ഓണം നിവിന്‍ കൊണ്ടു പോയോ? ഞണ്ടുകളുടെ നാട്ടില്‍ ബോക്‌സ് ഓഫീസ് തുറന്നതിങ്ങനെ...

മികച്ച തുടക്കം

മമ്മൂട്ടി, പൃഥ്വിരാജ് ചിത്രങ്ങള്‍ക്കൊപ്പം തിയറ്ററിലെത്തിയ ഞണ്ടുകളുടെ നാട്ടില്‍ ഒരിടവേളയ്ക്ക് മികച്ച തുടക്കമാണ് കേരളത്തിലെ ബോക്‌സ് ഓഫീസില്‍ നിന്നും ലഭിച്ചത്. ആദ്യ ദിനം 1.58 കോടിയാണ് ചിത്രം കളക്ട് ചെയ്ത്.

500ല്‍ അധികം പ്രദര്‍ശനങ്ങള്‍

വലിയ ആരവങ്ങളില്ലാതെ എത്തിയ ഫീല്‍ ഗുഡ് മൂവി ചിത്രത്തിന് ആദ്യ ദിനം അഞ്ഞൂറില്‍ അധികം പ്രദര്‍ശനങ്ങളാണ് ഉണ്ടായിരുന്നത്. ചിത്രത്തിന് 82 ശതമാനം പ്രേക്ഷകര്‍ ഓരോ പ്രദര്‍ശനത്തിനും ഉണ്ടായിരുന്നു എന്നാണ് കണക്കാക്കുന്നത്.

നിര്‍മാതാവായി നിവിന്‍ പോളി

ആക്ഷന്‍ ഹീറോ ബിജു എന്ന ചിത്രത്തിന് ശേഷം നിവിന്‍ പോളി നിര്‍മാതാവാകുന്ന ചിത്രമാണ് ഞണ്ടുകളുടെ നാട്ടില്‍ ഒരിടവേള. പോളി ജൂനിയറിന്റെ ബാനറിലാണ് ചിത്രം നിര്‍മിച്ചത്. ആദ്യ ചിത്രത്തില്‍ എബ്രിഡ് ഷൈനും നിര്‍മാതാവായി ഉണ്ടായിരുന്നു.

അല്‍ത്താഫ് സലിം

കൂട്ടുകാരുടെ ചിത്രം എന്ന വിശേഷണം യോചിക്കുന്ന ചിത്രമാണ് ഞണ്ടുകളുടെ നാട്ടില്‍ ഒരിടവേള. പ്രേമം ചിത്രത്തില്‍ അഭിനേതാവായി എത്തിയ അല്‍ത്താഫ് സലിം ആണ് ചിത്രം സംവിധാനം ചെയ്തിരിക്കുന്നത്. പ്രേമം കൂട്ടായ്മ ഒരിക്കലൂടെ ഒത്തു ചേരുകയായിരുന്നു ചിത്രത്തിലൂടെ.

ഐശ്വര്യ ലക്ഷ്മി

മോഡലിംഗ് രംഗത്ത് നിന്ന് സിനിമയിലെത്തിയ ഐശ്വര്യ ലക്ഷ്മിയാണ് ചിത്രത്തില്‍ നിവിന്റെ നായികയായി എത്തുന്നത്. ശ്രന്റ അര്‍ഹാനും, അഹാന കൃഷ്ണകുമാറും ചിത്രത്തില്‍ നിവിന്‍ പോളിയുടെ സഹോദരിമാരായി അഭിനയിക്കുന്നു.

ശാന്തി കൃഷ്ണ വീണ്ടും

മലയാള സിനിമയില്‍ തിളങ്ങി നിന്ന നായികമാരില്‍ ഒരാളായ ശാന്തി കൃഷ്ണ അഭിനയ രംഗത്തേക്ക് മടങ്ങി വന്ന ചിത്രമാണ് ഞണ്ടുകളുടെ നാട്ടില്‍ ഒരിടവേള. നിവിന്‍ പോളിയുടെ അമ്മയുടെ വേഷമായിരുന്നു ശാന്തി കൃഷ്ണയ്ക്ക്. നിവിന്റെ അച്ഛനായി ലാലും ചിത്രത്തില്‍ വേഷമിട്ടു.

സഖാവിന് പിന്നാലെ

ഈ വര്‍ഷം തിയറ്ററിലെത്തുന്ന രണ്ടാമത്തെ നിവിന്‍ പോളി ചിത്രമാണ് ഞണ്ടുകളുടെ നാട്ടില്‍ ഒരടവേള. വിഷു ചിത്രമായി എത്തിയ സഖാവായിരുന്നു ആദ്യ ചിത്രം. ബോക്‌സ് ഓഫീസില്‍ വലിയ ചലനം സൃഷ്ടിക്കാന്‍ ചിത്രത്തിന് സാധിച്ചില്ല.