മഞ്ജു വാര്യര്‍ സെക്കന്‍ഡ് മദറിനെപ്പോലെയാണ്, എല്ലാത്തിനും കൂടെ നില്‍ക്കുമെന്ന് നിരഞ്ജന അനൂപ്

മഞ്ജു വാര്യര്‍ കഥ കേട്ടത് വീട്ടില്‍ വെച്ച്

നിരഞ്ജനയുടെ കുടുംബവുമായി മഞ്ജു വാര്യര്‍ക്ക് പ്രത്യേക അടുപ്പമുണ്ട്. ചിത്രത്തിന്റെ കഥ പറയുന്നതിനായി രണ്ട് വര്‍ഷം മുന്‍പ് സംവിധായകനും അണിയറ പ്രവര്‍ത്തകരും വീട്ടില്‍ വന്ന കാര്യമൊക്കെ നിരഞ്ജനയ്ക്ക് ഓര്‍മ്മയുണ്ട്. മഞ്ജുവിനോട് കഥ പറയുന്നതിനിടയില്‍ ആരും തന്നെ മൈന്‍ഡ് ചെയ്തിരുന്നില്ലെന്ന് താരം ഓര്‍ക്കുന്നുണ്ട്.

പൊട്ടന് ലോട്ടറി അടിച്ച പോലെ

മലയാള സിനിമയിലെ മുന്‍നിര താരങ്ങള്‍ ഒരുമിച്ചഭിനയിച്ച ചിത്രത്തില്‍ അഭിനയിക്കാന്‍ കഴിഞ്ഞത് വലിയ ഭാഗ്യമായാണ് കാണുന്നത്. അവര്‍ക്കൊപ്പം അഭിനയിച്ച തന്നെക്കുറിച്ചും ആളുകള്‍ നല്ലത് പറഞ്ഞ് കേള്‍ക്കുമ്പോള്‍ തോന്നുന്ന ഫീല്‍ പറഞ്ഞറിയിക്കാന്‍ പറ്റില്ല. പൊട്ടന് ലോട്ടറി അടിച്ച ഫീലാണ്.

മഞ്ജുവാര്യരുമായുള്ള ബന്ധം

നിരഞ്ജനയുടെ അമ്മയുടെ അടുത്ത കൂട്ടുകാരിയാണ് മഞ്ജു വാര്യര്‍. എനിക്ക് സെക്കന്‍ഡ് മദര്‍ എന്നോ പാര്‍ട്ണര്‍ ഇന്‍ ക്രൈം എന്നൊക്കെയോ മേമയെ വിളിക്കാം. അത്രയ്ക്ക് അടുത്ത ബന്ധമാണ് മഞ്ജുവുമായുള്ളതെന്ന് നിരഞ്ജന പറഞ്ഞു.

അഭിനയത്തെക്കുറിച്ച് മഞ്ജു പറഞ്ഞത്

അടുത്ത ബന്ധമാണെങ്കിലും അഭിനയത്തെക്കുറിച്ച് കൂടുതല്‍ അഭിപ്രായമൊന്നും മേമ നടത്തിയിട്ടില്ല. അഭിനയം നന്നായിരുന്നുവെന്നും ക്യൂട്ടായിരുന്നുവെന്നും മാത്രമേ പറഞ്ഞുള്ളൂ.

ഞാനുമായി യാതൊരു ബന്ധവുമില്ല

തന്റെ ജീവിതവുമായി യാതൊരു ബന്ധവുമില്ല അരുന്ധതിയെന്ന കഥാപാത്രത്തിന്. ഒരു കാര്യത്തിന് വേണ്ടി പോരാടുന്ന വളരെ ബോള്‍ഡായിട്ടുള്ള കഥാപാത്രമാണത്. എല്ലാ കാര്യത്തിലും സ്വന്തമായി അഭിപ്രായമുണ്ടെങ്കിലും അത് തുറന്നു പറയാന്‍ ശ്രമിച്ചിട്ടില്ലെന്നും നിരഞ്ജന പറഞ്ഞു.