Click it and Unblock the Notifications
പഴയകാല 'ഒറീസ'യില് സാനിക നന്പ്യാര്
ചിത്രീകരണം ആരംഭിച്ചിട്ടില്ലെങ്കിലും മറ്റ് ജോലികള് പൂര്ത്തിയായി കഴിഞ്ഞു.ജനുവരി 12ന് ചിത്രീകരണം ആരംഭിയ്ക്കാനാണ് ഇപ്പോല് ഉദ്ദേശിയ്ക്കുന്നത്.
ഉണ്ണി മുകുന്ദനായിരിയ്ക്കും നായകന്. 25 വര്ഷങ്ങള്ക്ക് മുമ്പ് ഗ്രാമീണ ഒറീസയില് നടക്കുന്ന കഥയാണ് പത്മകുമാര് ചിത്രീകരിയ്ക്കുന്നത്. ഗ്രാമത്തിലെ ഒരു ജമീന്ദാര് കുടുംബത്തെ ചുറ്റിപറ്റിയുള്ള കഥയാണ് ഇത്. സാനിക മുമ്പ് ചില മലയാള ചിത്രങ്ങളില് ബാല താരമായി എത്തിയിട്ടുണ്ട്. മോഹന് ലാല് നായകനായ ഒളിന്പ്യന് അന്തോണി ആദത്തില് നാസറിന്റെ മകളായി അഭിനയിച്ചത് സാനികയായിരുന്നു.
ബംഗാളി സിനിമകളിലെ പ്രധാന നടനായ നീഗല് അക്കാരയാണ് ഈ ചിത്രത്തില് ജമീന്ദാറുടെ വേഷം അഭിനയിയ്ക്കുന്നത്. കുറ്റവാളിയായി ജയിലില് കഴിഞ്ഞിരുന്ന നീഗല് പുറത്ത് വന്ന ശേഷമാണ് അഭിനയം തുടങ്ങിയത്. മറുഭാഷ ചിത്രത്തില് അഭിനയിയ്ക്കന്നതിലുള്ള സന്തോഷം നീഗല് പങ്ക് വയ്ക്കുന്നു. ബംഗാളികള്ക്ക് തന്റെ ചിത്രം കാണുന്നതിനേക്കാള് ഇഷ്ടം തന്റെ പഴയകാല ജീവിതത്തിന്റെ വിവരം അന്വേഷിയ്ക്കുന്നതിലാണ്. മറ്റൊരു ഭാഷയിലാവുമ്പോള് അത് ഉണ്ടാവില്ലല്ലോ എന്ന ആശ്വാസത്തിലാണ് നടന്. മലയാള സിനിമയിലെ വില്ലന് വേഷങ്ങളിലേയ്ക്ക് ഈയാളുടെ ഒരു ചേക്കേറല് ഉണ്ടായാലും അതിശയിയ്ക്കാനില്ല.
Continue with Google