»   » സിനിമാ ടാക്കീസുമായി ശ്രീനിയും ലാലും

സിനിമാ ടാക്കീസുമായി ശ്രീനിയും ലാലും

Posted By:
Subscribe to Filmibeat Malayalam
Mohan Lal and Sreenivasan
സിനിമാ ടാക്കീസുമായി ബന്ധപ്പെട്ട് നിരവധി ചിത്രങ്ങള്‍ മലയാളത്തില്‍ അനൗണ്‍സ് ചെയ്തിരുന്നു. മോഹന്‍ലാലും ജയറാമുമൊക്കെ നായകരായി പ്രമുഖ തിരക്കഥാകൃത്തുക്കള്‍ എഴുതിയ കഥകള്‍ ഇപ്പോഴും പെട്ടിയില്‍ കിടക്കുകയാണ്. എന്നാല്‍ സിനിമാടാക്കീസിന്റെ കഥ ഗംഭീരമായി ആദ്യമായി സ്‌ക്രീനില്‍ അവതരിപ്പിക്കാനുള്ള ഭാഗ്യം ലഭിച്ചത് ശ്രീനിവാസനും ലാലിനുമാണ്. ഇരുവരെയും പ്രധാനവേഷത്തില്‍ കാണാന്‍ പറ്റുന്ന കണ്ണാടി ടാക്കീസ് കോഴിക്കോട് ചിത്രീകരണം തുടങ്ങി.

ബയോസ്‌കോപ്പ് എന്ന ചിത്രത്തിലൂടെ നിരവധി പുരസ്‌കാരങ്ങള്‍ നേടിയ മധുസൂദനന്‍ തിരക്കഥയെഴുതി സംവിധാനം ചെയ്യുന്ന ചിത്രത്തില്‍ മൈഥിലിയാണ് നായിക. ആദിത്യന്‍ എന്ന തിയറ്റര്‍ മാനേജരെയാണ് ശ്രീനി അവതരിപ്പിക്കുന്നത്. തിയറ്റര്‍ ഉടയമയായ ശിവരാമനെ ലാലും. ലാലും ശ്രീനിയും ചേര്‍ന്നുള്ള കോമഡിയാണ് ചിത്രത്തിന്റെ പ്രധാന ഹൈലൈറ്റ്. വിജയകുമാറാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. തിയറ്ററിലെ ടിക്കറ്റ് കലക്ടറായ സുഗതന്‍ ആണ് വിജയകുമാര്‍. ഓപ്പറേറ്റര്‍ അലിയാരായി മാമുക്കോയയും അദ്ദേഹത്തിന്റെ മകളായി അര്‍ച്ചന കവിയും. ഇന്ദ്രന്‍സ്, സുരാജ് വെഞ്ഞാറമൂട്, കലാഭവന്‍ ഷാജോണ്‍ എന്നിവരാണ് മറ്റു പ്രധാന താരങ്ങള്‍.

പൂര്‍ണമായും ഗ്രാമീണ പശ്ചാത്തലത്തിലാണ് ചിത്രമൊരുങ്ങുന്നത്. റഫീക്ക് അഹമ്മദിന്റെ വരികള്‍ക്ക് എം.ജയചന്ദ്രന്‍ സംഗീതം നല്‍കുന്നു.

ഏറെക്കാലത്തിനു ശേഷം ശ്രീനിവാസന്‍ ശുദ്ധ നര്‍മം കൈകാര്യം ചെയ്യുന്ന ചിത്രം കൂടിയായിരിക്കും ഇത്.

English summary
Once again Mohan Lal and Sreenivasan together in Kannadi Talkies directed by K. M. Madhusudhanan.
Please Wait while comments are loading...

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam