പൂര്‍ണ്ണിമ ബെസ്റ്റ് ഫ്രണ്ടാണ്, ഇന്ദ്രന്‍റെ കുടുംബവുമായി അടുത്ത ബന്ധമുണ്ടെന്ന് മഞ്ജു വാര്യര്‍!

ഇന്ദ്രജിത്തിനൊപ്പം അഭിനയിച്ചപ്പോള്‍

ഏത് തരത്തിലുള്ള കഥാപാത്രത്തെ അവതരിപ്പിക്കാനും കഴിയുമെന്ന് ഇന്ദ്രജിത്ത് ഇതിനോടകം തന്നെ തെളിയിച്ചതാണ്. ഇന്ദ്രന്‍ ഹാസ്യം കൈകാര്യം ചെയ്ത സിനിമകളൊക്കെ തനിക്കേറെ പ്രിയപ്പെട്ടതാണെന്ന് മഞ്ജു വാര്യര്‍ പറയുന്നു. അമര്‍ അക്ബര്‍ അന്തോണിയും ക്ലാസ്‌മേറ്റ്‌സുമൊക്കെ കണ്ട് പ്രേക്ഷകരും മനസ്സ് നിറഞ്ഞ് ചിരിച്ചിരുന്നു.

ചെറിയ കാര്യം മതി ചിരിക്കാന്‍

ചിരിക്കാന്‍ അത്ര വലിയ കാരണമൊന്നും വേണ്ട. നിസ്സാര കാരണം മതി. ഞങ്ങള്‍ രണ്ടുപേരും ഇങ്ങനെയുള്ളവരാണ്. അതിനിടയില്‍ ഹാസ്യവുമായി ബന്ധപ്പെട്ട ഏതെങ്കിലും സിനിമയില്‍ ഒരുമിച്ച് അഭിനയിക്കാന്‍ അവസരം ലഭിച്ചാല്‍ അത് നന്നായിരിക്കുമെന്ന് തോന്നിയിരുന്നു. മോഹന്‍ലാലില്‍ അഭിനയിക്കുമ്പോള്‍ ആ സന്തോഷം ലഭിച്ചിരുന്നു. വേട്ടയില്‍ ഗൗരവകരമായ വേഷമായിരുന്നു ഇരുവരും കൈകാര്യം ചെയ്തത്.

പൂര്‍ണ്ണിമ അടുത്ത സുഹൃത്താണ്

ഇന്ദ്രന്റെ കുടുംബവുമായി അടുത്ത ബന്ധമാണുള്ളത്. ഭാര്യ പൂര്‍ണ്ണിമ തന്റെ അടുത്ത കൂട്ടുകാരികളിലൊരാളാണ്. മോഹന്‍ലാല്‍ സിനിമയുടെ ഓഡിയോ ലോഞ്ചില്‍ പങ്കെടുക്കാന്‍ പൂര്‍ണ്ണിമയും മല്ലിക സുകുമാരനും എത്തിയിരുന്നു. ചടങ്ങിനിടയിലെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായിരുന്നു. പ്രാണയുമായി ബന്ധപ്പെട്ട തിരക്കുകള്‍ക്കിടയിലും അവതാരകയായി പൂര്‍ണ്ണിമ എത്തുന്നുണ്ട്. മഴവില്‍ മനോരമയിലെ മെയ്ഡ് ഫോര്‍ ഈച്ച് അദര്‍ വിജയകരമായി മുന്നേറുകയാണ്.

ഭാര്യാഭര്‍ത്താക്കന്‍മാരായി അഭിനയിച്ചു

സിനിമാജീവിതത്തില്‍ ഇതാദ്യമായാണ് മഞ്ജു വാര്യര്‍ ഹാസ്യ പ്രധാനമായ വേഷവുമായി എത്തിയത്. സേതുമാധവന്റെ ഭാര്യയായ മീനുക്കുട്ടി എന്ന കഥാപാത്രത്തെയാണ് താരം അവതരിപ്പിച്ചത്. മോഹന്‍ലാലിന്റെ ആദ്യ സിനിമയായ മഞ്ഞില്‍ വിരിഞ്ഞ പൂക്കള്‍ റിലീസ് ചെയ്ത അതേ ദിനത്തിലാണ് മീനുക്കുട്ടി ജനിച്ചത്. ജനനം കൊണ്ട് തന്നെ മോഹന്‍ലാല്‍ ആരാധികയായി മാറിയ മീനുക്കുട്ടിയുടെ ജീവിതത്തില്‍ സംഭവിക്കുന്ന അപ്രതീക്ഷിത സംഭവങ്ങളിലൂടെയാണ് സിനിമ മുന്നേറുന്നത്.