ഏഴു മാസങ്ങള്‍ക്ക് ശേഷം ഇരുവരും കണ്ടു, തൊട്ടടുത്ത സീറ്റുകളില്‍.. 101 ദിവസത്തെ വിജയാഘോഷത്തില്‍

101 ഡേ സെലിബ്രേഷന്‍

റിലീസ് ചെയ്ത് 101ാം ദിവസത്തെ മുന്തിരിവള്ളികളുടെ വിജയാഘോഷം നടന്നു. ജനുവരി 20നാണ് ചിത്രം തിയേറ്ററുകളില്‍ പ്രദര്‍ശനത്തിനെത്തിയത്.

മികച്ച പ്രതികരണം

ദൃശ്യത്തിന് ശേഷം മോഹന്‍ലാലും മീനയും ഒന്നിച്ചെത്തുന്ന ചിത്രം പ്രേക്ഷകരും പ്രതീക്ഷയോടെയാണ് കാത്തിരുന്നത്. എന്നാല്‍ പ്രേക്ഷകരുടെ പ്രതീക്ഷ കൈവിടാതെ ചിത്രം തിയേറ്ററുകളില്‍ വമ്പന്‍ വിജയമായി.

ഫൈനല്‍ കളക്ഷന്‍

കേരളത്തില്‍ നിന്ന് മാത്രമായി ചിത്രത്തിന് 34.20 കോടിയാണ് ചിത്രം ബോക്‌സോഫീസില്‍ നേടിയെടുത്തത്. ബിജു മേനോനെ നായകനാക്കി ഒരുക്കിയ വെള്ളിമൂങ്ങ എന്ന ചിത്രത്തിന്റെ വിജയത്തിന് ശേഷം ജിബു ജേക്കബ് സംവിധാനം ചെയ്ത ചിത്രമാണിത്.

50 കോടി

ഇന്ത്യക്കകത്തും പുറത്ത് നിന്നുമായി മുന്തിരിവള്ളികള്‍ക്ക് 50 കോടി ലഭിച്ചുവെന്നാണ് അന്തിമ കളക്ഷന്‍ റിപ്പോര്‍ട്ടുകള്‍ വ്യക്തമാക്കുന്നത്. 2016ന്റെ ഒടുവില്‍ പുറത്തിറങ്ങിയ പുലിമുരുകന്‍ എന്ന ചിത്രത്തിന്റെ വമ്പന്‍ വിജയത്തിന് ശേഷമാണ് മുന്തിരിവള്ളികള്‍ തിയേറ്ററുകളില്‍ എത്തുന്നത്.

ഒരു കുടുംബ ചിത്രം

കുടുംബ പശ്ചാത്തലത്തില്‍ ഒരുക്കിയ ചിത്രമാണ് മുന്തിരിവള്ളികള്‍ തളിര്‍ക്കുമ്പോള്‍. നര്‍മ്മ രംഗങ്ങളും എന്നാല്‍ വേണ്ടിടത്ത് സീരിയസ് ഭാഗങ്ങളും ഉള്‍പ്പെടുത്തി ഒരുക്കിയ ഒരു കിടിലന്‍ ഫാമിലി എന്റര്‍ടെയിനറായിരുന്നു.

മോഹന്‍ലാല്‍ തന്നെ യഥാര്‍ത്ഥ ഉലഹന്നാന്‍

ചിത്രത്തിലെ നായകനെ കുറിച്ച് ആലോചിക്കുമ്പോള്‍ തന്നെ ലാലിനെ തന്നെയാണ് ആദ്യം മനസില്‍ വന്നതെന്ന് ജിബു ജേക്കബ് പറയുന്നു. ഏറ്റവും അനിയോജ്യമായ ആള് മോഹന്‍ലാല്‍ തന്നെയാണെന്ന് പറയുമ്പോഴും അതേ അഭിപ്രായം തന്നെയാണ് തിരക്കഥാകൃത്തും നിര്‍മാതാവും പറഞ്ഞത്.

പ്രണയോപനിഷത്തില്‍ നിന്ന്

വിജെ ജയിംസിന്റെ പ്രണയോപനിഷത്ത് എന്ന ചെറുകഥയുടെ പ്രചോദനം ഉള്‍ക്കൊണ്ടാണ് ചിത്രം ഒരുക്കിയത്. പ്രണയോപനിഷത്ത് വായിച്ചപ്പോള്‍ അതിലെവിടെയോ സിനിമയ്ക്കുള്ള ഒരു സ്‌കോപ്പുണ്ടെന്ന് തോന്നുകയായിരുന്നുവെന്ന് ജിബു ജേക്കബ് പറഞ്ഞിട്ടുണ്ട്.

കഥാപാത്രങ്ങള്‍

ഐമ റോസ്മി സെബാസ്റ്റിയന്‍, സനൂപ് സന്തോഷ്, അനൂപ് മേനോന്‍, സൃന്ദ അഷബ്, എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അഭിനയിക്കുന്നത്.

നിര്‍മാണം

വീക്കന്റ് ബ്ലോക്ക്ബസ്‌റ്റേഴ്‌സിന്റെ ബാനറില്‍ സോഫിയ പോളാണ് ചിത്രം നിര്‍മിച്ചത്. നിര്‍മാതാവായ സോഫിയ പോള്‍ പല കഥകളും കേട്ട് ഒരു നല്ല കഥയ്ക്കായി കാത്തിരിക്കുമ്പോഴാണത്രേ മുന്തിരിവള്ളികളുടെ കഥയുമായി ജിബു ജേക്കബ് എത്തുന്നത്.