'ഒറ്റ പ്രാവശ്‌യമെങ്കിലും അവളും ഞാനും കൂടെ ഒരുമിച്ച് പറക്കും, എന്നിട്ടേ ചാകത്തൊള്ളു!' വിമാനം ടീസര്‍!

യഥാര്‍ത്ഥ കഥ

ജന്മനാ മൂകനും ബധിരനുമായ സജി എന്ന മനുഷ്യന്‍ സ്വന്തമായി വിമാനം നിര്‍മിച്ച് പറത്തിയതിന്റെ കഥയാണ് വിമാനം. യഥാര്‍ത്ഥ സജി മൂകനും ബധിരനുമാണെങ്കിലും പൃഥ്വിരാജിന്റെ കഥാപാത്രത്തിന് സംസാരിക്കാന്‍ കഴിയും.

ഇച്ഛാശക്തി കൊണ്ട് നേടിയ വിജയം

ദാരിദ്ര്യം കാരണം സജിക്ക് ഏഴാം ക്ലാസില്‍ പഠനം അവസാനിപ്പിക്കേണ്ടി വന്നു. എന്നാല്‍ ജന്മനാ ഉള്ള പരിമിതികള്‍ക്കും പ്രതികൂലമായ ജീവിത സാഹചര്യങ്ങള്‍ക്കും മുന്നില്‍ തീവ്രമായ ഇച്ഛാശക്തി കൊണ്ട് സജി പിടിച്ചു നിന്നു. പൃഥ്വിരാജിന്റെ കരിയറിലെ വെല്ലുവിളി നിറഞ്ഞ കഥാപാത്രങ്ങളില്‍ ഒന്നാണിത്.

പൃഥ്വിരാജ് പുറത്ത് വിട്ടു

തന്റെ ഔദ്യോഗിക ഫേസ്ബുക്ക് പേജിലൂടെ പൃഥ്വിരാജ് തന്നെയാണ് ടീസര്‍ പുറത്ത് വിട്ടത്. 48 സെക്കന്‍ഡ് ദൈര്‍ഘ്യമുള്ള ടീസറിന് മികച്ച പ്രതികരണമാണ് പ്രേക്ഷകരില്‍ നിന്നും ലഭിക്കുന്നത്. ആദം ജോണിന് ശേഷം തിയറ്ററിലെത്തുന്ന പൃഥ്വിരാജ് ചിത്രമാണ് വിമാനം.

കഥാപാത്രത്തിന് വേണ്ടി

വിമാനത്തിലെ കഥാപാത്രത്തിന് വേണ്ടി ശരീര ഭാരം പത്ത് കിലോയോളം പൃഥ്വരാജ് കുറച്ചിരുന്നു. പുതുമുഖ നടി ദുര്‍ഗ കൃഷ്ണയാണ് ചിത്രത്തിലെ നായിക. അലസിയര്‍, സുധീര്‍ കരമന, നെടുമുടി വേണു, ശാന്തി കൃഷ്ണ തുടങ്ങിയവരും ചിത്രത്തില്‍ വേഷമിടുന്നു. മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫനാണ് ചിത്രം നിര്‍മിക്കുന്നത്.

വിവാദത്തോടെ തുടക്കം

പ്രഖ്യാപന വേളയില്‍ തന്നെ ശ്രദ്ധിക്കപ്പെട്ട ചിത്രമാണ് വിമാനം. വിനീത് ശ്രീനിവാസന്‍ നായകനായി എത്തിയ എബിയുടെ കഥയുമായി വിമാനത്തിന്റെ കഥയ്ക്ക് സമാനതയുണ്ടെന്ന് കാണിച്ച് കോടതിയിലെത്തിയിരുന്നു. എന്നാല്‍ കോടതിയുടെ അനുവാദത്തോടെ എബി റിലീസിനെത്തുകയായിരുന്നു.

ടീസര്‍ കാണം

വിമാനത്തിന്റെ ടീസര്‍ കാണാം.