ലോകസുന്ദരി മാനുഷി ചില്ലാര്‍ സിനിമയിലേക്ക്! നായകനാവാനുള്ള ഭാഗ്യം തെന്നിന്ത്യയുടെ സൂപ്പര്‍ സ്റ്റാറിനോ?

മാനുഷി ചില്ലാര്‍

വര്‍ഷങ്ങള്‍ക്ക് ശേഷം ലോകസുന്ദരി പട്ടം ഇന്ത്യയ്ക്ക് നേടി തന്നിരിക്കുകയാണ് മാനുഷി ചില്ലാര്‍ എന്ന ഇരുപത് വയസുകാരി. ചൈനയിലെ സാന്യയില്‍ നടന്ന മത്സരത്തില്‍ നിന്നുമാണ് 108 സുന്ദരിമാരെ പിന്തള്ളി കൊണ്ട് മാനുഷി കീരിടം നേടിയത്.

സിനിമയിലേക്ക് വരുന്നു..?

ഐശ്വര്യ റായിയുടെയും പ്രിയങ്ക ചോപ്രയുടെയും പാത പിന്തുടര്‍ന്ന് മാനുഷി സിനിമയില്‍ അഭിനയിക്കാന്‍ പോവുന്നതായിട്ടാണ് പുതിയ റിപ്പോര്‍ട്ടുകള്‍. അതും തമിഴ് സിനിമയിലേക്കാണെന്നും സൂപ്പര്‍ സ്റ്റാറിന്റെ തന്നെ നായികയാവുമെന്നുമാണ് സ്ഥിതികരിക്കാത്ത റിപ്പോര്‍ട്ടുകള്‍ വരുന്നത്.

ഉലകനായകനൊപ്പം

ഉലകനായകന്‍ കമല്‍ ഹാസന്‍ രാഷ്ട്രീയ പ്രവേശനത്തോട് കൂടി സിനിമയില്‍ നിന്നും മാറി നില്‍ക്കാന്‍ പോവുകയാണെന്നുള്ള റിപ്പോര്‍ട്ടുകള്‍ വരുന്നതിനിടെയാണ് മാനുഷി ചില്ലാര്‍ അദ്ദേഹത്തിനൊപ്പം അഭിനയിക്കുന്നതായി പറയുന്നത്.

ഇന്ത്യന്‍

എസ് ശങ്കര്‍ സംവിധാനം ചെയ്ത ഇന്ത്യന്‍ എന്ന സിനിമയുടെ രണ്ടാം ഭാഗത്തില്‍ നായികയായിട്ടാണ് മാനുഷിയെ ക്ഷണിക്കുന്നത്. 2.0 എന്ന ബിഗ് റിലീസ് സിനിമ പുറത്തിറക്കിയതിന് ശേഷമായിരിക്കും സിനിമയെ കുറിച്ച് സംസാരിക്കുക.

ബോളിവുഡും കാത്തിരിക്കുന്നു

ലോകസുന്ദരി പട്ടം നേടിയതിന് പിന്നാലെ മാനുഷിയെ തേടി ബോളിവുഡില്‍ നിന്നും ഒരുപാട് ഓഫറുകളാണ് വരുന്നത്. മുന്‍ ലോകസുന്ദരി ഐശ്വര്യ റായിയെ ആദ്യമായി നായികയാക്കിയതും ശങ്കര്‍ ആയിരുന്നതിനാല്‍ മാനുഷിയും അതേ പാത തന്നെയാണോ പിന്തുടരുന്നതെന്ന് കാത്തിരുന്ന് കാണം.