Click it and Unblock the Notifications
സുബ്ബലക്ഷ്മി അഭ്രപാളിയില്
പ്രഭു, അരവിന്ദ്സ്വാമി, കജോള് എന്നിവര് പ്രധാനവേഷത്തില് അഭിനയിച്ച മിന്സാരകനവിലൂടെയാണ് രാജീവ് സംവിധായകന്റെ തൊപ്പിയണിയുന്നത്. മണിരത്നത്തിന്റെ ചിത്രങ്ങള്ക്ക് കാമറ ചലിപ്പിച്ച് പ്രശസ്തിയിലേക്കുയര്ന്ന മേനോന്റെ കന്നിചിത്രം തന്നെ ശ്രദ്ധിക്കപ്പെട്ടു. പിന്നീട് മമ്മൂട്ടി, അജിത്, അബാസ്, ഐശ്വര്യ റായി, തബു എന്നിവരെല്ലാം അണി നിരന്ന കണ്ടുകൊണ്ടേന് കണ്ടുകൊണ്ടേന് സംവിധാനം ചെയ്തു. മമ്മൂട്ടിക്ക് തമിഴില് ബ്രേക്കു നല്കിയ ചിത്രമായിരുന്നു ഇത്.
നേരത്തെ കാവ്യാമാധവന് എംഎസ് സുബ്ബലക്ഷ്മിയുടെ വേഷവുമായെത്തുമെന്ന വാര്ത്തകളുണ്ടായിരുന്നു. തമിഴിലാണ് ഈ ചിത്രം തയ്യാറാക്കുന്നത്.. പുനെ ഫിലിം ഇന്സ്റ്റിറ്റിയൂട്ട് അധ്യാപകനും പ്രശസ്ത സംവിധായകനുമായ ശിവപ്രസാദാണ് ഇതിനു പിന്നിലെന്ന് അന്ന് വാര്ത്തകളുണ്ടായിരുന്നു. കര്ണ്ണാടകസംഗീത വിദുഷിയായ എം.എസ് സുബ്ബലക്ഷ്മി ദക്ഷിണേന്ത്യന് സംഗീതപ്രേമികളുടെ മനസ്സിലെ നൊസ്റ്റാള്ജിക് സാന്നിദ്ധ്യമാണ്. സംഗീതത്തോടുള്ള അപാരമായ അഭിനിവേശമാണ് ശിവപ്രസാദിനെ ഇത്തരത്തിലുള്ള ഒരു ചിത്രത്തിലേക്ക് അടുപ്പിക്കുന്നത്.
Continue with Google