ഹോം

വാർത്ത

.

മമ്മൂട്ടിയുടെ നായികയായാണ് നൈല ഉഷ എന്ന നടി വെള്ളിത്തിരയിലെത്തിയത്. കുഞ്ഞനന്തന്റെ കട ക്ലിക്കായതോടെ നൈലയ്ക്ക് മലയാളത്തില്‍ തിരക്കേറുകയും ചെയ്തു. രസം എ്‌ന ചിത്രത്തിലൂടെ ഇപ്പോള്‍ മോഹന്‍ലാലിനൊപ്പം അഭിനിച്ചുകൊണ്ടിരിക്കുകയാണ് നൈല. നൈലയ്ക്ക് ശേഷം മമ്മൂട്ടിയുടെ നായികയായി മലയാളത്തില്‍ അരങ്ങേറ്റം കുറിച്ച മറ്റൊരു നടികൂടെ മോഹന്‍ലാലിനൊപ്പം ചേരുന്നു.

വികെ പ്രകാശ് മമ്മൂട്ടി കൂട്ടുകെട്ടില്‍ പിറന്ന സയലന്റ്‌സ് എന്ന ചിത്രത്തിലൂടെ മലയാളക്കരയില്‍ എത്തിയ പല്ലവി ചന്ദ്രയാണ് മോഹന്‍ലാലിന്റെ നായികയായി വീണ്ടും മലയാളത്തിലേയ്ക്ക് എത്തുന്നത്. ബി ഉണ്ണികൃഷ്ണന്‍ സംവിധാനം ചെയ്യുന്ന മിസ്റ്റര്‍ ഫ്രോഡ് എന്ന ചിത്രമാണ് പല്ലവിയുടെ രണ്ടാം വരവിന് വഴിയൊരുക്കുന്നത്. ബെയ്‌സിക്കലി താനൊരു മലയാളിയാണെന്നും മലയാള സിനിമകളില്‍ അഭിനയിക്കാന്‍ അവസരം ലഭിക്കുന്നതില്‍ സന്തോഷമുണ്ടെന്നും പല്ലവി പറയുന്നു.

മാടമ്പി, ഗ്രാന്റ് മാസ്റ്റര്‍ എന്നീ വ്യത്യസ്തമായ രണ്ട് ചിത്രങ്ങള്‍ മോഹന്‍ലാലിനെ വച്ച് ചെയ്ത ഉണ്ണികൃഷ്ണന്റെ ആദ്യ മസാല ചിത്രമായിരിക്കും മിസ്റ്റര്‍ ഫ്രോഡെന്നാണ് സൂചന. ബന്ധങ്ങളുടെ കഥയ്‌ക്കൊപ്പം ആക്ഷനും കൂടി പ്രാധാന്യം നല്‍കുന്ന ചിത്രമാണിത്. ചിത്രത്തില്‍ മിയ ജോര്‍ജ്ജ്, സായ് കുമാര്‍, സിദ്ദിഖ്, വിജയകുമാര്‍, വിജയ് ബാബു, അര്‍ജുന്‍, അശ്വിന്‍, ശ്രീരാമന്‍, ദേവന്‍, സത്താര്‍ തുടങ്ങിയ ഒരു വലിയ താരനിര തന്നെയുണ്ട്. എവിഎ പ്രൊഡക്ഷന്‍സിന്റെ ബാനറില്‍ എവി അനൂപാണ് ചിത്രം നിര്‍മ്മിക്കുന്നത്.

മമ്മൂട്ടി നായകനായ സയലന്റ്‌സില്‍ പല്ലവിയ്ക്ക് ലഭിച്ചത് മികച്ച ഒരു വേഷമായിരുന്നെങ്കിലും ചിത്രം വേണ്ടവിധത്തില്‍ ശ്രദ്ധിക്കപ്പെട്ടിരുന്നില്ല. കളേഴ്‌സ് ചാലിലെ മധുബാല എന്ന സീരിയലിലൂടെ സുപരിചിതയായ പല്ലവി ജനിച്ചതും വളര്‍ന്നതും മുംബൈയിലാണെങ്കിലും കുടുംബപരമായി മലയാളിയാണ്