Click it and Unblock the Notifications
പേര് മാത്രമല്ല മോഷന് പോസ്റ്ററും കലക്കി! ആന അലറലോടലറല് മോഷന് പോസ്റ്റര്...
വിനീത് ശ്രീനിവാസന് നായകനാകുന്ന പുതിയ ചിത്രമാണ് ആന അലറലോടലറല്. സംവിധാന സംരംഭങ്ങള്ക്ക് ഒരു ഇടവേള നല്കി അഭിനയത്തില് ശ്രദ്ധ കേന്ദ്രീകരിച്ചിരിക്കുകയാണ് വിനീത് ഇപ്പോള്. എബി, ഒരു സിനിമാക്കാരന് എന്നീ ചിത്രങ്ങള്ക്ക് ശേഷം വിനീത് നായകനാകുന്ന ചിത്രമാണ് ആന അലറലോടലറല്. ഒരു വടക്കന് സെല്ഫി ഒരുക്കിയ ജി പ്രജിത്തിന്റെ അസിസ്റ്റന്റായിരുന്ന ദിലീപ് മേനോനാണ് ചിത്രം സംവിധാനം ചെയ്യുന്നത്. അനു സിത്താരയാണ് ചിത്രത്തിലെ നായിക.
ഫഹദ് ഫാസിലാണ് ചിത്രത്തിന്റെ മോഷന് പോസ്റ്റര് പുറത്തിറക്കിയിരിക്കുന്നത്. ഹാഷിം ജലാലുദ്ദീന് എന്ന കഥാപാത്രത്തെയാണ് വിനീത് ചിത്രത്തില് അവതരിപ്പിക്കുന്നത്. നവാഗതനായ ശരത് ബാലന് തിരക്കഥ ഒരുക്കിയിരിക്കുന്ന ചിത്രത്തില് വിജയ രാഘവന്, സുരാജ് വെഞ്ഞാറമ്മൂട്, ഹരീഷ് പേരാടി, മമ്മൂക്കോയ തുടങ്ങി വന് താരനിര തന്നെയുണ്ട്. ഷാന് റഹ്മാന് സംഗീതം നിര്വഹിക്കുന്ന ചിത്രം നിര്മിക്കുന്നത് സിബി തോട്ടുപുറവും നാവിസ് സേവ്യറും ചേര്ന്നാണ്.
Continue with Google