വിവാദ സംഭാഷണം; മമ്മൂട്ടിയ്ക്ക് പിന്തുണയുമായി നേഹ സക്‌സന

നേഹ സക്‌സന കസബയിലൂടെ മലയാളത്തില്‍

ഹിന്ദി ടെലിവിഷന്‍ ചാനല്‍ രംഗത്ത് നിന്നാണ് നേഹ സക്‌സന അഭിനയ രംഗത്തെത്തുന്നത്. നേഹയുടെ ആദ്യ മലയാള സിനിമയാണ് മമ്മൂട്ടിയ്‌ക്കൊപ്പം അഭിനയിച്ച കസബ.

സ്ത്രീകളെ ബഹുമാനിക്കുകയും മനസ്സിലാക്കുകയും ചെയ്യുന്ന നടന്‍

സ്ത്രീകളെ ബഹുമാനിക്കുകയും മനസ്സിലാക്കുകയും ചെയ്യുന്ന നടനാണ് മമ്മൂട്ടിയെന്നും സിനിമയിലെ സംഭാഷണം കഥ ആവശ്യപ്പെട്ടത് കൊണ്ട് ഉപയോഗിച്ചതാണെന്നും നേഹ പറയുന്നു.

മമ്മൂട്ടി കഥാപാത്രത്തോട് നീതി പുലര്‍ത്തിയതാണ്

ചിത്രത്തല്‍ ഉപയോഗിച്ച സംഭാഷണങ്ങളെ കുറിച്ച് വിവാദങ്ങളുണ്ടാക്കുന്നത് വെറുതെയാണ്. വ്യഭിചാരത്തെ കുറിച്ചും മറ്റും പറയുന്ന സിനിമയാണ് കസബ. ചിത്രത്തില്‍ തിരക്കഥ ആവശ്യപ്പെട്ട സംഭാഷണങ്ങളാണ് മമ്മൂട്ടി ഉപയോഗിച്ചത്. ഒരു നടന്‍ എന്ന നിലയില്‍ ആ സംഭാഷണം പറയേണ്ടത് അദ്ദേഹത്തിന്റെ കടമയാണ്.

മമ്മൂട്ടിയില്‍ നിന്ന് കണ്ടു പഠിക്കേണ്ടത്

മമ്മൂട്ടി സെറ്റിലേക്ക് വരുമ്പോള്‍ എല്ലാവരും നിശബ്ദരാകും. അത്രയേറെ അച്ചടക്കമുള്ള നടനാണ് മമ്മൂട്ടി. അദ്ദേഹത്തിന്റെ അച്ചടക്കം മാത്രമല്ല, അഭിനയ രീതികളും പെരുമാറ്റവും കണ്ടു പഠിക്കണം. താന്‍ മാത്രമല്ല, തന്റെ കൂടെ അഭിനയിക്കുന്നുവരുടെ അഭിനയവും നന്നാക്കാന്‍ അദ്ദേഹം ശ്രദ്ധിക്കും - നേഹ പറഞ്ഞു

മമ്മൂട്ടി കഴിഞ്ഞു, ഇനി മോഹന്‍ലാല്‍

മമ്മൂട്ടിയ്‌ക്കൊപ്പം കസബ എന്ന ചിത്രത്തിലൂടെ മലയാളത്തിലെത്തിയ നേഹ ഇപ്പോള്‍ മോഹന്‍ലാലിന്റെ ചിത്രത്തിലാണ് അഭിനയിക്കുന്നത്. ജിബു ജേക്കബ് സംവിധാനം ചെയ്യുന്ന ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിച്ചുകൊണ്ട് നേഹ എത്തുന്നു.