Click it and Unblock the Notifications
മോഹന്ലാലിനൊപ്പം ആസിഫും ഫഹദും
മോളിവുഡിലെ വമ്പന് താരനിരയെ അണിനിരത്തി അരങ്ങേറാനുള്ള ഭാഗ്യമാണ് ഈ നവാഗതനെ തേടിയെത്തുന്നത്. റെഡ് വൈന് എന്ന് പേരിട്ടിരിയ്ക്കുന്ന ചിത്രത്തില് നായകനായെത്തുന്നത് സാക്ഷാല് മോഹന്ലാലാണ്.ഫഹദ് ഫാസിലും ആസിഫ് അലിയും ലാലിനൊപ്പം സിനിമയിലുണ്ടാവും. ഇതാദ്യമായണ് ഒരു ചിത്രത്തില് മൂന്നുപേരും ഒരുമിക്കുന്നത്. ചെറിയൊരു ഇടവേളയ്ക്ക് ശേഷംമോഹന്ലാല് ഒരു പുതുമുഖ സംവിധായകന് ഡേറ്റ് നല്കുന്നതെന്ന പ്രത്യേകതയും റെഡ് വൈന് സ്വന്തമാണ്.
ഗൗരി മീനാക്ഷി പ്രൊഡക്ഷന്റെ ബാനറില് ഗിരീഷ് ലാലാണ് റെഡ്വൈന് നിര്മിക്കുന്നത്. പ്രദീപ് നായരാണ് ഛായാഗ്രഹണം നിര്വഹിയ്ക്കുന്നത്. മാമന് കെ.രാജനാണ് രചന. റഫീഖ് അഹമ്മദിന്റെ വരികള്ക്ക് ബിജിബാലാണ് സംഗീതം. എഡിറ്റിങ് രഞ്ജന് എബ്രഹാമാണ്. ഡിസംബറില് ചിത്രീകരണം തുടങ്ങുന്ന ചിത്രത്തിന്റെ ലൊക്കേഷനുകള് വയനാടും കോഴിക്കോടുമാണ്.
Continue with Google