സഹതാരങ്ങള്‍ക്ക് രാശിയല്ലാത്ത പ്രിയ ആനന്ദ്? വിമര്‍ശകന്‍റെ വായടിപ്പിക്കുന്ന മറുപടി നല്‍കി താരം! കാണൂ!

പ്രിയയ്‌ക്കെതിരെ വിമര്‍ശനം

താരങ്ങളുമായി ബന്ധപ്പെട്ട വിശേഷങ്ങളറിയാന്‍ ആരാധകര്‍ക്ക് താല്‍പര്യമാണ്. സിനിമയിലെ മാത്രമല്ല വ്യക്തി ജീവിതത്തിലെ വിശേഷങ്ങളെക്കുറിച്ചറിയാനും ഇവര്‍ക്ക് താല്‍പര്യമാണ്. അതിനിടയിലായിരുന്നു തനിക്കെതിരെ ഉയര്‍ന്നുവന്ന വിമര്‍ശനത്തിന് പ്രതികരണവുമായി പ്രിയ എത്തിയത്. ട്വിറ്ററിലൂടെയായിരുന്നു വിമര്‍ശകര്‍ താരത്തെക്കുറിച്ച് മോശമായി പറഞ്ഞത്. ഇത് ശ്രദ്ധയില്‍പ്പെട്ടതിന് പിന്നാലെയായി വായടപ്പിക്കുന്ന മറുപടിയുമായി താരമെത്തിയത്.

അവരുടെ മരണത്തിന് കാരണം?

താരങ്ങളെ വിമര്‍ശിക്കുന്നതും പരിഹസിക്കുന്നതുമൊക്കെ ഫാഷനാണെന്ന് തെറ്റിദ്ധരിച്ചാണ് ഒരു വിഭാഗത്തിന്റെ നടപ്പ്. ശ്രീദേവി ചിത്രമായ ഇംഗ്ലീഷ,് വിഗ്ലീഷും ജെകെ റിതേഷ് ചിത്രമായ എല്‍കെജിയും കണ്ടതിന് പിന്നാലെയായാണ് ഈ രണ്ട് സിനിമകളിലും പ്രിയ ആനന്ദ് അഭിനയിച്ചിരുന്നുവെന്നും അക്കാരണത്താലാണ് ഇരുതാരങ്ങളും മരിച്ചതെന്നും പ്രിയയുടെ വരവ് അത്ര നല്ലതല്ലായിരുന്നുവെന്നും വ്യക്തമാക്കിയാണ് വിമര്‍ശകന്‍ രംഗത്തെത്തിയത്. ട്വീറ്റിലൂടെയായിരുന്നു അവര്‍ ഇക്കാര്യത്തെക്കുറിച്ച് വ്യക്തമാക്കിയത്.

മറുപടിയുമായി പ്രിയ

ട്വീറ്റ് വൈറലായി മാറിയതിന് പിന്നാലെയായാണ് മറുപടിയുമായി പ്രിയയും രംഗത്തെത്തിയത്. സഹപ്രവര്‍ത്തകര്‍ക്ക് രാശിയല്ല പ്രിയയെന്ന വിമര്‍ശനത്തിന് കൃത്യമായ മറുപടിയാണ് താരം നല്‍കിയത്. ഇത്തരത്തിലുള്ള വിമര്‍ശനങ്ങള്‍ക്ക് താന്‍ മറുപടി നല്‍കാറില്ലെന്നും ഇത് തനിക്ക് വല്ലാതെ ഫീലായി മാറിയെന്നും വൈകാരികമായി ബാധിച്ചുവെന്നും അതിനാലാണ് മറുപടിയെന്നും വ്യക്തമാക്കി രംഗത്തെത്തിയിരിക്കുകയാണ് താരം. ഇത്തരത്തിലുള്ള കാര്യങ്ങള്‍ പറയുമ്പോള്‍ അത് മറ്റുള്ളവരെ എങ്ങനെ ബാധിക്കുമെന്ന കാര്യത്തെക്കുറിച്ച് ചിന്തിക്കണമെന്നും താരം പറയുന്നു.

മാപ്പുപറഞ്ഞ് വിമര്‍ശകന്‍

ഇത്തരത്തിലുള്ള കമന്റുകള്‍ പോസ്റ്റ് ചെയ്യുന്നതിന് മുന്‍പ് രണ്ടാമതാലോചിക്കുന്നത് നല്ലതാണെന്നും അവര്‍ പറയുന്നു. പ്രിയയുടെ മറുപടി വന്നതിന് പിന്നാലെയായാണ് സംഭവിച്ചത് തെറ്റാണെന്ന് മനസ്സിലായതായും മാപ്പ് പറയുന്നുവെന്നും വ്യക്തമാക്കി വിമര്‍ശകനെത്തിയത്. തന്‍രെ തെറ്റ് മനസ്സിലായെന്നും രണ്ട് സിനിമകളും ഒരുമിച്ച് കണ്ടപ്പോള്‍ കോമണ്‍ ഫാക്ടറായി തോന്നിയ കാര്യമാണ് ഇതെന്നും അതിനാലാണ് അങ്ങനെ പറഞ്ഞതെന്നുമായിരുന്നു വിമര്‍ശകന്‍ പറഞ്ഞത്.

താരത്തിന്റെ പ്രതികരണം

വിമര്‍ശകര്‍ ക്ഷമ പറഞ്ഞതിന് പിന്നാലെയായി വീണ്ടും മറുപടിയുമായും പ്രിയ എത്തിയിരുന്നു. ക്ഷമ പറഞ്ഞതിന് നന്ദി, താങ്കളെ വേദനിപ്പിക്കണമെന്ന് കരുതിയിരുന്നില്ലെന്നും നന്ദി പറഞ്ഞതില്‍ സന്തോഷമെന്നും താരം പറയുന്നു. ഇത്തരത്തിലുള്ള സംഭവങ്ങള്‍ മറ്റുള്ളവരെ എങ്ങനെ ബാധിക്കുമെന്ന കാര്യത്തെക്കുറിച്ച് ചിന്തിക്കാതിരുന്നതാണ് നിങ്ങള്‍ക്ക് പറ്റിയ തെറ്റെന്നും താരം പറഞ്ഞിരുന്നു.

കൈയ്യടിച്ച് സോഷ്യല്‍ മീഡിയ

പ്രിയയുടെ മറുപടിക്ക് കൈയ്യടിയുമായി രംഗത്തെത്തിയിരിക്കുകയാണ് സോഷ്യല്‍ മീഡിയ. താരങ്ങളാണെന്ന് കരുതി എന്തും പറയാവുന്ന സ്ഥിതിയാണെന്ന മട്ടിലാണ് ചിലര്‍ പെരുമാറാറുള്ളത്. അത്തരക്കാര്‍ക്ക് നല്‍കാന്‍ പറ്റിയ കൃത്യമായ മറുപടി തന്നെയാണ് ഇത്. വിമര്‍ശകനെക്കൊണ്ട് മുട്ടുകുത്തിച്ച താരത്തിന് അഭിനന്ദനമെന്നാണ് ആരാധകര്‍ പറയുന്നത്.