നിവിന്‍ പോളി ചിത്രത്തിന്റെ ഷൂട്ടിങ്ങിനിടയില്‍ നെഞ്ചുവേദന, പ്രതാപ് പോത്തന്‍ ആശുപത്രിയില്‍ !!

പ്രതാപ് പോത്തന്‍ ആശുപത്രിയില്‍

ശ്യാമപ്രസാദ് ചിത്രമായ ഹേയ് ജൂഡില്‍ അഭിനയിക്കുന്നതിനിടയില്‍ നെഞ്ചുവേദന അനുഭവപ്പെട്ടതിനെത്തുടര്‍ന്നാണ് പ്രതാപ് പോത്തനെ ആശുപത്രിയിലേക്ക് മാറ്റിയത്. ചെന്നൈയിലെ എസ്ആര്‍എം ആശുപത്രിയിലെ തീവ്രപരിചരണ വിഭാഗത്തില്‍ കഴിയുകയാണ് അദ്ദേഹം.

പേടിക്കേണ്ടതില്ലെന്ന് ഡോക്ടര്‍മാര്‍

ആശുപത്രിയില്‍ കഴിയുന്ന പ്രതാപ് പോത്തന്റെ ആരോഗ്യനിലയില്‍ പേടിക്കാനൊന്നുമില്ലെന്ന് ഡോക്ടര്‍മാര്‍ അറിയിച്ചു. ശനിയാഴ്ചയാണ് അദ്ദേഹത്തെ ആശുപത്രിയിലേക്ക് മാറ്റിയത്.

നിവിന്‍ പോളി ചിത്രത്തിന്‍റെ ഷൂട്ടിങ്ങിനിടയില്‍

ശ്യാമപ്രസാദ് സംവിധാനം ചെയ്യുന്ന പുതിയ ചിത്രമായ ഹേയ് ജൂഡിന്‍റെ ഷൂട്ടിങ്ങിനിടയിലാണ് പ്രതാപ് പോത്തന് നെഞ്ചു വേദന അനുഭവപ്പെട്ടത്. തെന്നിന്ത്യന്‍ താരസുന്ദരി ത്രിഷ ആദ്യമായി അഭിനയിക്കുന്ന മലയാള ചിത്രം കൂടിയാണിത്.

ഇടവേളയ്ക്ക ശേഷം തിരിച്ചെത്തി

നീണ്ട ഇടവേളയ്ക്ക് ശേഷം ആഷിക് അബു ചിത്രമായ 22ഫീമെയില്‍ കോട്ടയത്തിലൂടെയാണ് പ്രതാപ് പോത്തന്‍ മലയാള സിനിമയിലേക്ക് തിരിച്ചു വന്നത്. മലയാളത്തിനു പുറമേ തമിഴ്, തെലുങ്ക് ഭാഷകളിലും കഴിവു തെളിയിച്ച താരമാണ് പ്രതാപ് പോത്തന്‍.

ഒന്നിനൊന്ന് വ്യത്യസ്തമായ കഥാപാത്രങ്ങള്‍

1978 ല്‍ ആരവത്തിലൂടെയാണ് പ്രതാപ് പോത്തന്‍ സിനിമയിലേക്ക് കടന്നുവന്നത്. തകര, ചാമരം, ലോറി, പപ്പു തുടങ്ങിയ ചിത്രങ്ങളിലാണ് പിന്നീട് അദ്ദേഹത്തെ കണ്ടത്. തുടക്കത്തില്‍ തന്നെ ഒന്നിനൊന്ന് മികച്ച കഥാപാത്രങ്ങളായിരുന്നു അദ്ദേഹത്തെ തേടിയെത്തിയത്.

സംവിധാനത്തിലും കഴിവു തെളിയിച്ചു

അഭിനയത്തില്‍ മാത്രമല്ല സംവിധാനത്തിലും കഴിവു തെളിയിച്ചിട്ടുണ്ട് പ്രതാപ് പോത്തന്‍. മീണ്ട്രും ഒരി കാതല്‍ കഥൈ എന്ന സിനിമയിലൂടെയാണ് പ്രതാപ് പോത്തന്‍ സംവിധായകനായത്. 12 ഓളം ചിത്രങ്ങള്‍ അദ്ദേഹത്തിന്റെ സംവിധാനത്തില്‍ പുറത്തുവന്നിട്ടുണ്ട്.