twitter
    For Quick Alerts
    ALLOW NOTIFICATIONS  
    For Daily Alerts

    ചങ്ങമ്പുഴയായി രാഹുല്‍ ഈശ്വര്‍ വരുന്നു

    |

    rahul ishwar
    യുവാക്കളുടെ ഹരമായിരുന്നു ചങ്ങമ്പുഴ, പ്രണയവും കവിതയും വിപ്ലവവും പാടിയ യൗവ്വനത്തിന്റെ ആഘോഷമായ കവി. ചങ്ങമ്പുഴയായി സ്‌ക്രീനിലെത്തുന്നതും യുവാക്കള്‍ ആഘോഷിക്കുന്ന ഒരാളാണ്. രാഹുല്‍ ഈശ്വര്‍. മട്ടന്നൂര്‍ ബല്‍റാമാണ് രാഹുല്‍ ഈശ്വറിനെ ചങ്ങമ്പുഴയാക്കി രമണന്‍ എന്ന സിനിമയൊരുക്കുന്നത്. ചിത്രത്തില്‍ നാനാ പടേക്കര്‍ നായകനായേക്കും എന്ന് നേരത്തെ അഭ്യൂഹങ്ങള്‍ ഉണ്ടായിരുന്നു. ഇത് നടക്കാതെ പോയതോടെയാണ് ചങ്ങമ്പുഴയാകാന്‍ രാഹുല്‍ ഈശ്വറിന് അവസരമൊരുങ്ങിയത്.

    കവിത്വമാണ് ചങ്ങമ്പുഴയെ പ്രശസ്തനാക്കിയതെങ്കില്‍ വിവാദങ്ങളാണ് രാഹുല്‍ ഈശ്വറിനെ ഓണ്‍ലൈന്‍ മീഡിയയില്‍ പരിചിതനാക്കിയത്. യൂ ട്യൂബിലും ഗൂഗിളിലും രാഹുല്‍ ഈശ്വര്‍ വളരെ പ്രശസ്തനാണ്. ശബരിമല തന്ത്രി വിവാദത്തിലൂടെ ദിവസങ്ങളോളം രാഹുല്‍ ഈശ്വര്‍ ചര്‍ച്ചകളില്‍ നിറഞ്ഞുനിന്നിരുന്നു. രാഹുല്‍ ഈശ്വറിന്റെ ആദ്യ ചിത്രമല്ല രമണന്‍. കുട്ടിക്കാലത്ത് പല സിനിമകളിലും താന്‍ ബാലതാരമായി മുഖം കാണിച്ചിട്ടുണ്ടെന്നും രാഹുല്‍ ഈശ്വര്‍ പറഞ്ഞു.

    ലണ്ടന്‍ സ്‌കൂള്‍ ഓഫ് ഇക്കണോമിക്‌സില്‍ നിന്നും ബിരുദ ധാരിയാണ് രാഹുല്‍ ഈശ്വര്‍. ഇപ്പോള്‍ സംസ്ഥാന ആര്‍ട്‌സ് ആന്‍ഡ് സയന്‍സ് കോളേജുകളുമായി ബന്ധപ്പെട്ട പ്രോജക്ടുകളില്‍ പ്രവര്‍ത്തിക്കുന്നു. നിരവധി സിനിമാ ഓഫറുകള്‍ വരുന്നുണ്ടെങ്കിലും ഔദ്യോഗിക തിരക്കുകള്‍ കാരണം അഭിനയരംഗത്തെത്താന്‍ കഴിയുന്നില്ലെന്നാണ് രാഹുലിന്റെ പരാതി.

    ചങ്ങമ്പുഴയുടെ ജീവിതം പ്രമേയമാക്കി പ്രിയനന്ദനന്‍ സംവിധാനം ചെയ്യുന്ന ചിത്രത്തില്‍ ഫഹദ് ഫാസിലാണ് നായകന്‍. അരികില്‍ നീയുണ്ടായിരുന്നെങ്കില്‍ എന്നാണ് ചിത്രത്തിന് പേരിട്ടിരിക്കുന്നത്.

    English summary
    Rahul Ishwar as poet Changampuzha in Mattannur Balram's Ramanan.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X