മമ്മൂട്ടി വീണ്ടും തോക്കെടുത്തു, കൂളിങ്ഗ്ലാസും സ്‌റ്റൈലിഷ് ലുക്കും,സ്ട്രീറ്റ്‌ലൈറ്റ്‌സ് ടീസര്‍ കിടു!

സ്ട്രീറ്റ്‌ലൈറ്റ്‌സ് ടീസറെത്തി

മാസ്റ്റര്‍പീസിന് ശേഷം തിയേറ്ററുകളിലേക്കെത്തുന്ന മമ്മൂട്ടി ചിത്രമായ സ്ട്രീറ്റ്‌ലൈറ്റ്‌സിന്റെ ടീസര്‍ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്. ഫേസ്ബുക്കിലൂടെയാണ് ടീസര്‍ പുറത്തുവിട്ടത്.

പ്രതീക്ഷ വര്‍ധിപ്പിക്കുന്നു

2018 ല്‍ പുറത്തിറങ്ങുന്ന ആദ്യ മമ്മൂട്ടി ചിത്രത്തിന്റെ ടീസറിന് മികച്ച പ്രതികരണമാമഅ ലഭിക്കുന്നത്. ടീസര്‍ പുറത്തുവന്നതിന് പിന്നാലെയാണ് പ്രതീക്ഷകള്‍ പങ്കുവെച്ച് ആരാധകര്‍ എത്തിയത്. ഫാന്‍സ് ഗ്രൂപ്പുകളില്‍ സജീവമായ ചര്‍ച്ചകളാണ് നടക്കുന്നത്. അടുത്ത സൂപ്പര്‍ഹിറ്റ് സിനിമയായി ഇത് മാറുമെന്നാണ് ചിലര്‍ അഭിപ്രായപ്പെട്ടിട്ടുള്ളത്.

കസബയ്ക്ക് ശേഷം വീണ്ടും പോലീസ്

കസബയ്ക്ക് ശേഷം മമ്മൂട്ടി വീണ്ടും പോലീസ് വേഷത്തിലെത്തുന്നുവെന്നതാണ് ചിത്രത്തിന്റെ പ്രധാന പ്രത്യേകത. ഫവാസ് മുഹമ്മദിന്റെ തിരക്കഥയില്‍ ഒരുക്കിയ സിനിമ ക്രൈം ത്രില്ലറാണ്.

തമിഴിലും മലയാളത്തിലുമായി ഒരുക്കുന്നു

മലയാളത്തിലും തമിഴിലുമായാണ് സിനിമ ഒരുക്കുന്നത്. തെലുങ്കിലേക്കും ചിത്രം മൊഴി മാറ്റുന്നുണ്ടെന്നുള്ള റിപ്പോര്‍ട്ടുകളും പുറത്തുവന്നിട്ടുണ്ട്. മൂന്ന് ഭാഷകളിലുമായി ഒരേ സമയത്ത് ചിത്രം തിയേറ്ററുകളിലേക്കെത്തിക്കാനുള്ള ശ്രമത്തിലാണ് അണിയറപ്രവര്‍ത്തകര്‍.

മലയാളത്തിലെ താരങ്ങള്‍

ജോയ് മാത്യു, ധര്‍മ്മജന്‍ ബോള്‍ഗാട്ടി, ഹരീഷ് കണാരന്‍, നീന കുറുപ്പ്, ലിജോമോള്‍ ജോസ്, സോഹന്‍ സീനുലാല്‍, ഇന്ദ്രന്‍സ്, സൗബിന്‍ ഷാഹിര്‍, സുധി കോപ്പ തുടങ്ങിയവരാണ് മലയാള പതിപ്പില്‍ അഭിനയിച്ചിട്ടുള്ളത്.

ടീസര്‍ വൈറലാവുന്നു

ജനുവരി അഞ്ചിന് ഫേസ്ബുക്ക് പേജിലൂടെയാണ് സ്ട്രീറ്റ്ലൈറ്റ്സ് ടീസര്‍ പുറത്തുവിട്ടത്. നിമിഷ നേരം കൊണ്ടാണ് സോഷ്യല്ർ മീഡിയയിലൂടെ ടീസര്‍ വൈറലായത്.

മമ്മൂട്ടിയുടെ നിര്‍മ്മാണം

പ്ലേ ഹൗസിന്റെ ബാനറില്‍ മമ്മൂട്ടി തന്നെയാണ് ചിത്രം നിര്‍മ്മിക്കുന്നത്. ജനുവരി 26 ന് ചിത്രം തിയേറ്ററുകളിലേക്കെത്തുമെന്നുള്ള റിപ്പോര്‍ട്ടുകളുണ്ടെങ്കിലും അണിറപ്രവര്‍ത്തകരുടെ ഔദ്യോഗിക പ്രഖ്യാപനത്തിനായി കാത്തിരിക്കുകയാണ് ആരാധകര്‍.