പുരസ്‌കാരം നേടിയ സഹപ്രവര്‍ത്തകരോട് താരങ്ങള്‍ക്കും ചിലത് പറയാനുണ്ട്! മനസില്‍ തട്ടിയ ചില കാര്യങ്ങള്‍..

മമ്മൂട്ടി

മെഗാസ്റ്റാര്‍ മമ്മൂട്ടിയും പുരസ്‌കാരം നേടിയ എല്ലാവര്‍ക്കും ആശംസകളുമായി എത്തിയിരിക്കുകയാണ്. ഫേസ്ബുക്കിലൂടെയാണ് ചലച്ചിത്ര പുരസ്‌കാരം കിട്ടിയ എല്ലാവര്‍ക്കും താരം ആശംസകള്‍ അറിയിച്ചത്.

മോഹന്‍ലാല്‍

മോഹന്‍ലാലും ചെറിയ വാക്കുകളിലൂടെയാണെങ്കിലും പുരസ്‌കാരം നേടിയ എല്ലാവരോടും ആത്മാര്‍ത്ഥമായി തന്നെയുള്ള ആശംസകള്‍ അറിയിച്ചിരിക്കുകയാണ്.

ദുല്‍ഖര്‍ സല്‍മാന്‍

ദുല്‍ഖര്‍ സല്‍മാന്‍ തന്റെ സഹപ്രവര്‍ത്തകരായ എല്ലാവര്‍ക്കും എന്ന് വിശേഷിപ്പിച്ചാണ് ആശംസകള്‍ അറിയിച്ചിരിക്കുന്നത്. ഇന്ദ്രന്‍സേട്ടന്‍, പ്രസന്ന മാസ്റ്റര്‍, പാര്‍വ്വതി, അലന്‍സിയര്‍, തുടങ്ങി എല്ലാവരോടുമാണ് ദുല്‍ഖറിന്റെ ആശംസകള്‍.

ജയസൂര്യ

അഭിമാനം... അഭിമാനം.. 'മലയാളത്തിന്റെ ഈ നടനം' ഇന്ദ്രന്‍സേട്ടാ.. നിങ്ങളുടെ ഉള്ളിലുള്ള ചെറിയവനാണ് നിങ്ങളെ വലിയവനാക്കുന്നത്. ഞങ്ങള്‍ക്ക് കണ്ടു പഠിക്കാന്‍ ഒത്തിരി കാര്യങ്ങളുണ്ട് നിങ്ങളില്‍ നിന്ന് ...ഒരുപാട് സന്തോഷം.. അതു പോലെ തന്നെ എല്ലാ അവാര്‍ഡ് ജേതാക്കള്‍ക്കും വിജയാശംസകള്‍! എന്നുമാണ് ജയസൂര്യ പറയുന്നത്.

മഞ്ജു വാര്യര്‍

അംഗീകരിക്കപ്പെട്ടവര്‍, അര്‍ഹതപ്പെട്ടവര്‍.. സംസ്ഥാന ചലച്ചിത്ര പുരസ്‌കാരങ്ങളാല്‍ ആദരിക്കപ്പെട്ട പ്രതിഭകള്‍ക്ക് ഹൃദയം നിറഞ്ഞ അഭിനന്ദനം... എന്നും പറഞ്ഞാണ് മഞ്ജു വാര്യര്‍ പുരസ്‌കാരം നേടിയവര്‍ക്കുള്ള ആശംസ അറിയിച്ചത്.