Don't Miss!
- News വി മുരളീധരന് കെട്ടിവെയ്ക്കാനുള്ള പണം നല്കിയത് യുക്രൈനില് നിന്നും മടങ്ങിയെത്തിയ വിദ്യാർത്ഥികൾ
- Lifestyle അധികം മിനക്കെടാതെ ഹോട്ടല് സ്റ്റൈല് മഷ്റൂം പെപ്പര് ഫ്രൈ
- Automobiles പാവങ്ങളുടെ ലംബോർഗിനി ആവാനുള്ള യുദ്ധം ടാറ്റയും സിട്രണും തമ്മിൽ; ഇതിൽ മിടുക്കൻ ആരെന്ന് അറിയാം
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ഗര്ഭിണിയാവുകയെന്നത് തീര്ത്തും വ്യത്യസ്തം: സനുഷ
ഗര്ഭിണിയായ കഥാപാത്രത്തെ അവതരിപ്പിക്കുകയും പ്രസവരംഗം അഭിനയിക്കുകയും ചെയ്യുമ്പോള് എന്തായിരിക്കും നടിമാരുടെ മനസില് ഉണ്ടാവുക. അവര് മാതൃത്വമെന്ന വികാരത്തെ തിരിച്ചറിയുന്നുണ്ടാകുമോ? അതോ വെറുതെ ഗര്ഭകാലവും പ്രസവവുമെല്ലാം അഭിനയിച്ചുതീര്ക്കുകയായിരിക്കുമോ? പുതിയ ചിത്രമായ സക്കറിയയുടെ ഗര്ഭിണികള് എന്ന ചിത്രത്തില് ഗര്ഭിണിയെ അവതരിപ്പിക്കുകയും പ്രസവരംഗത്ത് അഭിനയിക്കുകയും ചെയ്ത സനുഷ പറയുന്നത് ഗര്ഭിണിയാവുകയെന്നത് തീര്ത്തും വ്യത്യസ്തമായ അനുഭവമാണെന്നാണ്.
ചിത്രത്തില് പ്ലസ് ടുവില് പഠിയ്ക്കുന്ന കാലത്ത് ഗര്ഭിണിയാകുന്ന ഒരു കഥാപാത്രത്തെയാണ് സനുഷ അവതരിപ്പിക്കുന്നത്. ഈ അനുഭവം വളരെ വ്യത്യസ്തമായിരുന്നുവെന്നാണ് സനുഷ പറയുന്നത്.
ഗര്ഭിണിയായുള്ള അഭിനയം ഞാന് നന്നായി ആസ്വദിച്ചു. എനിയ്ക്ക് ആ വേഷം ചെയ്യുന്നതില് വിഷമമില്ലായിരുന്നു. പക്ഷേ എന്റെ അമ്മ എന്റെ ഗര്ഭിണിവേഷത്തെക്കുറിച്ചോര്ത്ത് ആകെ വിഷമത്തിലായിരുന്നു. ഈ റോള് ചെയ്തതോടെ എനിയ്ക്ക് എല്ലാ അമ്മമാരോടുമുള്ള ബഹുമാനവും സ്നേഹവും വര്ധിച്ചു. വളരെ വിഷമം പിടിച്ചതും അതേസമയം മനോഹരവുമായി ഒരു കാലം തന്നെയാണത്. അമ്മയാവുകയെന്ന ഫീലും മനോഹരമാണ്-സനുഷ പറയുന്നു.
അനീഷ് അന്വര് സംവിധാനം ചെയ്യുന്ന ചിത്രത്തില് സക്കറിയയെന്ന ഗൈനക്കോളജിസ്റ്റിന്റെ അടുത്ത് ചികിത്സയ്ക്കെത്തുന്ന നാല് ഗര്ഭിണികളുടെയും അദ്ദേഹത്തിന്റെ ഭാര്യയുടെയും കഥയാണ് പറയുന്നത്. സനുഷയ്ക്ക് പുറമേ റിമ കല്ലിങ്കല്, ആശ ശരത്ത്, സാന്ദ്ര തോമസ്, ലക്ഷ്മി എന്നിവരാണ് മറ്റ് ഗര്ഭിണികളുടെ വേഷം ചെയ്യുന്നത്. ആശ ശരത്താണ് ലാല് അവതരിപ്പിക്കുന്ന സക്കറിയയുടെ ഭാര്യയായി അഭിനയിക്കുന്നത്.
കൊച്ചിയില് നടക്കുന്ന കഥയാണിതെന്നും തീര്ത്തും വ്യത്യസ്തമായ രീതിയിലാണ് ചിത്രം തയ്യാറാക്കുന്നതെന്നും സംവിധായകന് പറയുന്നു. വൈകാരിക മുഹൂര്ത്തങ്ങളും തമാശകളും ആകാംഷകളുമെല്ലാമുള്ള ചിത്രമാണിതെന്നും അനീഷ് പറയുന്നു. ഗര്ഭിണികളില് ഒരാളായി എത്തുന്ന സാന്ദ്ര തോമസ് തന്നെയാണ് ഫ്രൈഡേ സിനിമ ഹൗസിന്റെ ബാനറില് ഈ ചിത്രം നിര്മ്മിക്കുന്നത്. ഓഗസ്റ്റ് 23നാണ് ചിത്രത്തിന്റെ റിലീസ്.
-
ഞങ്ങളെ ഒരുപാട് പേരുടെ അടുത്ത് കൊണ്ടുപോയി കഥ പറയിപ്പിച്ചിട്ടുണ്ട്; മമ്മൂക്ക ഇല്ലായിരുന്നെങ്കില്...
-
എന്റെ ശ്രദ്ധ അവളിൽ നിന്ന് പോയാൽ ദേഷ്യം, കുട്ടിയല്ലേ; മകൾ തേജാലക്ഷ്മിയെക്കുറിച്ച് ഉർവശി
-
'എൻ്റെ രാജകുമാരിക്ക് ജന്മദിനാശംസകൾ'; ലാലേട്ടൻ പൊതുവെ ഈ സൈസ് എടുക്കാറില്ലലോ ഇന്നെന്തുപറ്റിയെന്ന് ആരാധകർ!