മൊണ്ടാഷ് മൊമന്റ്‌സ് വിത്ത് മോനിഷ, മലയാളത്തിന്റെ പ്രിയനടിയ്ക്ക് ഗാനാഞ്ജലി

കോഴിക്കോട്ടുകാരി

1971ല്‍ പി നാരായണനുണ്ണിയുടെയും ശ്രീദേവിയുടെയും മകളായി ജനിച്ചു. സജിത് ഏക സഹോദരനാണ്. പിതാവിന് ബാംഗ്ലൂരില്‍ ബിസിനസ്സ് ആയിരുന്നതിനാല്‍ ബാല്യകാലം ഇവിടെയായിരുന്നു.

അമ്മയുടെ അനുഗ്രഹം

നര്‍ത്തകിയായ അമ്മയില്‍ നിന്നും കുട്ടിക്കാലത്തു തന്നെ നൃത്തത്തിന്റെ ആദ്യപാഠങ്ങള്‍ പഠിച്ചു. ഒമ്പതാം വയസ്സില്‍ തന്നെ അരങ്ങേറ്റം. ബാംഗ്ലൂരിലെ സെന്റ് ചാള്‍സ് ഹൈസ്‌കൂളിലും ബിഷപ്പ് കോട്ടണ്‍ ഗേള്‍സ് ഹൈസ്‌കൂളിലുമായിരുന്നു പ്രാഥമിക വിദ്യാഭ്യാസം. മൗണ്ട് കാര്‍മല്‍ കോളജില്‍ നിന്നും സൈക്കോളജിയില്‍ ബിരുദവും നേടി.

വഴിത്തിരിവ്

പ്രശസ്ത സാഹിത്യകാരനായ എംടി വാസുദേവന്‍ നായര്‍ കുടുംബസുഹൃത്തായിരുന്നു. എംടിയുടെ കഥയില്‍ ഹരിഹരന്‍ സംവിധാനം ചെയ്ത നഖക്ഷതങ്ങളില്‍ അഭിനയിക്കാനുള്ള അവസരം ലഭിക്കുന്നത് അങ്ങനെയാണ്.

ദേശീയ അവാര്‍ഡ്

നഖക്ഷതങ്ങള്‍ എന്ന ചിത്രത്തിലെ ഗൗരി എന്ന കഥാപാത്രത്തിന് 1987ലെ ദേശീയ അവാര്‍ഡ് ലഭിച്ചു. ഈ നേട്ടം സ്വന്തമാക്കുന്ന ഏറ്റവും പ്രായം കുറഞ്ഞ താരമെന്ന ബഹുമതി.

അഭിനയിച്ച സിനിമകള്‍

നഖക്ഷതങ്ങള്‍, ഋതുഭേദം, കനകാംബരങ്ങള്‍, വീണമീട്ടിയ വിലങ്ങുകള്‍, കുടുംബസമേതം, കമലദളം, ദ്രാവിഡന്‍, വേനല്‍കിനാവുകള്‍, പൂക്കള്‍ വിടും ഇതള്‍, അധിപന്‍, കടവ്, ചമ്പക്കുളം തച്ചന്‍, ആര്യന്‍, കുറുപ്പിന്റെ കണക്കുപുസ്തകം, ഉന്ന നെനച്ചേന്‍ പാട്ടു പഠിച്ചേന്‍, ചെപ്പടി വിദ്യ, ചിരംജീവി സുധാകര, പെരുന്തച്ചന്‍, ഒരു കൊച്ചു ഭൂമികുലുക്കം.

മരണം

ചെപ്പടി വിദ്യ എന്ന സിനിമയുടെ ഷൂട്ടിങിനിടെയായിരുന്നു അപകടം. മോനിഷയും അമ്മയും സഞ്ചരിച്ചിരുന്ന കാര്‍ ആലപ്പുഴയ്ക്കടുത്തുള്ള ചേര്‍ത്തലയില്‍ വെച്ച് അപകടത്തില്‍ പെടുകയായിരുന്നു. മോനിഷ സംഭവസ്ഥലത്തു വെച്ചു തന്നെ മരിച്ചു

പിതാവിന്റെ മരണം

മോനിഷയുടെ പിതാവും നടി ശ്രീദേവി ഉണ്ണിയുടെ ഭര്‍ത്താവുമായ പിഎന്‍ ഉണ്ണി എന്ന പി നാരായണനുണ്ണി 2013ല്‍ അന്തരിച്ചു.

ശാലീനതയും ലാളിത്യവും

ശാലീന സൗന്ദര്യവും ലാളിത്യം നിറഞ്ഞ അഭിനയ മികവും കൊണ്ടും വെറും ആറു വര്‍ഷം കൊണ്ട് മറ്റൊരു നടിയും ഇതുപോലെ മലയാളികളുടെ മനസ്സ് കീഴടക്കിയിട്ടില്ല.

അമ്മയുടെ സ്വപ്നം

മോനിഷ മകള്‍ എന്നതിനേക്കാളും എനിക്കൊരു വഴിക്കാട്ടിയായിരുന്നുവെന്ന് ശ്രീദേവി ഉണ്ണി ഒരു അഭിമുഖത്തില്‍ പറഞ്ഞിട്ടുണ്ട്. അമ്മയുടെ സ്വപ്‌നങ്ങള്‍ യാഥാര്‍ത്ഥ്യമാക്കാന്‍ ഇറങ്ങിപുറപ്പെട്ട ഒരു മകള്‍.