'സോലോ'യ്ക്ക് വേണ്ടി രാമലീല നീക്കിയാല്‍ നിയമനടപടി.. താരപുത്രനു വേണ്ടി ദിലീപ് മാറി നില്‍ക്കില്ല!

സോലോയ്ക്ക് മുന്നില്‍ രാമലീല പിടിച്ചു നില്‍ക്കുമോ?

ദിലീപിന്റെ രാമലീല വിജയകരമായി പ്രദര്‍ശനം തുടരുന്നതിനിടയിലാണ് ദുല്‍ഖര്‍ സല്‍മാന്‍ ചിത്രമായ സോലോ തിയേറ്ററുകളിലേക്ക് എത്തിയത്. ഡിക്യു ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമായിരുന്നു ഇത്. മികച്ച വരവേല്‍പ്പാണ് ചിത്രത്തിന് ലഭിച്ചത്.

തിയേറ്ററുകള്‍ തമ്മില്‍ പിടിവലി

മള്‍ട്ടിപ്ലക്‌സുകളുടെ സ്വന്തം താരമാണ് ഡിക്യു. ദുല്‍ഖര്‍ ചിത്രത്തിനെല്ലാം മികച്ച കളക്ഷനാണ് മള്‍ട്ടിപ്ലക്‌സില്‍ നിന്നും ലഭിക്കുന്നത്. രാമലീല നിറഞ്ഞ സദസ്സുകളില്‍ പ്രദര്‍ശനം തുടരുമ്പോഴും പല തിയേറ്ററുകളും സോലോയ്ക്ക് വേണ്ടിയുള്ള ശ്രമം തുടങ്ങിയിരുന്നു.

റിലീസിങ്ങ് ലാഭം ലക്ഷ്യമിട്ടുള്ള നീക്കം

ആദ്യദിന കളക്ഷന്‍ ലക്ഷ്യമിട്ടാണ് പല തിയേറ്ററുകളും സോലോയ്ക്ക് വേണ്ടി മുറവിളി കൂട്ടിയത്. രാമലീലയുടെ ഷോ വെട്ടിക്കുറച്ചും പൂര്‍ണ്ണമായി നീക്കം ചെയ്തുമാണ് സോലോ പ്രദര്‍ശിപ്പിച്ചത്.

രാമലീലയ്‌ക്കെതിരെയുള്ള നീക്കം

രാമലീലയുടെ ഷോ വെട്ടിക്കുറക്കുന്നതും പൂര്‍ണ്ണമായി നീക്കം ചെയ്തും സോലോ പ്രദര്‍ശിപ്പിക്കാന്‍ തുടങ്ങിയതിനെക്കുറിച്ചും അണിയറപ്രവര്‍ത്തകര്‍ കൃത്യമായി മനസ്സിലാക്കിയിരുന്നു.

നിയമനടപടി സ്വീകരിക്കും

ഹോള്‍ഡ് ഓവര്‍ ആവാതെ മറ്റ് ചിത്രങ്ങള്‍ക്ക് വേണ്ടി രാമലീലയെ മാറ്റുന്ന നീക്കത്തിനെതിരെ നിയമപരമായ നടപടി സ്വീകരിക്കുമെന്ന് നിര്‍മ്മാതാവ് ടോമിച്ചന്‍ മുളകുപാടം അറിയിച്ചു.

തകര്‍ക്കാനുള്ള ശ്രമം

നേരത്തെയും രാമലീലയെ തകര്‍ക്കാനുള്ള ശ്രമങ്ങള്‍ നടന്നിരുന്നു. നിരവധി പ്രതിസന്ധികള്‍ വിജയകരമായി തരണം ചെയ്തതിനു ശേഷമാണ് രാമലീല തിയേര്‌ററുകളിലേക്കെത്തിയത്. ഹോള്‍ഡ് ഓവര്‍ ആവാതെ രാമലീല നീക്കം ചെയ്താല്‍ തിയേറ്ററുകള്‍ക്കെതിരെ നിയമനടപടി സ്വീകരിക്കുമെന്നും നിര്‍മ്മതാവ് അറിയിച്ചിട്ടുണ്ട്.

രാമലീലയെ സ്വീകരിച്ചു

കുട്ടികളുടെയും കുടുംബ പ്രേക്ഷകരുടെയും സ്വന്തം താരമാണ് ദിലീപ്. നീണ്ട കാത്തിരിപ്പിനൊടുവില്‍ തിയേറ്ററുകളിലേക്കെത്തിയ ദിലീപ് ചിത്രത്തിന് ആരാധകര്‍ മികച്ച സ്വീകരണമാണ് നല്‍കിയത്.

സോലോയ്ക്ക് സമ്മിശ്ര പ്രതികരണം

ബോളിവുഡ് സംവിധായകനായ ബിജോയ് നമ്പ്യാരും ദുല്‍ഖര്‍ സല്‍മാനും ഒരുമിച്ചപ്പോള്‍ പ്രേക്ഷകര്‍ക്ക് ഏറെ പ്രതീക്ഷയായിരുന്നു. മലയാളത്തിലും തമിഴിലുമായി ഒരുക്കിയ സോലോയ്ക്ക് സമ്മിശ്ര പ്രതികരണമാണ് ലഭിച്ചത്.