പ്രണയം, മതം മാറ്റം, വിവാഹമോചനം, മറ്റൊരു അഭിനേത്രി കൂടി തിരിച്ചു വരവിനൊരുങ്ങുന്നു !!

തിരിച്ചു വരവിനൊരുങ്ങുന്നു

വര്‍ഷങ്ങള്‍ക്കു ശേഷം സിനിമയിലേക്ക് തിരിച്ചു വരാനുള്ള തയ്യാറെടുപ്പിലാണ് മാതു എന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. അമല, സറീന വഹാബ്, പ്രിയാരാമന്‍ തുടങ്ങിയവരൊക്കെ വീണ്ടും സിനിമയിലേക്ക് ചേക്കേറാനുള്ള തയ്യാറെടുപ്പിലാണ്. അന്നൊക്കെ പ്രേക്ഷകര്‍ തിരഞ്ഞിരുന്ന ഒരു മുഖമായിരുന്നു മാതുവിന്റേതും. പൊടുന്നനെ മലയാള സിനിമയില്‍ നിന്നും അപ്രത്യക്ഷമായ താരത്തിന്റെ തിരിച്ചു വരവിനായി പ്രേക്ഷകരും കാത്തരിപ്പിലാണ്.

പ്രണയത്തിനു വേണ്ടി മതം മാറി

ഡോക്ടര്‍ ജാക്കോബുമായുള്ള പ്രണയത്തിനു ശേഷം മീന എന്ന പേരു സ്വീകരിച്ച് മതം മാറിയാണ് ഇവര്‍ വിവാഹ ജിവിതത്തിലേക്ക് പ്രവേശിച്ചത്. വീട്ടുകാരെ ധിക്കരിച്ചാണ് ഇരുവരും വിവാഹിതരായത്. വിവാഹ ശേഷം ഭര്‍ത്താവുമൊത്ത് അമേരിക്കയിലേക്ക് പോയി.

അഭിപ്രായ വ്യത്യാസത്തെത്തുടര്‍ന്ന് വിവാഹമോചിതരായി

ദീര്‍ഘനാള്‍ നീണ്ടു നിന്ന പ്രണയത്തിനു ശേഷമാണ് മാതുവും ജാക്കോബും വിവാഹ ജീവിതത്തിലേക്ക് പ്രവേശിച്ചത്. എന്നാല്‍ ഇടയ്ക്ക് ഇരുവരും തമ്മിലുണ്ടായ അഭിപ്രായ വ്യത്യാസത്തെത്തുടര്‍ന്ന് 2012 ല്‍ ഇരുവരും വിവാഹ മോചനം നേടുകയായിരുന്നു.

നൃത്തവിദ്യാലയം നടത്തുന്നു

മക്കളുമൊത്ത് ന്യൂയോര്‍ക്കിലാണ് മാതു ഇപ്പോള്‍ താമസിക്കുന്നത്. നൃത്താഞ്ജലി എന്ന പേരില്‍ നൃത്തവിദ്യാലയം നടത്തി വരുന്ന താരം സിനിമയിലേക്ക് തിരിച്ചു വരാനുള്ള തയ്യാറെടുപ്പിലാണെന്നുള്ള റിപ്പോര്‍ട്ടുകളാണ് ഇപ്പോള്‍ പ്രചരിക്കുന്നത്.