അമര്‍ അക്ബര്‍ അന്തോണിയ്ക്കും ഋത്വിക് റോഷനും ശേഷം നാദിര്‍ഷ മെഗാസ്റ്റാറിനൊപ്പം.. ഇതെപ്പടി??

മമ്മൂട്ടിയ്‌ക്കൊപ്പം

അമര്‍ അക്ബര്‍ അന്തോണിയ്ക്കും കട്ടപ്പനയിലെ ഋത്വിക് റോഷനും ശേഷം നാദിര്‍ഷ സംവിധാനം ചെയ്യുന്ന ചിത്രത്തില്‍ നായകനായി എത്തുന്നത് മെഗാസ്റ്റാര്‍ മമ്മൂട്ടിയാണെന്നാണ് വാര്‍ത്തകള്‍. സിനിമയുമായി ബന്ധപ്പെട്ട് മമ്മൂട്ടിയോട് സംസാരിച്ചു കഴിഞ്ഞുവത്രെ. മറ്റ് രണ്ട് ചിത്രങ്ങളും പോലെ ഇതും ഹാസ്യത്തിന് പ്രധാന്യം നല്‍കുന്നതായിരിക്കുമോ എന്നാണ് ആരാധകരുടെ ചോദ്യം

തിരക്കഥ എഴുതുന്നത്

നാദിര്‍ഷയുടെ രണ്ട് മുന്‍ ചിത്രങ്ങള്‍ക്കും തിരക്കഥ എഴുതിയത് വിഷ്ണുവും ബിപിനും ചേര്‍ന്നാണ്. എന്നാല്‍ മമ്മൂട്ടിയെ നായകനാക്കി ഒരുക്കുന്ന ഈ ചിത്രത്തിന് തിരക്കഥ എഴുതുന്നത് ബെന്നി പി നായരമ്പലാണ്.

അന്തിമ തീരുമാനം ആയിട്ടില്ല

അതേ സമയം ഈ സിനിമയുടെ അന്തിമ തീരുമാനം ആയിട്ടില്ല എന്ന് നാദിര്‍ഷ അറിയിച്ചു. മമ്മൂക്കയോട് കഥ പറഞ്ഞിട്ടുണ്ട്. പക്ഷെ മമ്മൂക്ക മറ്റ് പല ചിത്രങ്ങളുമായി തിരക്കിലാണ്. ബെന്നിയുമായി ഇരുന്ന് സംസാരിച്ചിട്ടുമില്ല. അതുകൊണ്ട് ഉറപ്പ് പറയാന്‍ ആയിട്ടില്ല എന്നാണ് സംവിധായകന്‍ പറഞ്ഞത്

മമ്മൂട്ടി തിരക്കിലാണ്

നിലവില്‍ രഞ്ജിത്ത് സംവിധാനം ചെയ്യുന്ന പുത്തന്‍ പണം എന്ന ചിത്രത്തിലാണ് മമ്മൂട്ടി അഭിനയിച്ചുകൊണ്ടിരിയ്ക്കുന്നത്. ദ ഗ്രേറ്റ് ഫാദര്‍ എന്ന ചിത്രം ക്രിസ്മസിന് തിയേറ്ററുകളിലെത്തും. പേരന്‍പ് എന്ന തമിഴ് ചിത്രവും മെഗാസ്റ്റാര്‍ പൂര്‍ത്തിയാക്കി.