പൃഥ്വിരാജ് നട്ടെല്ലുള്ള യുവരാജാവാണ്! മൈ സ്റ്റോറിയെ തകര്‍ക്കാന്‍ നോക്കിയവര്‍ എവിടെ?

മൈ സറ്റോറി

കന്നഡ- തെലുങ്ക്- തമിഴ് സിനിമാ രംഗത്ത് കോസ്റ്റ്യൂം ഡിസൈനറായി പ്രശസ്തയായി മാറിയ ആളാണ് രോഷ്‌നി ദിനകര്‍. രോഷ്‌നിയുടെ ഏറെ കാലത്തെ ആഗ്രഹമായിരുന്നു ജൂലൈ ആറിന് തിയറ്ററുകളിലേക്ക് എത്തിയത്. ശങ്കര്‍ രാമകൃഷ്ണന്‍ തിരക്കഥ ഒരുക്കിയ ചിത്രം രോഷ്നി ദിനകര്‍ ഫിലിംസിന്റെ ബാനറില്‍ ദിനകര്‍ ഒ.വിയും രോഷ്‌നി ദിനകറും ചേര്‍ന്നാണ് നിര്‍മ്മിച്ചിരിക്കുന്നത്. പോര്‍ച്ചുഗല്ലില്‍ നിന്നും ചിത്രീകരിച്ച സിനിമ ഒറു മെലോ ഡ്രാമയാണ്.

കൂട്ടുകെട്ടിലെത്തിയ ചിത്രം..

പൃഥ്വിരാജിന്റെയും പാര്‍വ്വതിയുടെയും ഈ വര്‍ഷത്തെ ആദ്യ സിനിമയായിട്ടാണ് മൈ സ്റ്റോറി എത്തിയിരിക്കുന്നത്. എന്ന് നിന്റെ മൊയ്തീന്‍ ഹിറ്റായതിന് ശേഷം ഇരുവരും ഒന്നിക്കുന്ന സിനിമ കൂടിയാണിത്. ഇവര്‍ക്കൊപ്പം ഗണേശ് വെങ്കിട്ടരാമന്‍, സണ്ണി വെയിന്‍, മനോജ് കെ ജയന്‍, സഞ്ജു ശിവറാം, മണിയന്‍പിള്ള രാജു തുടങ്ങി നിരവധി താരങ്ങളും സിനിമയിലുണ്ട്. ബികെ ഹരിനാരായണന്‍ വരികളെഴുതി ഷാന്‍ റഹ്മാന്‍ സംഗീതം പകര്‍ന്ന ഏഴോളം പാട്ടുകളാണ് സിനിമയിലുള്ളത്. അതും പ്രേക്ഷകരെ സ്വാധീനിച്ചിരുന്നു.

സിനിമയുടെ ഇതിവൃത്തം..

പോര്‍ച്ചുഗലില്‍ നിന്നും നടക്കുന്ന കഥയില്‍ പൃഥ്വിരാജും പാര്‍വ്വതിയും സിനിമാ താരങ്ങളായി തന്നെയാണ് അഭിനയിക്കുന്നത്. ഇരുവര്‍ക്കുമിടയില്‍ ഉണ്ടാവുന്ന തീവ്ര പ്രണയവും അതിന് ശേഷം ഉണ്ടാവുന്ന സംഭവങ്ങളുമാണ് സിനിമയുടെ ഇതിവൃത്തം. ഇരുപത് വര്‍ഷം മുന്‍പ് നടക്കുന്ന കഥയാണ് സിനിമയിലൂടെ പറയുന്നതും. മൈ സ്റ്റോറിയില്‍ പൃഥ്വിയുടെയും പാര്‍വ്വതിയുടെയും ഗംഭീര പ്രകടനമായിരുന്നു എന്ന അഭിപ്രായം വന്നിരിക്കുകയാണ്.

കളക്ഷന്‍..

ഡീഗ്രേഡിംഗ് ഭീഷണി നിലനില്‍ക്കുന്ന സിനിമയാണെങ്കിലും നല്ല സിനിമയെ സ്വീകരിക്കാന്‍ പ്രേക്ഷകര്‍ക്ക് മടിയില്ല. അതിനാല്‍ മൈ സ്റ്റോറിയുടെ പ്രകടനം മോശമാവില്ല. മികച്ച തുടക്കം കിട്ടിയ സിനിമ കളക്ഷനിലും തരംഗമാവും. കേരളത്തിലും സംസ്ഥാനത്തിന് പുറത്തും ഇന്നലെ തന്നെ സിനിമ റിലീസിനെത്തിയിരുന്നു. കൊച്ചി മള്‍ട്ടിപ്ലെക്‌സിലും ഗംഭീര സ്വീകരണമായിരുന്നു. റിലീസ് ദിവസം 22 ഷോ ആയിരുന്നു മൈ സ്റ്റോറിയ്ക്ക് ലഭിച്ചിരുന്നത്. അതില്‍ നിന്നും 3.95 ലക്ഷം രൂപ സ്വന്തമാക്കിയിരിക്കുകയാണ്. ഫോറം കേരള പുറത്ത് വിട്ട റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്. വരും ദിവസങ്ങളില്‍ മോശമില്ലാത്ത പ്രകടനം നടത്താന്‍ സിനിമയ്ക്ക് കഴിയുമെന്ന കാര്യത്തില്‍ സംശയമില്ല.