സൂപ്പര്‍ സ്റ്റാറുകള്‍ക്ക് എന്തും ആകാമോ??? ചെരുപ്പ് അഴിച്ച് മാറ്റാന്‍ വൈകിയ സഹായിയോട് ചെയ്തത്???

ചെരുപ്പ് അഴിച്ച് മാറ്റിയില്ല

തന്റെ കാലില്‍ കിടന്ന ചെരുപ്പ് അഴിച്ച് മാറ്റാന്‍ വൈകിയതിന് ബാലകൃഷ്ണ തന്റെ സഹായിയെ തല്ലിയത്. തമിഴ്, തെലുങ്ക് സംവിധായകന്‍ കെഎസ് രവികുമാര്‍ സംവിധാനം ചെയ്യുന്ന സിനിമയുടെ സെറ്റിലായിരുന്നു സംഭവം നടന്നത്.

സഹായിയേക്കൊണ്ട് ചെരുപ്പ് അഴിപ്പിച്ചു

സംവിധായകനുമായി സംസാരിച്ചുകൊണ്ട് നില്‍ക്കുമ്പോഴായിരുന്നു ബാലകൃഷ്ണ സഹായിയെ അടുത്തേക്ക് വിളിച്ചത്. സഹായി അടുത്ത് എത്തിയപ്പോള്‍ അയാളുടെ തലയില്‍ അടിച്ചു. എന്നിട്ട് ചെരുപ്പ് അഴിച്ച് മാറ്റാന്‍ ഓഡര്‍ നല്‍കി. ചെരുപ്പ് അഴിച്ച് മാറ്റുന്നത് വരെ ബാലകൃഷ്ണ സംസാരം തുടര്‍ന്നു.

വൈറലാകുന്ന വീഡിയോ

ബാലയ്യ എന്ന് ആരാധകര്‍ വിളിക്കുന്ന ബാലകൃഷ്ണയുടെ പ്രവര്‍ത്തികള്‍ കണ്ടു നിന്ന് സെറ്റിലുള്ള ആരോ ഫോണില്‍ പകര്‍ത്തുകയായിരുന്നു. പിന്നീട് സോഷ്യല്‍ മീഡിയയില്‍ അപ്‌ലോഡ് ചെയ്ത വീഡിയോ വൈറലായി മാറുകയായിരുന്നു.

കെഎസ് രവികുമാര്‍ ചിത്രം

പുരി ജഗന്നാഥ് സംവിധാനം ചെയ്ത പൈസ വസൂല്‍ എന്ന ചിത്രത്തിന് ശേഷം കെഎസ് രവികുമാര്‍ സംവിധാനം ചെയ്യുന്ന ചിത്രത്തിന്റെ സെറ്റിലായിരുന്നു സംഭവം നടന്നത്. ചിത്രത്തിന്റെ ചിത്രീകരണം പുരോഗമിക്കുകയാണ്. സെപ്തംബര്‍ ഒന്നിന് പൈസ വസൂല്‍ തിയറ്ററിലെത്തും.

എന്‍ടി രാമറാവുവിന്റെ രണ്ടാം തലമുറ

തെലുങ്ക് സൂപ്പര്‍ സ്റ്റാറും നിര്‍മ്മാതാവും രാഷ്ട്രീയ നേതാവുമായിരുന്ന എന്‍ടി രാമറാവുവിന്റെ ആറാമത്തെ പുത്രനാണ് നന്ദമൂരി ബാലകൃഷ്ണ. തെലുങ്ക് സൂപ്പര്‍ സ്റ്റാറും ജനത ഗാരേജിലൂടെ മലയാളികള്‍ക്ക് പ്രിയങ്കരനുമായി മാറിയ ജൂനിയര്‍ എന്‍ടിആറിന്റെ പിതൃസഹോദരനുമാണ് ബാലകൃഷ്ണ.