Click it and Unblock the Notifications
വില്ലനില് നിന്നും പൃഥ്വിരാജ് പിന്വാങ്ങിയത്.. മോഹന്ലാലിനൊപ്പം അഭിനയിക്കാന് പൃഥ്വി വിസമ്മതിച്ചോ???
പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന ചിത്രമാണ് വില്ലന്. ബി ഉണ്ണിക്കൃഷ്ണനും മോഹന്ലാലും ഒരുമിക്കുന്ന നാലാമത്തെ ചിത്രമാണിത്. വില്ലന്, ഹന്സിക, ശ്രീകാന്ത്, റാഷി ഖന്ന തുടങ്ങിയവരും ചിത്രത്തില് പ്രധാന കഥാപാത്രമായെത്തുന്നുണ്ട്. മോഹന്ലാലിന്റെ വില്ലനായി വിശാല് മലയാള സിനിമയിലേക്ക് അരങ്ങേറുകയാണ്. വില്ലന് തിരക്കഥ തയ്യാറാക്കുമ്പോള് സംവിധായകന്റെ മനസ്സില് ഉണ്ടായിരുന്ന താരമായിരുന്നില്ല വിശാല്. മലയാള സിനിമയിലെ യുവതാരങ്ങളില് ഏറെ ശ്രദ്ധേയനായ താരമായിരുന്നു സംവിധായകന്റെ മനസ്സിലുണ്ടായിരുന്നത്. എന്നാല് പിന്നീട് ആ റോള് വിശാലിന് ലഭിക്കുകയായിരുന്നു.
യുവതാരങ്ങളില് ഏറെ ശ്രദ്ധേയനായ പൃഥ്വിരാജിനെയായിരുന്നു സംവിധായകന് മനസ്സില് കണ്ടിരുന്നത്. എന്നാല് സിനിമ യാഥാര്ത്ഥ്യമായപ്പോള് ആ റോളിലേക്ക വിശാല് എത്തുകയായിരുന്നു. ഈ ചിത്രത്തിലൂടെ മലയാള സിനിമയില് അരങ്ങേറാനുള്ള ഭാഗ്യം കൂടിയാണ് താരത്തെ തേടിയെത്തിയത്. മോഹന്ലാല് പൃഥ്വി കൂട്ടുകെട്ടില് പുറത്തിറങ്ങുന്ന സിനിമയ്ക്കായുള്ള കാത്തിരിപ്പിലാണ് ഇരുവരുടേയും ആരാധകര്.
വില്ലനിലെ വില്ലനായി പൃഥ്വിരാജ്
വില്ലന് സിനിമയുടെ പ്രാരംഭ ജോലികള് തുടങ്ങിയപ്പോള് വില്ലനായി സംവിധായകന്റെ മനസ്സില് പൃഥ്വിയായിരുന്നു ഉണ്ടായിരുന്നത്. മോഹന്ലാലിന്റെ വില്ലനായി ഈ താരമായിരുന്നു സംവിധായകന്റെ മനസ്സിലുണ്ടായിരുന്നത്. എന്നാല് പിന്നീട് ആ റോളിലേക്ക് തമിഴ് താരം വിശാലിനെ പരിഗണിക്കുകയായിരുന്നു.
പൃഥ്വി നിരസിച്ചതാണോ?
വില്ലനില് അഭിനയിക്കാനുള്ള അവസരം പൃഥ്വി തന്നെ നിരാകരിച്ചതാണോയെന്നാണ് ആരാധകര് ചോദിക്കുന്നത്. അതിനുള്ള ഉത്തരവും സംവിധായകന് നല്കുന്നുണ്ട്. അടുത്തിടെ നല്കിയ അഭിമുഖത്തിനിടയിലാണ് അദ്ദേഹം കാര്യങ്ങള് വ്യക്തമാക്കിയത്.
പൃഥ്വിയുടെ തിരക്ക്
ചിത്രത്തില് അഭിനയിക്കുന്നതിനെക്കുറിച്ചും കഥാപാത്രത്തെക്കുറിച്ചുമൊക്കെ പൃഥ്വിരാജിന് അറിയുമായിരുന്നു. എന്നാല് മറ്റു ചിത്രങ്ങളുമായി തിരക്കിലായതിനാല് അദ്ദേഹത്തിന് ഈ അവസരം വിനിയോഗിക്കാന് കഴിയാതെ വരികയായിരുന്നു.
പൃഥ്വിരാജിന്റെ നിര്ദേശപ്രകാരം
മറ്റു ചിത്രങ്ങളുമായി തിരക്കിലായതിനാല് ആ റോളിലേക്ക് വേറെ താരത്തെ തിരഞ്ഞെടുക്കാന് സംവിധായകനെ അറിയിച്ചത് പൃഥ്വിരാജ് തന്നെയായിരുന്നു. ആദം ജോണിന്റെ തിരക്കിലായിരുന്നു താരം. അതു കഴിഞ്ഞുള്ള ചിത്രങ്ങളിലും പൃഥ്വി കരാറൊപ്പിട്ടിരുന്നു.
വില്ലനായി വിശാല്
വില്ലനിലൂടെ തമിഴ് താരം വിശാല് മലയാള സിനിമയിലേക്ക് അരങ്ങേറുകയാണ്. മോഹന്ലാലിനൊപ്പം പ്രമുഖ തെന്നിന്ത്യന് താരങ്ങളും ഈ ചിത്രത്തില് അണിനിരക്കുന്നുണ്ട്.
തിയേറ്ററുകളിലേക്കെത്തുന്നത്
പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന വില്ലന് ഒക്ടോബര് 27 നാണ് തിയേറ്ററുകളിലേക്കെത്തുന്നത്. നേരത്തെ റിലീസ് തീയതി പ്രഖ്യാപിച്ചിരുന്നുവെങ്കിലും പിന്നീട് മാറ്റുകയായിരുന്നു.
Continue with Google