ഫഹദാണ് താരം! ബോക്സോഫീസില്‍ നിന്നും കോടികള്‍ വാരി പ്രകാശന്‍ കുതിക്കുന്നു! ലേറ്റസ്റ്റ് കലക്ഷന്‍ ഇങ്ങനെ

ഒരു കോടി നേട്ടത്തിലേക്ക്

വിഎ ശ്രീകുമാര്‍ മേനോന്‍ മോഹന്‍ലാല്‍ കൂട്ടുകെട്ടില്‍ പുറത്തിറങ്ങിയ സിനിമയാണ് ഒടിയന്‍. ഒടിവിദ്യയുടെ പശ്ചാത്തലത്തിലൊരുക്കിയ സിനിമയ്ക്ക് വ്യത്യസ്തമായ പ്രതികരണങ്ങളായിരുന്നു ലഭിച്ചിരുന്നത്. തുടക്കത്തിലെ കുപ്രചാരണങ്ങളെയെല്ലാം അസ്ഥാനത്താക്കി സിനിമ മുന്നേറുകയാണിപ്പോള്‍. റിലീസ് ചെയ്ത് 12 ദിവസം പിന്നിടുന്നതിനിടയില്‍ കൊച്ചി മള്‍ട്ടിപ്ലക്‌സില്‍ നിന്നും 90. 84 ലക്ഷമാണ് സിനിമ നേടിയതെന്നുള്ള റിപ്പോര്‍ട്ടാണ് പുറത്തുവന്നിട്ടുള്ളത്. ഫോറം കേരളയാണ് കലക്ഷന്‍ റിപ്പോര്‍്ട്ട് പുറത്തുവിട്ടത്. കുടുംബ പ്രേക്ഷകരാണ് സിനിമയെ ഏറ്റെടുത്തിട്ടുള്ളത്.

ടൊവിനോയുടെ സിനിമ

യുവതാരനിരയില്‍ ശ്രദ്ധേയനായ ടൊവിനോ തോമസിന് മികച്ച സ്വീകാര്യതയും ശക്തമായ പിന്തുണയുമാണ് ലഭിച്ചുകൊണ്ടിരിക്കുന്നത്. ഉര്‍വശിയും ടൊവിനോയും മുഖ്യ കഥാപാത്രങ്ങളായെത്തിയ സിനിമയാണ് എന്റെ ഉമ്മാന്റെ പേര്. ജോസ് സെബാസ്റ്റിയന്‍ സംവിധാനം ചെയ്ത സിനിമയെ ടൊവിനോയുടെ ആരാധകര്‍ ഇരുകൈയ്യും നീട്ടി സ്വീകരിച്ചിരിക്കുകയാണ്. റിലീസ് ചെയ്ത് 5 ദിനം പിന്നിടുന്നതിനിടയില്‍ കൊച്ചി മള്‍ട്ടിപ്ലക്‌സില്‍ നിന്നും 10.35 ലക്ഷമാണ് ചിത്രം സ്വന്തമാക്കിയത്.

പിആര്‍ ആകാശാണ് താരം

ഒരുകാലത്ത് അഭിനയിക്കാനറിയില്ലെന്ന് പറഞ്ഞ് വിമര്‍ശകര്‍ തുരത്തിയ താരപുത്രന്‍ ഫഹദ് ഫാസില്‍ തൊട്ടതെല്ലാം പൊന്നാക്കി മുന്നേറുന്ന കാഴ്ചയാണ് ഇപ്പോഴത്തേത്. കുടുംപ പ്രേക്ഷകരുടെ എക്കാലത്തെയും മികച്ച കൂട്ടുകെട്ടായ സത്യന്‍ അന്തിക്കാട്- ശ്രീനിവാസന്‍ സംഘം ഇത്തവണ ഫഹദിന് വേണ്ടിയാണ് ഒരുമിച്ചത്. ആദ്യ ദിനം മുതലേ തന്നെ മികച്ച പ്രതികരണമായിരുന്നു സിനിമയ്ക്ക് ലഭിച്ചത്. നിറഞ്ഞ സദസ്സുകളില്‍ പ്രദര്‍ശനം തുടരുന്ന ചിത്രം കലക്ഷനിലും ബഹുദൂരം മുന്നിലാണ്. 5 ദിവസം കൊണ്ട് സിനിമയ്ക്ക് കൊച്ചി മള്‍ട്ടിപ്ലക്‌സില്‍ നിന്നും 33.2 ലക്ഷമാണ് ലഭിച്ചതെന്നാണ് ഫോറം കേരളയുടെ റിപ്പോര്‍ട്ടില്‍ പറയുന്നത്.

തട്ടുംപുറത്ത് അച്യുതന്റെ പ്രകടനം

കുഞ്ചാക്കോ ബോബനും ലാല്‍ ജോസും വീണ്ടും ഒരുമിച്ചെത്തിയിരിക്കുകയാണ് തട്ടുംപുറത്ത് അച്യുതനിലൂടെ. പുതുമുഖമായ ശ്രവണയാണ് ചിത്രത്തില്‍ നായികയായി എത്തിയത്. 3 ദിവസം കൊണ്ട് 5.48 ലക്ഷമാണ് സിനിമയ്ക്ക് കൊച്ചി മള്‍ട്ടിപ്ലക്‌സില്‍ നിന്നും ലഭിച്ചത്. നായികനായകനിലെ താരങ്ങളും സിനിമയ്ക്കായി അണിനിരന്നിരുന്നു.

പ്രേതം രണ്ടുമായി ജയസൂര്യ

ജയസൂര്യയുടെ കരിയറിലെ മികച്ച സിനിമകളിലൊന്നായിരുന്നു പ്രേതം. ലുക്കിലായാലും അഭിനയത്തിലായാലും താരം ഞെട്ടിച്ചിരുന്നു. നാളുകള്‍ക്ക് ശേഷം സിനിമയുടെ രണ്ടാം ഭാഗവുമായി എത്തിയിരിക്കുകയാണ് താരം. 16.43 ലക്ഷമാണ് ചിത്രത്തിന് കൊച്ചി മള്‍ട്ടിപ്ലക്‌സില്‍ നിന്നും ലഭിച്ചത്. നാല് ദിവസത്തെ കലക്ഷനാണിത്.

ബോക്‌സോഫീസിലെ താരം

സംശയിക്കേണ്ട ഇത്തവണത്തെ താരം ഫഹദ് ഫാസിലാണ്. പ്രകാശനായി താരം ശരിക്കും ജീവിക്കുകയായിരുന്നുവെന്നാണ് സിനിമാപ്രേമികള്‍ പറയുന്നത്. സത്യന്‍ അന്തിക്കാടിന്റെ സംവിധാനവും ശ്രീനിവാസന്റെ തിരക്കഥയും കൂടിയപ്പോള്‍ ഇത്തവണ ബോക്‌സോഫീസ് തന്നിലേക്ക് വലിച്ചടുപ്പിച്ചിരിക്കുകയാണ് ഫഹദ് ഫാസില്‍.