ചൈതുവിന്റെ സ്വന്തമാകാന്‍ സാമന്ത എത്തിയത് എങ്ങനെയെന്നോ? ചിത്രങ്ങള്‍ കാണാം...

ചെറിയ ചടങ്ങ്

ഗോവയിലെ സ്വകാര്യ ഹോട്ടലില്‍ വളരെ ചെറിയ ചടങ്ങായാണ് വിവാഹം നടത്തിയത്. ബന്ധുക്കളും അടുത്ത സുഹൃത്തുക്കളും മാത്രമാണ് വിവാഹത്തില്‍ പങ്കെടുത്തത്. 150 പേര്‍ വിവാഹത്തില്‍ പങ്കാളികളായി എന്നാണ് റിപ്പോര്‍ട്ട്.

റിസപ്ഷന്‍ പിന്നാലെ

വിവാഹത്തില്‍ അധികം ആളുകള്‍ പങ്കെടുത്തില്ലെങ്കിലും ആഘോഷങ്ങള്‍ ഒട്ടും കുറയ്ക്കുന്നില്ല. മുന്‍ നിശ്ചയിച്ച പ്രകാരം ഒക്ടബോര്‍ എട്ടിനാണ് സിനിമ മേഖലയില്‍ നിന്നുള്ളവര്‍ക്കായി ഗംഭീര റിസപ്ഷന്‍ ഏര്‍പ്പാടാക്കിയിരിക്കുന്നത്.

വിവാഹ വസ്ത്രം

പരമ്പരാഗത ആചാര പ്രകാരം നടന്ന വിവാഹത്തിലെ വധു വരന്മാരുടെ വസ്ത്രങ്ങളും അത്തരത്തിലുള്ളതായിരുന്നു. ഓഫ് വൈറ്റ് സാരിയും മെറൂണ്‍ ബ്ലൗസുമാണ് സാമന്ത ധരിച്ചിരുന്നത്. ക്രീം നിറത്തിലുള്ളതായിരുന്നു നാഗചൈതന്യയുടെ വേഷം.

പരമ്പരാഗത ആഭരണങ്ങള്‍

വസ്ത്രത്തില്‍ മാത്രമല്ല, സാമന്ത ധരിച്ചിരുന്ന ആഭരണങ്ങളും പരമ്പരാഗത തെലുങ്ക് വിവാഹങ്ങള്‍ക്ക് ഉപയോഗിക്കുന്നവയായിരുന്നു. പരമ്പരാഗത ശൈലിയിലുള്ള ജിമ്മിക്കിയും മാലയും വളകളുമായിരുന്നു സാമന്ത അണിഞ്ഞിരുന്നത്.

ക്രിസ്ത്യന്‍ വിവാഹം

സാമന്ത-നാഗ ചൈതന്യ വിവാഹം ആദ്യമേ തന്നെ ശ്രദ്ധിക്കപ്പെട്ടത് രണ്ട് തരത്തിലുള്ള വിവാഹത്തിന്റെ പേരിലായിരുന്നു. ഇപ്പോള്‍ ഹിന്ദു ആചാര പ്രകാരം വിവാഹിതരായ ഇരുവരും ശനിയാഴ്ച വൈകുന്നേരം ക്രിസ്ത്യന്‍ ആചാര പ്രകാരം പള്ളിയില്‍ വച്ച് വിവാഹിതരാകും. സാമന്ത ക്രിസ്ത്യാനിയാണ്.

വിവാഹ ശേഷം

വിവാഹം പോലെ വിവാഹത്തിന് ശേഷമുള്ള ഇരുവരുടേയും പ്ലാനുകളും പ്രേക്ഷകര്‍ ആകാംഷയോടെ കാത്തിരിക്കുന്നത്. ഹണിമൂണ്‍ തന്നെയാണ് ഇതില്‍ പ്രധാനം. ഹണിമൂണും ന്യൂ ഇയറും ഇന്ത്യക്ക് വെളിയില്‍ ആഘോഷിക്കാനാണ് ഉദ്ദേശിക്കുന്നതെന്ന് സാമന്ത പറയുന്നു.

അഭിനയം തുടരുമോ?

വിവാഹത്തിന് ശേഷം സാമന്ത അഭിനയം തുടര്‍ന്നേക്കുമെന്ന് ഇരുവരും നേരത്തെ തന്നെ വ്യക്തമാക്കിയിരുന്നു. വിവാഹത്തിന് മുമ്പ് നിരവധി സിനിമകളില്‍ സിനിമകളില്‍ ഇരുവരും ഒരുമിച്ച് അഭിനയിച്ചുണ്ട്. വിവാഹത്തിന് ശേഷവും ഒരുമിച്ച് അഭിനയിച്ചേക്കുമെന്ന് റിപ്പോര്‍ട്ടുണ്ട്.