സ്റ്റീഫന്റെ കളരിയിൽ വെട്ടിന്റെ എണ്ണം അല്ല.. ആഴം ആണ് കണക്ക്!! ലാലേട്ടന്റെ മാസ് ഡയലോഗുമായി പൃഥ്വി

സ്റ്റീഫൻ നെടുമ്പള്ളി

ഏത് കഥാപാത്രവും അതിന്റേതായ തന്മയത്തോടെ പ്രേക്ഷകർകക് മുന്നിൽ അവതരിപ്പിക്കുന്ന നടനാണ് മോഹൻലാൽ. കുടുംബനാഥനായും ഡോണായും, രാഷ്ട്രീയക്കാരനായും വന്ന് പ്രേക്ഷകരുടെ കയ്യിടി വാങ്ങി കൂട്ടാൻ താരത്തിനെ കഴിഞ്ഞേ മറ്റാരുമുള്ളൂ. ഇത് പല ആവർത്തി ലാലേട്ടൻ തെളിയിച്ചതുമാണ്. ഒരു നീണ്ട ഇടവേളയ്ക്ക് ശേഷമാണ് മാസ് ലുക്കിൽ ലാലേട്ടൻ എത്തുന്നത്. സ്റ്റീഫൻ നെടുമ്പള്ളിയുടെ വരവ് പ്രേക്ഷകർ വൻ ആഘോഷമാക്കിയിരിക്കുകയാണ്.

ഇത്രയും പ്രതീക്ഷിച്ചില്ല

അഭിനയത്തിൽ നിലയിൽ പ്രേക്ഷകരെ ഒരിക്കൽ പോലും നിരാശപ്പെടുത്താത്ത നടനാണ് പൃഥ്വിരാജ്. പൃഥ്വിയെന്ന നടനെ പോലെ തന്നെയാണ് സംവിധായകനും. ലൂസിഫർ ഒരിക്കലും നിരാശപ്പെടുത്തില്ലെന്നുള്ള പ്രേക്ഷകരുടെ ധാരണയ്ക്ക് അല്പം പോലും കോട്ടം തട്ടാതെയായിരുന്നു പൃഥ്വി ചിത്രം ഒരുക്കിയത്. ഒരു മികച്ച നടൻ മാത്രമല്ല ഒരു മികച്ച സംവിധായകനാണെന്നും കൂടി കന്നി ചിത്രത്തിലൂടെ തെളിയിച്ചിരിക്കുകയാണ് താരം. പ്രേക്ഷകർ പ്രതീക്ഷിച്ചതിലും ഒരുപിടി അധികമാണ് ലൂസിഫറിലൂടെ താരം പ്രേക്ഷകർക്കായി നൽകിയിരിക്കുന്നത്.

ഓരേ രംഗത്തിനും നിരവധി കഥകൾ‌

ലൂസിഫർ എന്ന ചിത്രത്തിനെ കുറിച്ച് നിരവധി കഥകളാണ് താരങ്ങൾക്ക് പറയാനുള്ളത്. ചിത്രത്തിന്റെ ഓരോ സീനുകൾക്കും ഒരുപാട് ഓഫ് സ്ക്രീൻ കഥകൾ പറയാനുണ്ട്. പൃഥ്വിരാജ് ചിത്രത്തിലെ ഓഫ് സ്ക്രീൻ ചിത്രങ്ങൾ സോഷ്യൽ മീഡിയ പേജുകൾ പങ്കുവെച്ചിരുന്നു. ഈ ചിത്രങ്ങൾക്ക് പിന്നിലുള്ള കഥകളും താരം പങ്കവെച്ചിരുന്നു. ഇപ്പോഴിത ചിത്രത്തിലെ ലാലേട്ടന്റെ ഡയലോഗ് പങ്കുവെച്ചിരിക്കുകയാണ് താരം.

ലാലേട്ടന്റെ മാസ് ഡയലോഗ്

ലൂസിഫറിലെ ലാലേട്ടന്റെ ഒരു മാസ് ഡയലോഗാണ് ഇക്കുറി പൃഥ്വി പങ്കുവെച്ചിരിക്കുന്നത്. ഒപ്പം താരത്തിന്റെ ചിത്രവുമുണ്ട്. വടക്കൻ കളരികളിൽ എണ്ണം പറഞ്ഞു വെട്ടുന്ന പാരമ്പര്യമുണ്ടെന്നറിയാം.... പക്ഷേ സ്റ്റീഫന്റെ കളരിയിൽ വെട്ടിന്റെ എണ്ണം അല്ല... ആഴം ആണ് കണക്ക്- ലൂസിഫറിലെ ലാലേട്ടന്റെ ചിത്രത്തനൊപ്പം പൃഥ്വി കുറിച്ചു.

ലൂസിഫറിന്റെ രണ്ടാം ഭാഗം

സോഷ്യൽ മീഡിയയിലേയും സിനിമ ഗ്രൂപ്പുകളിലേയും പ്രധാന ചർച്ച വിഷയം ലൂസിഫറിന്റെ രണ്ടാം ഭാഗത്തെ കുറിച്ചാണ്. ചിത്രത്തിന് രണ്ടാം ഭാഗം വരുന്നു എന്നുള്ള സൂചനയാണ് സംവിധായകൻ പൃഥ്വിരാജിന്റേയും തിരക്കഥകൃത്ത് മുരളി ഗോപിയുടേയും ഭാഗത്ത് നിന്ന് ഉണ്ടായിരിക്കുന്നത്. അബ്രഹാം ഖുറോഷി എന്ന കഥാപാത്രത്തെ പരിചയപ്പെടുത്തി പൃഥ്വി എത്തിയിരുന്നു. ഇനി എല്ലാവർക്കും അറിയേണ്ടത്. സ്റ്റീഫൻ നെടുമ്പള്ളിയും അബ്രഹാം ഖുറേഷിയും തമ്മിലുള്ള ബവന്ധത്തെ കറിച്ചാണ്. ഇതായി ആകാംക്ഷയോടെ കാത്തിരിക്കുകയാണ് പ്രേക്ഷകർ.