താരപുത്രനെ എതിരിടാന്‍ ആഗോള റിലീസുമായി താരരാജാവ്! മമ്മൂട്ടിയോ പ്രണവോ ആര് നേടും?

ജനുവരി 26

മോഹന്‍ലാലിന്റെ സൂപ്പര്‍ ഹിറ്റ് ചിത്രമായ നരസിംഹം റിലീസ് ചെയ്ത ജനുവരി 26ന് ആദിയും റിലീസ് ചെയ്യുമെന്ന് നേരത്തെ പ്രഖ്യാപിച്ചതായിരുന്നു. പലകുറി റിലീസ് മാറി എത്തിയ സ്ട്രീറ്റ് ലൈറ്റ്‌സും ജനുവരി 26ന് തന്നെ റിലീസ് ചെയ്യുമെന്നാണ് പ്രഖ്യാപിച്ചിരിക്കുന്നത്.

മൂന്ന് ഭാഷകളില്‍

തമിഴിലും മലയാളത്തിലുമായി ചിത്രീകരിച്ച സിനിമ തെലുങ്കില്‍ ഉള്‍പ്പെടെ മൂന്ന് ഭാഷകളില്‍ റിലീസ് ചെയ്യും. തെലുങ്കിലേക്കും ഡബ്ബ് ചെയ്യേണ്ടതുകൊണ്ടാണ് ചിത്രത്തിന്റെ റിലീസ് നവംബറില്‍ നിന്നും ജനവരിയിലേക്ക് നീട്ടാന്‍ അണിയറ പ്രവര്‍ത്തകര്‍ തീരുമാനിച്ചത്.

ആഗോള റിലീസ്

മൂന്ന് ഭാഷകളില്‍ ഒരേ സമയം റിലീസിനെത്തുന്ന സ്ട്രീറ്റ് ലൈറ്റ്‌സ് ലോകവ്യാപകമായി ജനുവരി 26ന് റിലീസിനെത്തുകയാണ്. ഒരേ ദിവസം ലോകവ്യാപകമായി റിലീസ് ചെയ്ത് പുതിയ റെക്കോര്‍ഡിന് ഒരുങ്ങുകയാണ് ചിത്രം.

സ്വന്തം നിര്‍മാണം

ജവാന്‍ ഓഫ് വെള്ളിമല എന്ന ചിത്രത്തിന് ശേഷം മമ്മൂട്ടിയുടെ സ്വന്തം നിര്‍മാണ കമ്പനിയായ പ്ലേഹൗസ് നിര്‍മിക്കുന്ന ചിത്രം കൂടെയാണ് സ്ട്രീറ്റ് ലൈറ്റ്‌സ്. കസബയ്ക്ക് ശേഷം മമ്മൂട്ടി പോലീസ് ഓഫീസറായി എത്തുന്നു എന്ന പ്രത്യേകതയും ചിത്രത്തിനുണ്ട്.

രണ്ട് ത്രില്ലറുകള്‍

ജനുവരി 26ന് രണ്ട് ത്രില്ലര്‍ ചിത്രങ്ങളാണ് തിയറ്ററിലേക്ക് എത്തുന്നത്. ആദി ഒരു ആക്ഷന്‍ ത്രില്ലറാണെങ്കില്‍ സ്ട്രീറ്റ് ലൈറ്റ്‌സ് ഒരു ഇന്‍വെസ്റ്റിഗേഷന്‍ ത്രില്ലറാണ്. ക്യാമറാമാനായ ശ്യാംദത്ത് ആദ്യമായി സംവിധാനം ചെയ്യുന്ന ചിത്രംകൂടെയാണിത്.

മാസ്റ്റര്‍പീസിന് ശേഷം

ഓണച്ചിത്രമായി തിയറ്ററിലേക്ക് എത്തിയ പുള്ളിക്കാരന്‍ സ്റ്റാറാ എന്ന ചിത്രത്തിന് ശേഷം മമ്മൂട്ടിയുടേതായി തിയറ്ററിലേക്ക് എത്തുക അജയ് വാസുദേവ് ചിത്രം മാസ്റ്റര്‍പീസാണ്. ക്രിസ്തുമസ് റിലീസായിട്ടാണ് ചിത്രം തിയറ്ററിലേക്ക് എത്തുന്നത്. അതിന് പിന്നാലെ തിയറ്ററിലേക്ക് എത്തുന്ന മമ്മൂട്ടി ചിത്രമായിരിക്കും സ്ട്രീറ്റ് ലൈറ്റ്‌സ്.

ആര് നേടും പ്രണവോ മമ്മൂട്ടിയോ?

വന്‍ ഹൈപ്പുമായി തിയറ്ററിലേക്ക് എത്തുന്ന ചിത്രമാണ് ആദി. സ്ട്രീറ്റ് ലൈറ്റ്‌സും അക്കാര്യത്തില്‍ പിന്നിലല്ല. രണ്ട് ചിത്രങ്ങള്‍ക്കും മാസ് റിലീസ് ഒരുക്കാനുള്ള ശ്രമത്തിലാണ് ആരാധകര്‍. താരരാജാവും താരപുത്രനും നേര്‍ക്ക്‌നേര്‍ എത്തുമ്പോള്‍ ബോക്‌സ് ഓഫീസില്‍ ആര് രാജാവാകും എന്നാണ് ആരാധകര്‍ കാത്തിരിക്കുന്നത്.