അതെ വേര്‍പിരിയാന്‍ തീരുമാനിച്ചു, കാരണം വേദനിപ്പിക്കുന്നതാണ്, വിവാഹമോചനത്തെ കുറിച്ച് നന്ദിത പറഞ്ഞത്!

അതെ വേര്‍പിരിയുന്നു

പുറത്ത് വന്ന റിപ്പോര്‍ട്ടുകളുടെ സത്യവസ്ഥ അറിയാനായി നന്ദിതയോട് ചോദിച്ചപ്പോഴും അതെ തന്നെയായിരുന്നു മറുപടി. അതെ ഞങ്ങള്‍ വേര്‍പിരിയാന്‍ തീരുമാനിച്ചു.

ഈ വേര്‍പിരിയല്‍

സൗഹാര്‍ദ്ദപരമായ വേര്‍പിരിയലാണ് ഇതെന്നും നടി പറഞ്ഞു. പക്ഷേ വിവാഹനോചനത്തിന്റെ കാരണം വേദനിപ്പിക്കുന്നതാണ് എന്നായിരുന്നു നടിയുടെ മറുപടി. എന്നാല്‍ വേര്‍പിരിയാനുള്ള കാരണം നന്ദിത തുറന്ന് പറഞ്ഞിട്ടില്ല.

സ്വകാര്യതയെ മാനിക്കണം

ആറു വയസുള്ള ഒരു മകനുണ്ട്. വിഹാന്‍. മകന്റെ കാര്യത്തില്‍ ഞങ്ങള്‍ രണ്ട് പേരും പ്രയോരിറ്റി കൊടുക്കുന്നുണ്ട്. അതുക്കൊണ്ട് തന്നെ ഞങ്ങളുടെ സ്വകാര്യതയെ മാനിക്കണം. ഇക്കാര്യത്തില്‍ മറ്റൊന്നും മറച്ച് വെച്ചിട്ടില്ലെന്നും മറ്റൊന്നും പറയാന്‍ താത്പര്യമില്ലെന്നും നടി പറഞ്ഞു.

അത്ര എളുപ്പമല്ല

മകന്‍ ഉള്ളതുക്കൊണ്ട് തന്നെ വിവാഹമോചനത്തെ കുറിച്ച് ചിന്തിക്കുക എന്നത് അത്ര എളുപ്പമായിരുന്നില്ല. എന്തായാലും ഇനിയും മകന്റെ കാര്യത്തില്‍ കൂടുതല്‍ ശ്രദ്ധിക്കുമെന്നും നന്ദിത പറഞ്ഞു.

രണ്ടാം വിവാഹം

നന്ദിതയുടെ രണ്ടാം വിവാഹമായിരുന്നു ഇത്. 2002ല്‍ നന്ദിത സെന്നിനെ വിവാഹം കഴിച്ചു. 2007ലാണ് ഇരുവരും വിവാഹമോചിതരായി. അതിന് ശേഷമാണ് 2010ലാണ് നന്ദിത ദാസും വ്യവസായിയായ സുബോധ് മസ്‌കാരയും വിവാഹിതരാകുന്നത്.

സിനിമയിലേക്ക്

1989ല്‍ പുറത്തിറങ്ങിയ പരിനധി എന്ന ചിത്രത്തിലൂടെയാണ് നന്ദിത ദാസ് സിനിമയില്‍ എത്തുന്നത്. ഫയര്‍, എര്‍ത്ത്, മിത്ര് മൈ ഫ്രണ്ട്, കന്നത്തില്‍ മുത്തമിട്ടാല്‍, അഴകി, ബിഫോര്‍ദി റെയിന്‍സ് തുടങ്ങിയവ നന്ദിതയുടെ കരിയറിലെ പ്രധാന ചിത്രങ്ങളാണ്.