റെക്കോര്‍ഡുകള്‍ മാസ്റ്റര്‍പീസിന് വേണ്ടി വഴിമാറുന്നു, മമ്മൂട്ടി പൊളിച്ചടുക്കും എല്ലാം, സംശയിക്കേണ്ട!

മമ്മൂട്ടിക്ക് വേണ്ടി റെക്കോര്‍ഡുകള്‍ വഴി മാറുന്നു

മലയാള സിനിമയില്‍ ഇന്നുവരെയുള്ള സകല റെക്കോര്‍ഡുകളും മെഗാസ്റ്റാറിന്റെ പേരിലാവുമെന്ന സൂചനയാണ് മാസ്റ്റര്‍പീസ് നല്‍കുന്നത്. ആദ്യ ദിന കളക്ഷനില്‍ തന്റെ തന്നെ ചിത്രമായ ദി ഗ്രേറ്റ് ഫാദറിനെ മമ്മൂട്ടി പിന്നിലാക്കി. മികച്ച കളക്ഷനാണ് ആദ്യ ദിനത്തില്‍ സിനിമയ്ക്ക് ലഭിച്ചത്. 5.05 കോടിയാണ് ലഭിച്ചത്.

രണ്ടും മൂന്നും ദിവസത്തില്‍ ലഭിച്ചത്

ക്രിസ്മസ് റിലീസായെത്തിയ മാസ്റ്റര്‍പീസ് കളക്ഷന്റെ കാര്യത്തില്‍ ഒട്ടും പിന്നിലല്ല. നീണ്ട കാത്തിരിപ്പിനൊടുവില്‍ തിയേറ്ററുകളിലേക്കെത്തിയ സിനിമയ്ക്ക് ലഭിക്കുന്ന സ്വീകാര്യത ഇത് വ്യക്തമാക്കുന്നു. രണ്ടാം ദിനത്തില്‍ 5.10 കോടിയും മൂന്നാം ദിനത്തില്‍ 5 കോടിയുമാണ് ലഭിച്ചത്.

തുടര്‍ന്നുള്ള ദിനങ്ങളില്‍

നാലാം ദിനത്തില്‍ 4.12 കോടി, അഞ്ചാം ദിനത്തില്‍ 2.15 കോടിയുമാണ് ചിത്രം നേടിയത്. ആറാം ദിവസം 1.80 കോടിയാണ് ലഭിച്ചത്. തുടക്കത്തിലെ ആ ടെപോ ഇനിയുള്ള ദിവസങ്ങളില്‍ തുടരുമെന്നാണ് ആരാധകരുടെ വിലയിരുത്തല്‍.

റെക്കോര്‍ഡുകള്‍ നേടുമെന്ന പ്രവചനം

എഡ്ഡിയായി മമ്മൂട്ടി തിയേറ്ററുകളിലേക്ക് എത്തിയാല്‍ താരത്തിന് മുന്‍പില്‍ മറ്റ് പല റെക്കോര്‍ഡുകളും തകര്‍ന്നുവീഴുമെന്ന് ആരാധകര്‍ പ്രവചിച്ചിരുന്നു. ഇത് ശരി വെക്കുന്ന തരത്തിലാണ് കാര്യങ്ങള്‍ നീങ്ങുന്നത്.

താരങ്ങള്‍ നേരിട്ടെത്തുന്നു

വിജയകരമായി പ്രദര്‍ശനം തുടരുന്നതിനിടയില്‍ മാസ്റ്റര്‍പീസിന്റെ അണിയറപ്രവര്‍ത്തകര്‍ തിയേറ്ററുകളിലേക്ക് നേരിട്ടെത്തുന്നുണ്ട്. തിയേറ്റര്‍ സന്ദര്‍ശനത്തിനിടയില്‍ മഖ്ബൂല്‍ സല്‍മാന്‍ ഫേസ്ബുക്ക് ലൈവുമായി എത്തിയിരുന്നു.