ എന്ന ചിത്രത്തിലേത് പോലെ. ഒരു ടീച്ചര്‍ ട്രെയിനറായിട്ടാണ് ചിത്രത്തില്‍ മമ്മൂട്ടി എത്തുന്നതെന്നും റിപ്പോര്‍ട്ടുകളുണ്ട്. എന്നാല്‍ ചിത്രത്തെ കുറിച്ചുള്ള കൂടുതല്‍ വിവരങ്ങള്‍ ഒന്നും തന്നെ പുറത്ത് വിട്ടിട്ടില്ല.

ചിത്രത്തിന്റെ പേര്

റിപ്പോര്‍ട്ടുകള്‍ അനുസരിച്ച് ചിത്രത്തിന്റെ പേര് ഉടന്‍ പുറത്ത് വിടും. ആശ ശരതും നീന ഫെയിം ദീപ്തി സദിയുമാണ് ചിത്രത്തിലെ നായികമാരുടെ വേഷത്തില്‍ അഭിനയിക്കും.

മറ്റ് കഥാപാത്രങ്ങള്‍

ദിലീഷ് പോത്തന്‍, ഹരീഷ് കണാരന്‍, സോഹന്‍ സീനു ലാല്‍ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. നവാഗതനായ രതീഷ് രവിയാണ് ചിത്രത്തിന്റെ തിരക്കഥ ഒരുക്കുന്നത്. എംഎംഎസ് സിനിമാസിന്റെ ബാനറിലാണ് നിര്‍മ്മാണം.