കാഞ്ചനമാലയും മൊയ്തീനും വീണ്ടും ഒരുമിക്കുന്നു, ഈ ചിത്രത്തിന് വേണ്ടി, ഫസ്റ്റ് ലുക്ക് കാണൂ

കാഞ്ചമാലയും മൊയ്തീനും വീണ്ടും എത്തുന്നു

വ്യത്യസ്തമായൊരു പ്രണയ കഥയുമായി എത്തുകയാണ് പൃഥ്വിരാജും പാര്‍വതിയും. ഒന്നിനൊന്ന് മികച്ച പ്രകടനം പുറത്തെടുക്കുന്ന താരങ്ങള്‍ ഒരുമിക്കുന്ന പുതിയ ചിത്രമായ മൈ സ്റ്റോറിക്ക് വേണ്ടിയാണ് പ്രേക്ഷകര്‍ കാത്തിരിക്കുന്നത്.

വീണ്ടുമൊരു പ്രണയ ചിത്രം

തൊണ്ണൂറുകളില്‍ തുടങ്ങുന്ന പ്രണയം ഇപ്പോഴത്തെ കാലത്ത് എത്തി നില്‍ക്കുന്നിടത്താണ് സിനിമ അവസാനിക്കുന്നത്. രണ്ട് കാലഘട്ടങ്ങളിലുള്ള പ്രണയമാണ് ചിത്രത്തിന്റെ പ്രമേയം.

വസ്ത്രാലങ്കാരത്തിന് പ്രത്യേക പരിഗണന

രണ്ട് കാലഘട്ടങ്ങളിലെ പ്രണയം ചിത്രീകരിക്കുമ്പോള്‍ ഉപയോഗിക്കേണ്ട വസ്ത്രങ്ങളെക്കുറിച്ച് കോസ്റ്റിയൂം ഡിസൈനര്‍ കൂടിയായ സംവിധായികയ്ക്ക് കൃത്യമായി ധാരണയുണ്ട്. ചിത്രത്തിന്റെ ഫസ്റ്റ് ലുക്ക് വീഡിയോ കഴിഞ്ഞ ദിവസം പുറത്തുവന്നിരുന്നു.

ഫസ്റ്റ് ലുക്ക് പുറത്തുവിട്ടു

ജയ് യും താരയും ഒരുമിച്ചുള്ള ചിത്രങ്ങളാണ് പുറത്തുവന്നിട്ടുള്ളത്. പൃഥ്വിരാജും പാര്‍വതിയുമാണ് ഈ കഥാപാത്രങ്ങളെ അവതരിപ്പിക്കുന്നത്. ശങ്കര്‍ രാമകൃഷ്ണനാണ് ചിത്രത്തിന്‍രെ രചന നിര്‍വഹിക്കുന്നത്.

സാങ്കേതിക മികവില്‍ അണിയിച്ചൊരുക്കുന്നു

സാങ്കേതിക മികവിന്റെ കാര്യത്തില്‍ ചിത്രം ഏറെ മുന്നിട്ടു നിക്കുമെന്നുള്ള ഉറപ്പ് സംവിധായിക നേരത്തെ തന്നെ വ്യക്തമാക്കിയിരുന്നു. എന്തിരന്‍, ലിംഗ തുടങ്ങിയ ചിത്രങ്ങളുടെ ക്യാമറമാനായ ആര്‍ രത്‌നവേലുവാണ് ഛായാഗ്രാഹണം നിര്‍വഹിക്കുന്നത്.