Click it and Unblock the Notifications
കണ്ണൂരില് താരങ്ങളുടെ കല്യാണമേളം
ചെന്നൈയിലെ കെ.സി.ജി. കോളജ് ഓഫ് ടെക്നോളജിയില് എന്ജിനീയറിങ്ങിന് പഠിയ്ക്കുന്നതിനിടെ കോളെജിലെ മ്യൂസിക് ക്ലബില് വച്ചാണ് ദിവ്യയും വിനീതും അടുക്കുന്നത്. 2004ല് തുടങ്ങിയ പ്രണയം വീട്ടുകാരറിയുന്നത് പിന്നെയും ഏറെക്കാലം കഴിഞ്ഞാണ്. വിനീത് രണ്ടാമതായി സംവിധാനം ചെയ്ത തട്ടത്തിന് മറയത്തിന്റെ വിജയത്തോടെയാണ് പ്രണയവിശേഷം ഉറ്റവര് അറിയുന്നതും വിവാഹത്തിന് സമ്മതം മൂളുന്നതും.
ഇരുവീട്ടുകാരുടെയും ബന്ധുക്കള് കണ്ണൂര് ജില്ലയില് ആയതിനാലാണ് വിവാഹം ഇവിടെ വച്ചു നടത്തുന്നത്. ശ്രീനിവാസന്റെ വീട് തലശേരി പാട്യത്തും ദിവ്യയുടേത് പയ്യന്നൂരുമാണ്. കണ്ണൂരില് ബന്ധുക്കളെയും സുഹൃത്തുക്കളെയുമെല്ലാം വിവാഹം ക്ഷണിക്കുന്ന തിരക്കിലാണ് ശ്രീനിവാസന്റെ കുടുംബം.
കേരളപ്പിറവി ദിനത്തിലാണ് സംവൃതയുടെ ജീവിതത്തിലേക്ക് അഖില് കടന്നുവരുന്നത്. കാലിഫോര്ണിയ വോള്ട്ട് ഡിസ്നി കമ്പനിയില് എന്ജിനീയറാണ് അഖില് ജയരാജ്. കോഴിക്കോട്ടുകാരനായ അഖിലുമായുള്ള വിവാഹം ഉറപ്പിച്ചത് ജനുവരിയിലായിരുന്നു.
പിന്നീട് കോഴിക്കോട്ടെ ആര്യസമാജ ത്തില് വിവാഹം രജിസ്റ്റര് ചെയ്തു. വിവാഹശേഷം അഖിലിനൊപ്പം കാലിഫോര്ണിയയിലേക്ക് പറക്കാനുള്ള സര്ട്ടിഫിക്കറ്റുകള് ശരിയാക്കാന് വേണ്ടിയായിരുന്നു ആര്യസമാജത്തിലെ വിവാഹം. സംവൃത രഹസ്യമായി വിവാഹിതയായി എന്ന വാര്ത്ത പലരുടെയും നെറ്റി ചുളിപ്പിച്ചിരുന്നു.
Continue with Google