ജന്മത്ത് ബൈക്ക് വാങ്ങിച്ചു തരില്ല, കാശുണ്ടെങ്കില്‍ കാറു വാങ്ങിച്ചു തരാമെന്ന് ഡിക്യവിനോട് മമ്മൂട്ടി

ബൈക്കിന്റെ കാര്യം പറഞ്ഞ് വന്നേക്കരുത്

അഞ്ചെട്ട് വയസ്സുള്ളപ്പോള്‍ തന്നെ വാപ്പച്ചി പറഞ്ഞിരുന്നു. നീ വലുതാകുമ്പോള്‍ എന്റടുത്ത് ബൈക്കിന്റെ കാര്യം പറഞ്ഞ് വന്നേക്കരുതെന്ന്. കാശുണ്ടെങ്കില്‍ ഒരു കാര്‍ മേടിച്ചു തരാം. ബൈക്ക് ഈ ജന്‍മത്ത് മേടിച്ചു തരില്ല അതിനെക്കുറിച്ച് നീ ചിന്തിക്കുക പോലും വേണ്ടെന്ന് വാപ്പച്ചി പറയുമായിരുന്നെന്ന് ദുല്‍ക്കര്‍ പറഞ്ഞു.

ബൈക്കിനെക്കുറിച്ച് ചോദിക്കുമ്പോഴേ ടെന്‍ഷന്‍ ആവും

ബൈക്കിനെക്കുറിച്ച് ചോദിക്കുമ്പോഴേ ടെന്‍ഷന്‍ തുടങ്ങും നിനക്കെന്തിനാ ബൈക്ക് എന്നും ചോദിക്കും. എന്തുകൊണ്ടാണെന്ന് അറിയില്ല. എനിക്കാണേല്‍ കൂടുതല്‍ കാശൊന്നും തരാറുമില്ല. അതുകൊണ്ട് നോ ബൈക്ക്. അതായിരുന്നു അവസ്ഥയെന്ന് ഡിക്യു പറഞ്ഞു. വളരെ കൂളായാണ് പഴയ അനുഭവങ്ങള്‍ താരം ഓര്‍ത്തെടുത്തത്.

ജോമോന്റെ അച്ഛനും ഇതേ പോലെയാണ്

ബൈക്ക് മേടിച്ചുകൊടുക്കാന്‍ ജോമോന്റെ പിതാവായ വിന്‍സെന്റിനും താല്‍പര്യം ഇല്ലായിരുന്നു. എന്തെങ്കിലും അപകടം സംഭവിക്കുമോ എന്ന ടെന്‍ഷനായിരുന്നു ഇതിന്റെ കാരണം. എന്നാല്‍ നിര്‍ബന്ധം സഹിക്കവയ്യാതെ ജോമോന് ബൈക്ക് വാങ്ങിക്കൊടുക്കാന്‍ പിതാവ് തീരുമാനിച്ചു.

ബൈക്കിന്റെ ബില്ല് കണ്ട് പകച്ചുപോയ അച്ഛന്‍

ബൈക്കിന്റെ വിലയെക്കുറിച്ച് വിന്‍സെന്റിന് അധികമൊന്നും ധാരണയില്ലായിരുന്നു. കൂടിപ്പോയാല്‍ അമ്പതിനായിരം രൂപയാകുമെന്നായിരുന്നു അയാള്‍ കരുതിയത്. എന്നാല്‍ 18 ലക്ഷം രൂപയുടെ ബില്ലാണ് അയാള്‍ക്ക് ലഭിച്ചത്. ഒരു ബൈക്കിന് 18 ലക്ഷം രൂപയോ എന്ന ചോദ്യം ഒന്നു കേള്‍ക്കേണ്ടത് തന്നെയാണ്.

ചില കാര്യങ്ങളില്‍ വാപ്പച്ചിയും വിന്‍സെന്റിനെപ്പോലെയാണ്

സത്യന്‍ അന്തിക്കാട് ദുല്‍ഖര്‍ കൂട്ടുകെട്ടില്‍ പുറത്തിറങ്ങിയ ജോമോന്റെ സുവിശേഷങ്ങളിലെ വിന്‍സെന്റുമായി ചില സാമ്യം തന്റെ വാപ്പച്ചിക്കുണ്ടെന്ന് ദുല്‍ഖര്‍. മുകേഷാണ് ചിത്രത്തില്‍ ദുല്‍ഖറിന്റെ അച്ഛനായി വേഷമിട്ടത്.