കാര്‍ക്കശ്യക്കാരനായ കോളേജ് പ്രൊഫസറോടൊപ്പം മൂന്ന് നായികമാര്‍, മമ്മൂട്ടി ചിത്രത്തിലെ നായികമാര്‍ !!

മമ്മൂട്ടിക്കൊപ്പം നായികമാരായി എത്തുന്നത്

മഹിമ നമ്പ്യാര്‍, പൂജം ബജ്വ, വരലക്ഷ്മി ശരത് കുമാര്‍ എന്നിവരാണ് ചിത്രത്തില്‍ നായികമാരായി എത്തുന്നത്. പേര് നിശ്ചയിച്ചിട്ടില്ലാത്ത ചിത്രത്തിന്റെ ഷൂട്ടിങ്ങ് തിങ്കളാഴ്ച ആരംഭിച്ചു.

കോളേജ് പ്രൊഫസറായി മമ്മൂട്ടി

മൂക്കിന്‍തുമ്പത്ത് ദേഷ്യമുള്ള പ്രൊഫസറായാണ് മമ്മൂട്ടി ചിത്രത്തില്‍ പ്രത്യക്ഷപ്പെടുന്നത്. ഉണ്ണി മുകുന്ദനും ചിത്രത്തില്‍ പ്രധാന വേഷത്തിലെത്തുന്നുണ്ട്. കൊല്ലം ഫാത്തിമ മാതാ കോളേജാണ് ചിത്രത്തിന്റെ പ്രധാന ലൊക്കേഷന്‍.

മമ്മൂട്ടിക്കൊപ്പം ഉണ്ണി മുകുന്ദന്‍ വീണ്ടുമെത്തുന്നു

ഉണ്ണി മുകുന്ദനും മമ്മൂട്ടിയും ഒരുമിക്കുന്ന മൂന്നാമത്തെ ചിത്രമാണിത്. ക്യാംപസ് പശ്ചാത്തലത്തിലൊരുങ്ങുന്ന ചിത്രത്തെക്കുറിച്ച് ഏറെ പ്രതീക്ഷയോടെയാണ് ആരാധകര്‍ കാത്തിരിക്കുന്നത്.

മാസ് എന്‍റര്‍ടെയിനര്‍

മാസ് ത്രില്ലറായ ചിത്രത്തിന്റെ പശ്ചാത്തലം ഗവണ്‍മെന്റ് കോളേജാണ്. വളരെ കാര്‍ക്കശ്യനായ യാതൊരുവിധ വിട്ടു വീഴ്ചയ്ക്കും തയ്യാറാകാത്ത കാര്‍ക്കശ്യക്കാരനായ അധ്യാപകനായാണ് മമ്മൂട്ടി ചിത്രത്തില്‍ വേഷമിടുന്നത്. ലുക്കിലും ഭാവത്തിലുമടക്കം റഫ് ആന്‍ഡ് ടഫായ പ്രൊഫസറായാണ് മെഗാസ്റ്റാര്‍ എത്തുന്നത്.