യഥാര്‍ത്ഥ ജീവിതത്തിലെ ചാര്‍ലി ദുല്‍ഖറല്ല പ്രണവ്, താരപുത്രന്മാര്‍ തമ്മിലുള്ള സാമ്യത്തെ കുറിച്ച്

റിയല്‍ ലൈഫ് ചാര്‍ലി

പ്രണവിനൊപ്പമുള്ള ഷൂട്ടിങ് അനുഭവം തമാശ നിറഞ്ഞതാണെന്ന് സിജോയ് പറയുന്നു. മാര്‍ട്ടിന്‍ പ്രക്കാട്ട് സംവിധാനം ചെയ്ത ചാര്‍ലി എന്ന ചിത്രത്തിലെ യഥാര്‍ത്ഥ ചാര്‍ലിയെ തനിക്ക് പ്രണവില്‍ കാണാന്‍ കഴിഞ്ഞു എന്നും നടന്‍ പറഞ്ഞു.

യാത്രകളോടുള്ള പ്രിയം

യാത്രകളോടും പുസ്തകത്തോടും സംഗീതത്തോടുമുള്ള പ്രണവിന്റെ താത്പര്യവും എന്നെ അതിശയിപ്പിച്ചു. ഈ വിഷയങ്ങളെ കുറിച്ച് ഞങ്ങള്‍ സംസാരിക്കുകയും ചെയ്തിരുന്നു.

സിംപ്ലിസിറ്റ്

പ്രണവിന്റെ സിംപ്ലിസിറ്റിയാണ് മറ്റൊരു ആകര്‍ഷണം. സെറ്റിലുള്ള അദ്ദേഹത്തിന്റെ പെരുമാറ്റം അത്രയേറെ വിനയത്തോടെയാണ്. അതാണ് അദ്ദേഹത്തിന്റെ വ്യക്തിത്വവും.

ദുല്‍ഖറിനെ പോലെ പ്രണവും

ബാംഗ്ലൂര്‍ ഡെയ്‌സ് എന്ന ചിത്രത്തില്‍ ഡ്യൂപ്പില്ലാതെ ദുല്‍ഖര്‍ ബൈക്ക് റൈഡ് നടത്തുന്ന രംഗങ്ങള്‍ എന്നെ അതിശയിപ്പിച്ചിരുന്നു. അതുപോലെ ആദിയിലും പ്രണവ് സ്റ്റണ്ട് രംഗങ്ങള്‍ ചെയ്തത് ഡ്യൂപ്പില്ലാതെയാണ്.

മമ്മൂട്ടിയ്‌കൊപ്പം

പരോള്‍ എന്ന ചിത്രത്തില്‍ മമ്മൂട്ടിയ്‌ക്കൊപ്പം അഭിനയിക്കുന്ന സന്തോഷവും സിജോയ് വര്‍ഗ്ഗീസ് പങ്കുവച്ചു. ചിത്രത്തില്‍ മെഗാസ്റ്റാറിന്റെ അളിയനായിട്ടാണ് എത്തുന്നതത്രെ.

നാല് ഭാഷകളിലും

മലയാളത്തിന് പുറമെ തമിഴിലും ഹിന്ദിയിലും ഇതിനോടകം സിജോയ് സാന്നിധ്യം അറിയിച്ചു. ഇനി ലക്ഷ്യം തെലുങ്കാണ്. ഒരു തെലുങ്ക് ചിത്രം കരാറ് ചെയ്തിട്ടുണ്ടെന്നും വലിയ പ്രതീക്ഷയോടെയാണ് കാണുന്നത് എന്നും സിജോയ് പറഞ്ഞു.