പൃഥ്വിരാജ് വിമാനം പറത്താന്‍ തയ്യാറെടുക്കുകയാണ്; വിമാനം 2017 ല്‍ തിയേറ്ററുകളിലെത്തും

ആകാശക്കാഴ്ചകളുമായി വിമാനം

വിമാനം എന്നു പേരിട്ടിരിക്കുന്ന സിനിമക്ക് 12 കോടിരൂപയാണ് നിര്‍മ്മാണച്ചെലവ്. നവാഗതനായ പ്രദീപ് നായരാണ് ചിത്രം സംവിധാനം ചെയ്യുന്നത്. മിണ്ടാനും പറയാനുമാവില്ലെങ്കിലും സ്വപ്‌നച്ചിറകുകളില്‍ പറന്ന മനുഷ്യന്റെ കഥയാണ് വിമാനം പറയുന്നത്. റബ്ബര്‍ തോട്ടത്തില്‍ കീടനാശിനി തളിക്കാനെത്തിയ ചെറു ഹെലികോപ്ടര്‍ കണ്ടാണ് തൊടുപുഴക്കാരന്‍ സജി ആകാശസ്വപ്‌നങ്ങള്‍ കണ്ടു തുടങ്ങിയത്.

യഥാര്‍ത്ഥ സംഭവത്തെ ആസ്പദമാക്കി ഒരുക്കുന്നു

ദാരിദ്രം കാരണം പഠനം ഉപേക്ഷിച്ച സജിയുടെ കഥയാണ് വിമാനം പറയുന്നത്. യഥാര്‍ത്ഥ്യ സംഭവത്തോടൊപ്പം അല്‍പം ഭാവന കൂടി ചേര്‍ത്തുള്ള സ്വതന്ത്രാഖ്യാനമാണ് വിമാനമെന്ന് സംവിധായകന്‍ പറഞ്ഞു.

12 കോടി നിര്‍മാണച്ചെലവ്

12 കോടിയാണ് ചിത്രത്തിന്റെ നിര്‍മാണച്ചെലവായി കണക്കാക്കിയിട്ടുള്ളത്. പൃഥിരാജ് വിമാനം പറത്തുന്ന രംഗങ്ങളാണ് സിനിമയുടെ പ്രധാന സവിശേഷത.

സാങ്കേതിക മികവ്

വിദേശത്തു നിന്നുള്ള സാങ്കേതിക പ്രവര്‍ത്തകരാണ് ചിത്രത്തിലെ ആകാശദൃശ്യങ്ങള്‍ ഒപ്പിയെടുക്കുന്നത്.