Don't Miss!
- Lifestyle മുടി കൊഴിച്ചിലും മുടിയുടെ കട്ടി കുറയുന്നതും തടയാം; ഇതാ ചില പരിഹാരമാര്ഗ്ഗങ്ങള്
- Automobiles 40 കിട്ടിയില്ലെങ്കിലും 30 കിലോമീറ്ററിനടുത്തുണ്ട്! യുകെയില് വില്ക്കുന്ന സ്വിഫ്റ്റിന്റെ മൈലേജ് അറിയാം
- News ആലത്തൂര് രമ്യക്കൊപ്പം തന്നെ? മന്ത്രി വന്നിട്ടും കാര്യമില്ല, ആ തന്ത്രം നടക്കില്ല; വോട്ടര്മാരുടെ അഭിപ്രായം
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
അപ്പു അച്ഛനേക്കാള് വലുതാവട്ടെ, പ്രണവിന് ആശംസയുമായി പ്രിയദര്ശന് !!
ഇന്നലെ വരെയുള്ള മലയാള സിനിമയുടെ ചരിത്രം തിരുത്തിക്കുറിക്കാനാണ് പ്രണവ് സിനിമയില് അരങ്ങേറിയിട്ടുള്ളതെന്ന് ആരാധകര്.
സിനിമാലോകം ഒന്നടങ്കം ഉറ്റുനോക്കിയൊരു കാര്യത്തിനാണ് ബുധനാഴ്ച തുടക്കം കുറിച്ചിട്ടുള്ളത്. സൂപ്പര് സ്റ്റാറിന്റെ മകന്റെ സിനിമാ അരങ്ങേറ്റത്തിനായി പ്രേക്ഷക ലോകം ഒന്നടങ്കം കാത്തിരിക്കുകയായിരുന്നു. പുനര്ജനിയിലൂടെ മികച്ച ബാലതാരത്തിനുള്ള സംസ്ഥാന അവാര്ഡ് സ്വന്തമാക്കിയ പ്രണവ് നായകനായെത്തുന്ന ചിത്രത്തിന് ആദിയെന്നാണ് പേര് നല്കിയിട്ടുള്ളത്. ജിത്തു ജോസഫ് സംവിധാനം ചെയ്യുന്ന ചിത്രത്തെക്കുറിച്ചുള്ള അപ്ഡേറ്റുകള് നേരത്തെ തന്നെ പുറത്തു വന്നിരുന്നു.
മോഹന്ലാല് ആരാധകരെ സംബന്ധിച്ച് വളരെയേറെ സന്തോഷം നിറഞ്ഞ മണിക്കൂറുകളാണ് കടന്നുപോയത്. അച്ഛന്റേയും മകന്റേയും സിനിമയ്ക്ക് ഒരേ വേദിയില് വെച്ചാണ് തുടക്കം കഉരിച്ചത്. ചടങ്ങുകള്ക്ക് സാക്ഷിയായി ഭാര്യയും മകളും സദസ്സിലുണ്ടായിരുന്നു. പ്രണവിന്റെ നായകനായുള്ള അരങ്ങേറ്റത്തിന് സിനിമയിലെ പ്രമുഖര് ആശംസയുമായി എത്തിയിട്ടുണ്ട്.
ഇന്നലെ വരെയുള്ള മലയാള സിനിമയുടെ ചരിത്രം മാറ്റിക്കുറിക്കാനാണ് പ്രണവ് വന്നിരിക്കുന്നതെന്ന തരത്തിലുള്ള കമന്റുകളാണ് പോസ്റ്റിനു കീഴില് പ്രത്യക്ഷപ്പെട്ടിട്ടുള്ളത്. ഇന്നലെ വരെ മലയാളക്കരയില് ഒരുപാട് യുവതാരമേള ഉണ്ടായിരിക്കാം, പക്ഷേ ഇന്ന് അവതരിച്ചിരിക്കുന്ന ഈ താരം ഒരു ഒന്നൊന്നര തരമാണെന്ന് പറഞ്ഞേക്കെന്നാണ് പോസ്റ്റിനു കീഴില് ഒരാള് കുറിച്ചിട്ടുള്ളത്. രാജാവിന്റെ മകനെന്നും ചിലര് പ്രണവിനെ വിശേഷിപ്പിച്ചിട്ടുണ്ട്.
മോഹന്ലാലും പ്രിയദര്ശനും തമ്മിലുള്ള ബന്ധത്തെക്കുറിച്ച് പ്രേക്ഷകര്ക്കെല്ലാം അറിയാവുന്നതാണ്. ഇവരുടെ കുടുംബങ്ങള് തമ്മിലും മികച്ച ബന്ധമാണ് കാത്തു സൂക്ഷിക്കുന്നത്. ആത്മസുഹൃത്തിന്റെ മകന്റെ അരങ്ങേറ്റത്തിന് ആശംസയുമായി പ്രിയദര്ശനും എത്തിയിട്ടുണ്ട്. ഫേസ്ബുക്ക് പേജിലൂടെയാണ് സംവിധായകന് ആശംസ അറിയിച്ചിട്ടുള്ളത്. അപ്പു അച്ഛനേക്കാള് വലുതാവട്ടൈ എന്നാണ് സംവിധായകന് കുറിച്ചിട്ടുള്ളത്. ഒപ്പം മോഹന്ലാലും മകനും ഒരുമിച്ച് നില്ക്കുന്ന ഫോട്ടോയും പോസ്റ്റ് ചെയ്തിട്ടുണ്ട്.