റോജയിലെ നായകനാകാൻ മണിരത്നം ക്ഷണിച്ചു, അത് നിരസിച്ചു, കാരണം.., വെളിപ്പെടുത്തലുമായി രാജീവ് മേനോൻ

മണിരത്നം -രാജീവ് മേനോൻ കൂട്ട്കെട്ട്

മണി രത്നം- രജീവ് മേനോൻ കൂട്ട്കെട്ട് ഇന്ത്യൻ സിനിമ പ്രേമികൾക്കിടയിൽ തന്നെ ഏറ്റവും പ്രിയപ്പെട്ടതാണ്. ഇവർ ഒരുമിച്ചാൽ ഒരു വിഷ്യുൽ ട്രീറ്റാകും ലഭിക്കുക എന്നതിൽ സംശയമില്ലാത്ത കാര്യമാണ്. ബോംബൈ, ഗുരു, കടൽ എന്നീ മണിരത്നം ചിത്രങ്ങൾക്ക് വേണ്ടി ക്യാമറ ചലിപ്പിച്ചത് രാജീവ് മേനോനാണ്. സംവിധായകൻ ഛായാഗ്രാഹകൻ എന്ന ബന്ധത്തിനപ്പുറം ഇവര്‌ രണ്ട് പേരും അടുത്ത സുഹൃത്തുക്കളാണ്.

റോജയിലെ നായകൻ

മണിരത്നത്തിന്റെ ഏക്കാലത്തേയും ഹിറ്റ് ചിത്രമാണ് റോജ. മികച്ച റെക്കോഡുകൾ നേടിയെടുക്കാൻ ഈ ചിത്രത്തിനു കഴിഞ്ഞിരുന്നു. ആദ്യമായി മണിരത്നം രാജീവ് മോനോനെ വിളിയ്ക്കുന്നത് റോജയ്ക്ക് വേണ്ടിയായിരുന്നു. ക്യാമറ ചെയ്യാനായിരുന്നില്ല ചിത്രത്തിൽ അരവിന്ദ് സ്വാമി അവതരിപ്പിച്ച നായക വേഷം ചെയ്യാനായിരുന്നു. എന്നാൽ താൻ ആ ഛിത്രം ചെയ്യാൻ തയ്യാറായിരുന്നില്ല. ഈ ചിത്രം ഒഴിവാക്കിയതിന്റെ പേരിൽ നിരവധി വിമർശനങ്ങൾ തനിയ്ക്ക് നേരിടേണ്ടി വന്നിരുന്നെന്നും രാജീവ് മോനോൻ അഭിമുഖത്തിൽ പറഞ്ഞു.

റോജ ഉപേക്ഷിച്ചു

പരസ്യ മേഖലയിലൂടെയായിരുന്നു രാജീവ് മേനോൻ സിനിമയിൽ എത്തിയത്. താൻ ചെയ്ത ആഡ് ഫിലിം കണ്ടിട്ടായിരുന്നു അദ്ദേഹം എന്നെ ഈ ചിത്രത്തിലേയ്ക്ക് ക്ഷണിക്കുന്നത്. ഒരു കഥ എന്നോട് പറഞ്ഞു. അതിന്റെ സെക്കൻഡ് ഹാഫിനെ കുറിച്ച് ചോദിച്ചു. അതൊന്നും നീ ചോദിക്കണ്ട, ഈ ചിത്രത്തിൽ നായകനായി അഭിനയിക്കാൻ വേണ്ടിയാണ് വിളിച്ചതെന്നും അദ്ദേഹം പറഞ്ഞു. മണിരത്നത്തിന്റെ ഭാര്യ സുഹാസിനി ഫിലിം ഇൻസ്റ്റിറ്റ്യൂട്ടിൽ എന്റെ സിനിയറായിരുന്നു. സിനിമയെ കുറിച്ച് പറഞ്ഞപ്പോൾ തന്നെ അഭിനയിക്കാനുളള വിയോജിപ്പ് അറിയിച്ചിരുന്നു.

അഭിനയിച്ചാലുളള കുഴപ്പം

തനിയ്ക്ക് അഭിനയിക്കാൻ പറ്റില്ലെന്ന് പറഞ്ഞപ്പോൾ കാര്യം അദ്ദേഹം തിരക്കിയിരുന്നു. തനിയ്ക്ക് ക്യാമറ ചെയ്താൽ മതിയെന്നും, ആക്ട ചെയ്താൽ പിന്നെ ആരു സിനിമയിൽ ക്യാമറ ചെയ്യാൻ വിളിക്കില്ലെന്ന് ഞാൻ അദ്ദേഹത്തിനോട് പറഞ്ഞു. അങ്ങനെയാണ് റോജയിൽ അരവിന്ദ് സ്വാമി നായകനാവുന്നത്. എന്റെ തീരുമാനം കാരണം അന്ന് ഒരുപാട് വിമർശനങ്ങൾ തനിയ്ക്ക് കേൾക്കേണ്ടി വന്നിരുന്നു.

പിന്നെ ബോംബൈ

ഈ ചിത്രത്തിനു ശേഷം മണി ബോംബെയ്ക്ക് വേണ്ടി ക്യാമറ ചെയ്യാൻ വിളിച്ചിരുന്നു. ആ വിളിയ്ക്ക് വേണ്ടി ഞാൻ നന്നേ തയ്യാറെടുത്തിരുന്നു. ആ ചിത്രം എന്റെ കരിയറിൽ ഏറെ ശ്രദ്ധിക്കപ്പെടുകയും ചെയ്തുയ അതുപോലെ സിനിമയൊന്നും ചെയ്യാതെ നടന്നപ്പോൾ മണി എന്നെ ചീത്ത പറയുമായിരുന്നു. അഭിനയം തന്നെയാണ് കാരണം . പണ്ടെ ഞാൻ നിന്നോട് അഭിനയിക്കാൻ പറഞ്ഞതല്ലായിരുന്നോ? എന്ന് പറഞ്ഞു കൊണ്ടാണ് വിമർശനം.